| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
أحاسيس ماطرةللخواطر والقصة القصيرة |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
31-10-2004, 12:32 AM
|
#11 | |
|
عضو مشارك
  |
رد : معــيــــض والحضــــارة .....ثلاثيه قصه الحضاره
 الريم يا هلا بك اختي وفعلا توقعك صح لمجمل القصه وكيف طريقه حياتهم وبالجزأ الثاني باتكلم عن طريقتها وكيف يفكرون وايش سلبيات الاسلوب هذا من الحياه 
|
|
|
|
31-10-2004, 04:08 AM
|
#12 | |
|
كبار الشخصيات
 
|
رد : معــيــــض والحضــــارة .....ثلاثيه قصه الحضاره
8 8 حرام عليك نهااااية الاسبوووووع باقي اربع ايام لا من جد مالك دااااعي بصراحه ليه القهر متحمسه مره وكثيرين يقولون لي وين الجزء الثاااااني يبون يقرونه عاد يالله لاتصير كذا
|
|
|
|
|
01-11-2004, 02:35 AM
|
#13 | |
|
عضو مشارك
|
رد : معــيــــض والحضــــارة .....ثلاثيه قصه الحضاره
^ ^ طيب تسلي ببقيه القصص اللي بالقسم هذا او بقسم القصه الساخره <--------- ابدا مهب منطق :| |
|
|
|
|
03-11-2004, 04:37 PM
|
#14 | |
|
عضو مشارك
|
رد : معــيــــض والحضــــارة .....ثلاثيه قصه الحضاره
معيض والحضاره .....الجزأ الثاني .. معيض .. فتى الديار البسيطه المليئه بعبق الماضي والعادات والتقاليد المنبعثة من الدين الحنيف نسى كل هذا ويعيش الحاضر بزيفه وبريقه ولمعانه الكاذب للمفاهيم الخاطئه التي تشرب بها وتعلمها وفرق بين الدين والدنيا وانقاد قلبا وقالبا للغرب وللتقليد الاعمى بطريقه المعيشه الزائفه ... هل يستمر ؟؟ هل مات معيض القديم ؟؟ نكمل معكم الجزأ الثاني من قصه معيض بمرحله ثانيه من حياته.... ونشوف ....  بدأنـــــــــــــــــا مرت 6 سنين على زواج معيض وهو عايش داخل السكن الخاص لشركه ارامكو .. صار عنده ولد وبنت : عمر و ياسمين ... خالد صديقه ونسيبه تزوج من امريكيه  تعرف عليها باحد سفراته وجاته بنت سماها مريم ... وتستمر الحياه معيض !! معيييييض !! وينك ؟؟؟ ترا قرب موعد حفله خالد ولا نبي نتأخر عليها !!!  كان هذا صوت ريما تنادي معيض علشان لا تفوتهم بدايه حفله الكريسمس  اللي مسويها خالد ببيته !معيض : يلا هذاني جاي اللحين ... بس ترا الى الان محتار وش اخذ معي للحفله !! اخذ معاي الشمبانيا اللي جبناها من البحرين الاسبوع الماضي ؟؟ ولا اجيب الكونياك اللي عطانا اياه ابوكي ؟؟  ريما : اممممممم لا الشامبانيا هذي خلها للمناسبات الخاصه فينا حنا ...جيب الكونياك , على الاقل الكونياك بعد العشاء يخلى الواحد يسترخي احسن هههههه معيض : هههههه اووووووووكي لتس قو هني ...آي آم ردي . معيض وريما راحو لبيت خالد اللي هو قريب منهم كلهم وطبعا خالد مشهور بحفلاته الحلوة والصاخبه دايما لانه دايم يزين البيت بالكريسمس ويجيب شجره الصنوبر خصيصا طلبيه ويزينها  هو وزوجته كاثرين وغير الدي جي  اللي يجيبه علشان الاغاني والبار الحافل علشان الضيوف ..ويدخل معيض وريما الحفله مع صراخ الكل ترحيب فيهم كاثرين : مأييد هاو آر يو دونق دير أند ريما يو لوك لوفلي آز الويز سويتي ..واتز يور سيكرت؟ ( معيض شلونك يا بعدي ؟؟ وريما انتي دايم عليتس تطلعي موت يا قمر وش سرك ؟؟ )  معيض وريما : ثااااااانكس كاثرين ...يو كنو اتس ذا كريسمس سبيرت ذات ميكس اس فيل سووو قود ( الشكر يا كاثرين ..تعرفين جو الكريسميس هو اللي يخلينا كذه على سنكه عشره دايما )   كاثرين : كووم إن ...إنجووي يور سيلف اند هاف درينكس فروم ذا بار ...اوووه ماي قود كونيااااك ...ثاااااانكس آللوت ..يو شودلنت هاف ...كالد ويل بي سووو هابي ( اقلطووو وخذو راحتكم على البار .... اووووخص كلفنا عليكم بالكونياك ..ما كان لازم تكلفون على عمركم خالد بيتشقق مرررره اللحين ) معيض وريما راحو على البار وكل واحد سواله كاس وبدو يرقصون على الاغاني المدهره من الديجي وطبعا كل العيون كانت على ريما بجمالها الفتان خاصه وهي كانت لابسه فستان جديد مثير جدا ومعيض كان طبعا يشوف النظرات هذي وفخور فيها وهو يشوف نظرات الحسد سواء كانت من الرجال او الحريم!!  معيييييييض تغيررررررررت وااااجد !!! كان هذا صوت حنان وهي تضمه  ..حنان كانت في اداره معيض السابقه لما كان يشتغل فيها قبل 4 سنوات !! معيض : هلااااا والله حنااااان ..كيفك عيووني وش اخبارك وش اخبار اداره المحاسبه من زمان عنكم مره والله واشتقنا لكم هناك وش اخبار مايكل السوبر فايزر وابو وليد المانجر ؟؟ حنان : مايكل خلاص تقاعد الشهر الماضي وسافر الفلبين يقول انه شرى بيت هناك وخلاص ناوي يستقر هناك .... شكله جمع بلاوي من ايام ما كان يبيع الشراب اللي كان يسويه ببيته الشايب هذا هههههههههه  معيض : هههههههههههههههههه ايه ما عليه عرف يسنع اموره الشايب ...والشراب اللي كان يسويه بصراحه ما عليه كلام ...خطير والطعم جنااااان ههههه وابو وليد وش اخباره ؟؟عسى الى الان بس مسوي ازعاج لك ؟؟ حنان : اوووووووف خلها على الله بس من الشايب المعفن هذا ...تصدق الى الان يحاول معاي وكل ما تجيه فرصه يتغزل فيني وانا قد عمر بنته وكل يوم من الكلام المعتاد حقه ...يا يقول لي يا زين البحرين بالويك اند مع القمر ولا البيت فاضي والاهل عند خوالهم ومن الكلام الفاضي حق المخرف هذا !! بس وحيااااتك ولا كاني اسمع خاصه انه صار يخاف مني اللحين ههههههههه  معيض : اخووووص يا بنت والله منتي بهينه ...ليه وش مسويه فيه علشان يخاف ؟؟  حنان : تعرف جابر الجنرال مانجر ؟؟ خلاص صار بالجيب اللحين والمخرف هذا عرف بالشئ هذا وخايف اني انكب عفشه معاه علشان لا يعطيه نقل تأديبي لشيبه ولا نص الصحراء هههههههههههه  معيض : اوووووووف جااابر مره وحدة ؟؟؟ من جد ما تلعبي انتي ابدا ..اللحين بس صدقتك لما قلتي لي اني باوصل للي ابيه غصب عن الكل واعرف كيف اخلي ارامكو ورؤساها خواتم بيدي ههههههههههه  حنان : هههههههههههههه اييييه انا حنان على سنه ورمح يا ضنايا ههههههههههههه معيض : هههههههههههههه  حنان : بس تعرف شئ ...تعرف مره محلو بعد الزواج يا واد اكثر بكثير من ذيك الليله اللي قبل 5 سنوات في المؤتمر بهيوستن هههههههه  ريما قالت الكلام هذا وهي تغمز له  ومعيض يضحك بقووووة وهو يضحك جات ريما وسلمت على حنان وهي تصرخ فيها : ويييييييينك ؟؟؟؟ يا القاااااااااطعه وش اخبااااااارك ؟؟ يعني خلاص نسيتي ريما لما شفتي معيض ...ما جاء على بالك تسلمي علي طيب ؟؟ حنان : بالله عليكي وشلون اسلم عليكي يا قمر وانتي جالسه ترقصي مع جون  ومخليه الحفله كلها حوليكم يتفرجون وانا عارفتني قصيره ما اقدر اخترق الجدار البشري هذا اللي حولكم ؟؟ هههههههه معيض ينسحب من البنات وهم يسولفون مع بعض بحماس ويروح يعبي كاسه مره ثانيه ويلقى خالد بالبار قاعد يحط ثلج زياده بدل اللي خلص معيض : خااااااااالد ميري كريسمس يا وحش ...وينك يا اخي صارلي ساعه ادور عليك ؟؟ عطتك كاثرين الكونياك ؟؟  خالد : ميري كريسمس برذر ..ايه يعطيك العافيه عطتني اياه وسووووري ترا كنت بس اجيب ثلج خلص علينا من اول ساعه وكان لازم اجيب زود من بيت الوالد اشوى انه بس عطاني مفتاح البيت قبل لا يسافر ولا كنا بنمشي الليله بشراب سك هههههههههه  معيض : يخي مالت عليك كأنه ما عندنا ثلج احنا ؟؟ المهم بس وش اخبارك مع كاثرين وقول لي الجد وانا اخوك ..ترا عارف انه الوقت مهب مناسب بس ما جت فرصه اتكلم فيها معك من قبل وابي اعرف وش صار عليك ووش بتسوي اللحين مع كاثرين بعد ما شفتها مع الزفت علي بالصاله وهم مدهرين ؟؟  خالد سكت فتره و شرب كل اللي بكاسه مره وحدة وعبى واحد ثاني وحط ثلج فيه وناظر بمعيض وهو ساكت وفي الاخير قال : تكلمت معها يا معيض وقالت لي انها غلطه ولا تبي تتكرر مره ثانيه وقالت انها لحظه ضعف منها خاصه انه علي زي ما انت تدري كان دايم يجيني البيت ويجلس معنا ويلعب مع مريم والغلط مني ما كنت ملاحظ انها كانت تناظر فيه بطريقه غريبه ...علشان كذه اتفقنا انه الغلط مننا احنا الاثنين وخلاص بننسى اللي صار ونكمل حياتنا ...وانت عارف انه الحياه الزوجيه لا بد يكون فيها المشاكل ..  خالد خلص كلامه وهو يخلص كاسه الثاني ..ومعيض بس يسمع منه وهو يهز راسه ويشرب من كاسه وفي الاخير قال له : كلامك عين العقل ...هذي الدنيا لا بد يكون فيها مشاكل ..المهم بس تستمر وكل واحد يتعلم من اغلاطه , واللحين يلا خلنا بس نرجع للحفله وننبسط يهوووو هههههههه استمرت الحلفه الى نص الليل ولما دقت الساعه نص الليل جت حنان وباست معيض بوسه قويه وهي تضمه قدام الكل ....طبعا الكل استغرب الموقف هذا خاصه ريما اللي حمر وجهها مره وهي تناظر الموقف هذا ومعيض كان مره متفاجأ وبشويش وخر عنه حنان ولاحظ انها سكرانه مره ووحس معيض انه لازم يقول شئ علشان يخفف من الموقف البايخ هذا ... وبسرعه ضحك وقال : بليز اسكيوز هير ...شي از درنك اند آي ثنك شي واز جست براكتسينق فور نيو ايرز ههههههههههه ( العذر والسموحه يا الربع ...تراها شوي ارتفعت زود وشكلها بس كانت تتمرن على راس السنه ) الكل ضحك على الكلام هذا حتى حنان ووجها حمر خجل واعتذرت هي كمان وتقول انها مهيب متعوده تشرب واجد وشكلها الحفله نستها كم كاس شربت والكل ضحك وابتسم وقالو شئ عادي ولا تاخذين بخاطرك ..... طلع معيض مع ريما يمشون للبيت وكانت ريما غيرانه من اللي صار وتقول : وشلون هذي تتجرأ انها تبوسك كذه ؟؟؟؟ ما تستحي على وجههاا ؟؟؟ واذا مهيب قد الشراب وراها شربت كذه كانها مشفوحه ما عمرها شافت شراب من قبل ؟؟؟  معيض كان يسمع كلامها ومبتسم وهو يتذكر ذيك الليله اللي قالت عنها حنان وقال لريما : يا بنت الحلال البنت سكرت شوي وعادي ما صار الا الخير ...اشوى بس ما راحت باستك انتي ههههههههههههه ريما ضحكت بالغصب وان كانت لسه معصبه من الغيره اللي جاتها بس عادي رجعو البيت وكل واحد منهم على طول نام من كثر التعب من الرقص والشراب ... معيض ....معيض .... معيض ....معيض ....هذا انت اللي قدامي ؟؟ ليه تغيرت يا معيض ؟؟ منت بولدي اللي اعرفه ولا عرفته كل حياتي وربيته !! مين انت ووش سويت بمعيض ولدي ؟؟ يما هذا انا معيض !!! شوفيني هذا انا ...مستحيل يا يما ما عرفتيني هذا انا ولدك يا يما معيض ....معيض ...معيض .... وينك يا ولدي ؟؟ ومن هذا اللي قدامي ؟؟؟ يما هذا انا معيض قدامك ...انا معيض لا منت معيض ...معيض كان وجه منور وفيه طيبه واعرفه من عيونه ..من نظرته انت منت معيض ...وين معيض ؟؟ وين ولدي ؟؟ وش سويت بولدي ؟؟ يما هذا انا معيض قدامك يا يما ...ليه تصيحين يا يما والله اني ولدك ...انا ولدك يا يماااا ام معيض تبكي بحرقه وهي تصرخ  : وينك يا معييييييض وينك يا ولديييييييي ؟؟؟؟؟؟؟؟؟؟؟ يمااااا هذااااااااا اناااااا قداااااامك يا يماااااااا شوفييييييينييييييي انا قداااااامك يا يماااااا  معييييييييض  كان هذا صوت ريما وهي تصحي معيض من نومه ويقوم معيض مفجوع من نومه وهو يصرخ : هذا انا يا يمااااااااااااااااااا  ريما : معييييض وش فييييك ؟؟؟؟؟؟؟؟  معيض يلهث بقوة وجسمه معرق مره ويناظر بريما وعيونه نظره خوف ومفجوع  وجلس يناظر فيها شوي كانه ما يعرفها وريما على طول ضمته وقالت له : معييييض هذا انا ريماا وش فييييك حبيبييي ؟؟؟؟؟؟ معيض يزفر نفس قوي ويقول : ااااااهههه نفس الحلم اللي يجيني كل يوم نفس الكابوس بالوالده الله يرحمها ...ارجعي نامي ما عليكي انتي وكملي نومك حياتي ريما ناظرت بمعيض وكان ودها تتكلم معاه اكثر لكن تعرف انه مهب قايل اي شئ خاصه انه حلم ولا فيه شئ يتكلمون عنه وهي بررت له دايما انه شكله يحن لها واشتاق لها خاصه بعد وفاتها بفتره طويله .. معيض رجع انسدح وهو يفكر ودايم يسئل نفس السؤال ...ليه دايم نفس الحلم ؟؟ ليه دايم امه تجيه الحلم وهي تصيح تسئل عنه وتشوفه وتنكره وتقول انه مهب هو !! معيض يفكر ويفكر ولا يلقى جوابه كالعاده ويرجع يكمل نومه !!!! تمر الايام ياسمين وعمر كبرو ..ياسمين صار عمرها اللحين 9 وعمر صار 7 وكانت فرحتهم كبيره مره فيهم خاصه انه اتفقو انه ما يجيبون اكثر من ولدين علشان يتسهل تربيتهم !!! معيض : ياسمين من تحبين انتي اكثر بابا ولا ماما ؟؟ ريما وهي معصبه : معيض مليون مره قلت لك لا تسئلها السؤال الغبي هذا علشان لا اتنرفز من الجواب ...اشوى انه عمر يلعب مع مريم ببيت خالد ولا نرفزتني معاه كمان !!!  معيض : ههههههههه طيب ليه غيرانه يعني ؟؟ علشان ياسمين تحبني انا اكثر ؟؟ هههههه  ريما : يا ثقل دمك بس ...ياسمين حبيبتي ايش تبين تسوين لما تكبري ؟؟ ياسمين : امممم ابي يكون عندي بوي فريند حلو زي بابا  معيض وريما : هههههههههههههه يا حليلها وهي صغيره تبي تتزوج ياسمين : لا لا لا بابا ما ابي اتزوج ...ابي بوي فريند زي باربي ولما باربي تتزوج انا اتزوج  معيض وريما : ههههههههههههههههههههههههههههههههههههههههههههه  معيض : يا حليلك بتطلعي جنيه شكله انتي تبين بوي فريند اجل ...زي انا وامك اول  هههههههه ريما : مالت عليك ههههههه لسه تذكر انت ؟؟ آآآآههه كانت ايام حلوة   معيض : ايه حلوة مره لدرجه اتذكر المره اللي تهاوشت فيها مع الاخ جاك  اللي كان البوي فريند حقك اول قبل لا اتعرف عليكي ...وبغيت انطرد من الجامعه بسبته لو ما تدخل ابوكي ...نفسي افهم وش كنتي تشوفي فيه بس ذا المخيس ؟؟ ريما : يعني وش اسوي ايامها ؟؟ كنت تبيني اطلع مع واحد سعودي يفضح فيني ولا بس يفكر ينام معي ...على الاقل هذا يعرف حقوق المرأة وكان يحترمني ...بس بصراحه عجبتني لما طقيته هههههههه كان بدا يغثني بكلامه عن اني اهاجر معاه ههههه معيض : ايه ووراكي ما هاجرتي معاه يعني ولا انا سعودي بريشه على راسي لما تعرفتي علي ؟؟ ههههه ريما : لا انت غير ..انت من اول مره شفتك عجبتني وعجبني حياك وبصراحه بعد كلامنا تحت الشجره اياها بالمزرعه حسيت انه ممكن تتطور وتتحضر وما تصير زي بقيه الهمج اللي بره واللو كلاس ذولا المعفنين  ..ههههه معيض : ههههههههه لا كذه اصدق نفسي ترا عليكي !!  ههههههه ريما : لا صدق يا حياتي ...انت اثبت انه لسه فيه امل انه الناس تتطور وتتحضر ونقدر نثبت للدنيا كلها انها نقدر نتحضر ونصير احسن من اول .... بس تعال مافي اي خبر جديد  على موضوع السواقه لنا ؟؟ معيض وصوته تغير شوي  : لا الى الان ما اعلنو شئ بس يقولون انه فيه دراسه على الموضوع هذا بس مافي شئ مؤكد الى الان !! ريما : احس انه كل مره اسئلك السؤال هذا صوتك يتغير !! ليه ؟؟ انت معارض اني اسوق ؟؟  معيض : انتي عارفه وجهة نظري من الموضوع هذا .. انا ما عندي مانع تسوقين وانتي اصلا تسوقي هنا داخل الظهران ...لكن بره !! ما ادري احس اني اخاف عليكي بره مهب منك لكن من النتائج اللي بتصير اذا سمحو بالشئ هذا ..مضايقه الشباب  !! وبصراحه اخاف انه الموضوع يتعدى مجرد مضايقات ويتطور الى رفض من بعض فئات الناس ويعلنون عنها بشكل واضح وعدائي  !! ريما : لا تخاف حبيبي ...لنا انصار احنا بكل مكان ..حتى لو ما كنا نعرف بعض بس الكل يسعى لنفس الهدف وكلنا نحاول نحميه مهما كلف الامر وزي ما انت شايف انه كل شئ يبدا من الصفر لا بد من معارضه ومع الايام تختفي شوي شوي والمشاكل تنحل !!  معيض : اممممم يمكن معك حق على العموم نشوف وش يصير وبعدين لكل حادث حديث !! ريما : معك حق وقتها يصير خير ...على فكره ترا الليله يمكن اتاخر شوي عند عنود صديقتي .. معيض : افا ليه وش صاير ؟  ريما : ابدا بس فيه دكتور يحاول انه يتعرف عليها وهي مهيب راضيه وتقول انها ما عمرها طلعت مع غريب وخرابيطها الفاضيه هذي ... عاد انت عارف شلون عنود "شوي دقه قديمه وفيه تخلف" فباجلس معها واحاول اني اقنعها .. خاصه انها ارمله ودكتوره معاه بنفس القسم ولسه صغيره ومن حقها تستانس بحياتها وباحاول اقنعها انها توافق !! معيض : طيب ريما ما تخافي انه يطلع الرجال هذا بس يبيها علشان جمالها ؟؟ وانه مهب ضارها بشئ بعدين ولا يسوي شئ يأثر عليها اكثر مهيب متأثره بوفاه زوجها ؟؟ ريما :ما انكر انه وده فيها زي ما فهمتني هي وانه دايم يتغزل بجمال جسمها  ...الحيوانه تعرف كيف تخلي جسمها مغري ومثيره من يوم ما كانت متزوجه ... بس على الاقل احسن من جلستها كذه على الفاضي وهي بعدين مهيب بنت صغيره !! الا حرمه وارمله يعني محد قايل شئ عنها او اي شئ ومنها على الاقل تتونس وتوسع صدرها شوي وتنسى زوجها وتكمل حياتها وما يندرى يمكن يعجبون ببعض ويتزوجون واذا لا فعلى الاقل تكون حست بأنوثتها شوي بعد الوقت هذا كله !! معيض : هممممم صايره مصلحه اجتماعيه على غفله يا مدام ريما ؟؟ ههههههههه  ريما : ههههههههههههه ليه عندك مانع يا ضنايا ؟؟ المهم ترا يمكن اتأخر عندها ..انت وش بتسوي ؟؟ معيض وهو يفكر يكلم حنان ويعيد ذكرى ذيك الليله : امممممم ما ادري يمكن اطلع الخبر امشى  شوي عند البحر كذه ساعتين ولا ثلاث واسوى رياضه علشان الكرشه هذي !! هههههههههههه ريما : امممممممم يكون احسن ههههههههههههه معيض ....معيض......معيضض وينك يا ولدي ؟؟؟ من هذا اللي قدامي ؟؟ وين ولدي معيض ؟؟؟ هذا انا يا يمااا انا معيييييييض !! يمااااا انا معيييضضضضض ليه ما تعرفيني ؟؟؟ انا ولدك يا يماااا انا معيضضض يا يماااا وينك يا ولدي ؟؟؟ وينك يا ولدي ؟؟ وينك يا معييييض ؟؟؟؟؟؟؟؟ ليه اخذت ولدي مني ؟؟ رجع ولدي معيض ...وينك يا معيض ؟؟؟؟  انا هناااا يا يماااااا انا معيييييض  معييييييض قوووووووووم .... كان هذا صوت حنان تصحي معيض من كابوسه المعتاد معيض يقوم من السرير وهو معرق وجسمه يرتعش بقوة من الكابوس المعتاد ويغسل وجه ويقول لحنان انه لازم يرجع البيت اللحين ويطلع معيض من بيت حنان ويسوق السياره وهو يفكر ليه الحلم هذا دايما يجيني انا ؟؟ ليه دايما تصيح بالحلم ولا تعرفني ودايم تسئلني وش سويت بمعيض وانا معيض ؟؟ معيض يوقف سيارته قدام البيت ويدخل داخل ويلقى مسج على الانسر مشين من ريما تقول له انها بتجي بعد ساعه ..معيض ياخذ شاور ويغير ملابسه ويدخل على غرفه عمر وياسمين ويناظر فيهم بحنان وهم نايمين ويروح يبوسهم ويغطيهم ..معيض ينزل تحت ويقرر انه يطلع يتمشى شوي لبيت خالد ياخذ له كاس قبل لا ريما تجي وبالمره يطلع اللي بصدره لخالد عن الحلم هذا ... معيض يمشي باحد شوارع ارامكو بالليل وهو رايح بيت خالد وقبل لا يوصل يتذكر انه خالد طلع البحرين مع ابوه وامه علشان يشترون اغراض ومهب راجع الا بعد ساعتين على الاقل ...فيقرر انه يرجع البيت لكن لاحظ فيه سياره  واقفه قدام بيت خالد فقرر انه يروح يدق الباب وهو يقول يمكن رجعو بدري ..لكن معيض لاحظ انه السياره هذي مهيب سياره خالد !! معيض قرب من الباب ومن الشباك القريب من الباب لاحظ فيه حركه غريبه وسمع صوت رجال لكن مهب خالد !! قرب من الشباك وشاف كاثرين .... وشاف واحد اجنبي يشتغل بدائره خالد وكان عازمه يوم حفله الكريسمس ..وشافهم متعانقين وملابسهم متناثره بالصاله !! معيض شاف المنظر هذا وعلى طول بعد من الشباك وبعد من البيت وهو متفاجئ ومصدوم ولا يعرف وش يسوي وهل يقول لخالد ولا يسكت !! وما حس على نفسه الا وهو يركض باسرع ما عنده لبيته حتى وصل لبيته وهو يلهث ووقف بالحديقه لا يروح للباب ولا يرجع بس وقف هناك ...  معيض يطيح على ركبه بالحديقه ويبكي بقوة ويشهق وهو يقول : ووينك يا يما ؟؟ وينك يا يما ؟؟تدور مناظر وصور واصوات براس معيض ...احداث قديمه وجديده بحياته وكل تدور بسرعه رهيبه جدا حنان (باوصل للي ابيه غصب عن الكل واعرف كيف اخلي ارامكو ورؤساها خواتم بيدي)  ابو خالد (بنتي وعارفها قويه وملعونه وتعرف تسكت)  عم معيض (المهم يا ولدي يلا اتركك اللحين ترتاح وانا راجع الديره اللحين والله الله بدراستك وبنفسك)  ريما (اذا لا فعلى الاقل تكون حست بأنوثتها شوي بعد الوقت هذا كله) ياسمين (امممم ابي يكون عندي بوي فريند حلو زي بابا) خالد (علشان كذه اتفقنا انه الغلط مننا احنا الاثنين وخلاص بننسى اللي صار ونكمل حياتنا) صور كثيره مره تمر براس معيض بسرعه رهيبه وفي الاخير تبقى صوره امه وهي تصيح وتقول (وينك يا معيض؟؟ وينك يا ولدي ؟؟ وش سويت بولدي ؟؟ وين وديت ولدي معيض؟؟) معيض دفن راسه بالارض وهو يقول: وينك يا يما ؟؟؟ انا معيض ...وينك يا يما ؟؟  معيض يبكي بقوة ويشهق وهو على ارض الحديقه وصوت سياره ريما ينسمع وهو يقرب من البيت ! [/color]
------------- نهايه الجزأ الثاني -------------- [/SIZE[/align]هذي كانت قصه معيض وحياته بعد ما تزوج وتحضر... وحاولت بالقصه هذي اني ابين للكل طريقه الحضاره المزيفه والمتناقضات العجيبه بحياتهم ومعانيها واعطي صوره واضحه ودقيقه وكمان حقيقيه للواقع الحاصل الان بالمجتمع وكل ما سرد وكتبت عنه بالقصه هذي هو حقيقه وتصير وغير مبالغ بأي جزأ منها ابدا وكله صار وانشاف شوف العين ومهب مجرد سماع قصص من الناس من وراء الجدران ... اتمنى الكل يكون قرى القصه وقارن بين طريقه حياتهم وحياتنا !!!  معيض سوف يعود مع الجزأ الثالث والاخير من ثلاثيه الحضاره قريبا انشاءالله .
|
|
|
|
|
07-11-2004, 07:27 PM
|
#15 | |
|
كبار الشخصيات
|
رد : معــيــــض والحضــــارة .....ثلاثيه قصه الحضاره
ياليت عاد نشوف اثااااااالث ياليت ماتطول علينا مثل الجزء الثااااااني مللنا الانتظار الف شكر تحياتي |
|
|
|
|
10-11-2004, 04:45 PM
|
#16 | |
|
عضو مشارك
|
رد : معــيــــض والحضــــارة .....ثلاثيه قصه الحضاره
|
|
|
|
|
14-11-2004, 08:04 AM
|
#17 | ||||||||||||||||||||||||
|
كبار الشخصيات
|
رد : معــيــــض والحضــــارة .....ثلاثيه قصه الحضاره
ماصارت قصه بيكمل الشهر وانا نننتظر هل هذا تغلي بالالحاح بطلبه ؟؟  بسلامتك |
||||||||||||||||||||||||
|
|
|
15-11-2004, 10:31 PM
|
#18 | |
|
عضو مشارك
|
رد : معــيــــض والحضــــارة .....ثلاثيه قصه الحضاره
|
|
|
|
|
15-11-2004, 10:52 PM
|
#19 | |
|
عضو مشارك
|
رد : معــيــــض والحضــــارة .....ثلاثيه قصه الحضاره
معيض والحضاره ....الجزا الثالث والاخير من الثلاثيه معيض ... بطل القصه القادم من الماضي بعبقه الطيب الاصيل ... معيض المتحضر والمغلف بزيف بريق التحضر والتطور .. المتزوج واب لعائله من الطراز الحديث ويعيش على حسب نظام التحضر والتشتت العائلي يصل الى المرحله الاخيره من قصته مع التحضر ... اتركم مع نهايه ثلاثيه معيض والحضاره آملا من رب العباد انه وفقني بكتابه هذه القصه واعطاء المغزى المطلوب .. بدأنـــــــــــــــــا المكان : غرفه صغيره مافيها الا مكتب قديم وكرسيني متقابلين بمبنى قديم مظلم ما تسمع منه اي شئ من بره . الزمان : الساعه الان 7 ونص قبل اذان العشاء بنص ساعه ...وبعد مرور تقريبا عشر سنوات على اخر ذكريات من الجزأ الثاني . المتواجدون : شخص ملتحي يشع وجه بالنور لابس بالطو ابيض .....ومعيض !! الرجال المتدين يتكلم وصوته يحاول انه يكون هادي ولا يعلى على صوت قرأه القرآن للشيخ المقرأ العجمي اللي يجي صوته من مسجل من المكتب اللي جنبهم : تفضل يا معيض كمل كلامك ...انا لسه معاك واسمعك ... معيض وهو سارح بعيونه بالسقف يتأمل النقوش القديمه والدهان المتشقق وراسه يهز مع تلاوة العجمي ويسمع وعينه تلمع من الدمعه المتحجرة بعينه كانها تبي تنزل ولا هي عارفه كيف ويجلس ساكت مع انه صوت تنفسه بدا يعلى شوي والرجال المتدين ما سوى اي شئ ولا عاد كلامه ... بس شال نظارته ومسحها بالبالطو الابيض ويمسح غبار كان على نظراته ورجع لبسها على عينه وبدا يتلو القرآن بصوت واطي مع تلاوة العجمي الى ان انتهت السورة ... وقتها معيض تكلم وكانه يعيش اللحظة اللي كانت بالماضي معيض : ريما لازم نكلم خالد ونشوف وش صار فيه مع السفاره الامريكيه ... وضعه كذه ترا مره مقلقني !!! ريما : كلمته اليوم الصباح على جواله وقال بيمر علينا هو بعد الدوام واتوقع انه اللحين بالطريق لاني شفت سيارته واقفه قدام البيت وانا جايه ... انا متاكده انه بس بيبدل ملابسه ويجي بعد شوي .. انت ريح اللحين بس وخلنا ننتظر ونشوف وش صار !! يجي صوت من مدخل البيت وكان صوت ياسمين وهي تكلم من الجوال  على سعود الطالب اللي يدرس معها بمدرسه البحرين الثانويه وهي تقول له :خلاص الليله مر علينا البيت انا استاذنت من ماما وبابا وقالو مش مشكله ... ولا تنسى تجيب معاك ندي و ميري وعمر بيكون موجود علشان نذاكر سوى .......اها ... لا عندي الاوراق هذي ..... اوووه كوم آن دونت بس سوش آن دراج !! ( اووووه عاد لا تكون كذه مغثه ) .... هههههههه اوكي عيوني يلا انا بانتظارك يا شيطان وبعدين قلت لك لما تعرف تسألني بديت خلك مؤدب اكثر من كذه ...ههههههه يلا باااي امووووواااااه ههههه  ياسمين خلصت من المكالمه وهي كانت داخله على الصاله وسلمت على معيض وساره وجلست معهم وسأتها ريما : حبيبتي تحتاجون شئ تاكلونه لما يجون اصحابك ولا بتطلبون بيتزا زي العاده ؟؟ ترا ابدا مهب عاجبني كثره اكلكم من بره !!  معيض : مهب كافي انكم ما تاكلون الا اكل المطاعم بالبحرين ؟؟؟ كاننا مرسلينك هناك تاكلين بكل مطاعم البحرين وتجربينها وتجين تعطينا الزين والشين منها علشان انا وامك نروح للزين منها هههههههه ريما وهي متنرفزه شوي : معيييييييض !!  معيض يغمز لبنته ياسمين ويقول لها بصوت حاول انه يكون جدي بس كان واضح انه ساخر اكثر : المهم ترا اليوم مافي بيتزا وخلي امك تسوي لكم اكل زين من اكل البيت ...ترا هذي اول مره بيجي سعود بيتنا هو وميري ...يعني مالها داعي تاكلينه بيتزا ههههه  ريما مشت طريقه كلام معيض وضحكت هي كمان لانه تعرف قد ايش هو يحب ياسمين وعمر ويحب انه يدلعهم حتى لو ما كان يعجبها الدلع الزايد هذا بس تمشيه على كيفها ... بعد شوي قالت لياسمين : يلا حبيبتي قومي روحي للمطبخ جهزى الاغراض علشان اطبخ لكم العشاء اليوم على ما يجي خالد خالد ونتكلم معاه شوي .. ياسمين قامت وعلى قومتها رن جرس الباب وراحت فتحت الباب وصرخت : خالوووو خلووووودي كيفك ؟؟؟؟  خالد : هلا والله حبيبتي ...ماشاءالله عليكي كبرتي وصرتي عروسه يا حلوة ... وينه عمر وابوكي وامك ؟؟  ياسمين : تفضل بابا وماما بالصاله منتظرينك وعمر طلع عنده مباره وبيجي بعد ساعه ... تفضل ادخل يا خالووووو .. خالد دخل على الصاله وسلم على معيض وريما وهو شكله كان تعبان وعلى طول راح للبار وسوا له كاس كبير  وشرب منه شوي وجلس وهو يطلع هواء حار من صدره ويرجع راسه لورا وجلس يناظر بالسقف وهو ساكت بس وجه كان متغير ومهموم ...ريما ومعيض جلسو ساكتين واحترمو سكوته وانتظرو حتى خلص كاسه وراح سوى له واحد ثاني ورجع جلس وشرب شوي منه وتحرك فمه كانه يبي يقول شئ لكن مهب عارف كيف حتى ريما قررت هي اللي تبدا الكلام وقالت : خالد طمنا وش صار ؟؟؟ ترا مره شكلك تعبان ومهموم ...وش قالو لك بالقنصليه ؟؟؟ وش صار مع كاثرين ومريم ؟؟؟ خالد ناظر بساره ببطئ وكانت عيونه ما تحمل اي معنى لنظراتها وكانه يشوف شئ ورا ريما ولا جماد ..وببطئ قال : كاثرين لا تزال مصره على الطلاق وخلاص رفعت قضيه الطلاق بامريكا واخذتها والان طلبت حق تربيه مريم هناك وانها ما ترجع هنا ولا انها تاخذ الجنسيه السعوديه وبتطلع لها جواز امريكي ورفضت انها حتى تجي هنا بالاجازات لانها خايفه اني ما اخليها ترجع هناك وقالت لي اذا ابي اشوف مريم فاقدر اجي امريكا باي وقت ابي .. !! معيض تكلم هذي المره وقال : طيب اللحين وراك زعلان ؟؟ كاثرين وارتحت منها ومشاكلها فضايحها اللي كانت تسويها ... ومريم خلها تاخذ الجواز الامريكي اصرف لها واحسن وانت اصلا تقدر تطلع القرين كارد كمان لو تبي وتروح تسكن هناك وراك كذه زعلان ؟؟ انا داري انه صعب عليك فراق مريم كذه بس عاد فيه مليون حل .. تقدر على الاقل لو تبي انك تنقل لارامكو بقسم الاداره بهيوستن وتزورها باي وقت .. وكاثرين تعرف انك منت خاطف البنت ولا شئ وانت من حقك انك تزورها هناك باي وقت تبي دام الطلاق كان سلمي ولا فيه مشاكل ولا اي شئ !!  خالد زفر بقوة وشرب من كاسه وقال : داري ...داري والله داري ..بس لسه عايش الصدمه وانت تعرف وشلون الواحد يكون اب وبنته تسكن بعيد عنه مره ومحدود بسفر وشغلات طويله وعريضه على ما اقدر ما اشوفها مره ثانيه !! انت ابو وتعرف شعور وشلون بعد اولادك عنك ..انت ايام الاسبوع كل ما ياسمين وعمر يطلعون للبحرين وما يرجعون الا الويك اند تقفل معاك ومزاجك يصير مره تعبان ... ذولا وهم بالبحرين ..وش رايك وانا مريم بامريكا !!!؟؟ معيض وريما ناظرو ببعض وقامت ريما وسوت كاس لها ولمعيض وكاس جديد لخالد اللي خلص كاسه الثاني وجلسو من دون اي كلمه زياده على الموضوع هذا وبعدها ريما راحت المطبخ تجهز العشاء لضيوف بنتها وخالد رجع بيته وقال انه ماله نفس يتعشى ووده ينام شوي .. بعدها عمر وصل من التدريب وسلم على معيض وريما وراح ياخذ له حمام ويغير ملابسه قبل لا يجون ربعه للمذاكره لما دق الجرس انا بافتح الباب ... كان هذا صوت معيض عند الباب ولما فتحه كان سعود وندي وميري على الباب معيض : هاااي قايز ...هاو ار يو دونق سعود؟؟ .. ندي اند ميري يو لوك سو قود ...آي مايت جست ديفورس ماي وايف اند ميري بوث اوف يو ههههه  كوم ان ..كوم ان ياسمين از ويتنق فور يو اند عمر ويل بي داون اني منت ناو ( هلااا بالشباب ...شلونك يا سعود ؟؟ ندي وميري مره طالعين حلوات اليوم ...شكلي باطلق زوجتي واتزوجكم اثنينكم ههه تفضلو تفضلو ياسمين منتظرتكم وعمر شوي وينزل لكم اللحين )هااااااااااااااااااي قاااايز ...كان هذا صوت ياسمين وهي ترحب فيهم عند الصاله ميري : هااااااي جازمين ...يور فاذر از سووووو كيووووت ...هي وانتز تو ماري مي اند ندي هههههه ( هلاااااا ياسمين ...ابوكي تراه مرراااا ظريف وتراه يبي يتزوجني انا وندى ) ياسمين : ياااااه ..هي سيز ذات تو آل ماي قيرل فريندز ههههه ( اااييييييه هو يقول كذه لكل صاحباتي ) سعود : احم احم ...لايك قايز اي ام هير آلسو ...نو ون ولكمنق مي تو اور وات ؟؟ لايك ماي قيرل فريند جازيمن ددنت سي مي آت آل ؟؟ ( احم احم نحن هنا ترا ...مافي ترحيب لي ولا وشو ؟؟ يعني خويتي ياسمين ولا شافتني ابدا ؟؟ )  يور قيرل فرند از جست بلاينق هارد تو قت برو ( خويتك بس تلعب ثقيله يا اخوي ) كان هذا صوت عمر وهو نازل من الدرج .. الشله كلها بدت تضحك وهم يسلمون على بعض وعلى معيض وريما اللي بدت تدخل عليهم الاكل وياسمين تساعدها وبعدين ريما ومعيض تركوهم بالبيت لحالهم علشان يذاكرون وراحو يمشون رياضه بشوارع ارامكو زي ما هم متعودين كل ليله ..  معيض ... ( كان هذا صوت الرجال المتدين وهو يناديه بكل رقه ) معيض وكانه صحى من شروده واستغرب من المقاطعه : هلا !! الرجال المتدين : ما ودك تصلي معي العشا جماعه ؟؟ تراه اذن من خمس دقايق وودي لو نصلي سوى هنا ونرجع تكمل كلامك . .ومنها تريح شوي نفسك .. قالها الرجال المتدين وهو واقف عند معيض وماد يده له علشان يساعده يقوم من الكرسي وكانه مهب ماخذ كلمه لا من معيض .. معيض توضى ووقف جنب الرجال المتدين واقام الصلاه بصوت واطي مره بس المتدين ما قال شئ وانتظره حتى تنحنح وبعدها كبر بالصلاه وبدا يتلو القرآن بصوت رخيم وقوي ورقيق شبيه بصوت العجمي اللي كان ينسمع من المكتب الثاني .. معيض كان يسمع التلاوة وفجأه بدا سيل الذكريات الديره ترجع له لما كان يقوم الفجر ويطلع يصلي مع اهل ديرته وخواله واعمامه وصوت شيخ المسجد القوي والحلو وكيف كان يبكي بكل فاتحه وكانو كلهم يبكون لتلاوته وتذكر امه لما كانت تبتسم بوجه لما يرجع من المسجد ومجهزة له الفطور وكانت تشوف اثر الدموع على عيونه من صلاه الفجر ...  سيل من الذكريات مرت بذهن معيض وتلاحقت الصور براسه ... صوره بسمه امه له .. صوره خاله اللي كان يصيح بقوة من تلاوه شيخ المسجد ... صوت بكا شيخ المسجد نفسه وهو يقرا الفاتحه كل يوم وبكل صلاه ... صوره امه وهي تبكي وهي تودعه لما جاء الظهران ... صوره امه وهي تبكي بكل حلم كان يحلمه وهي تناديه وتبكي وهي ما تتعرف عليه ..  معيض وقتها بكي بقوة مره ...بكى وانفجر بالبكا وكل هذا يمر براسه وهو يسمع تلاوة المتدين اللي يأم فيه الصلاه وبدا نحيبه وصوته يعلى بالبكا وبدا حتى المتدين يبكي معاه وهو يحاول بقوة انه يطلع الايه بالتجويد ويكملها لكنه يفشل وللحظات مرت وقف التلاوه واثنينهم يبكون بقوة حتى في الاخير المتدين قدر يسمك نفسه ويكمل بقيه الايات مع انه كان عجز ان يتلوها صح وكان واضح انه ينتحب وهو يقولها ... حتى سلمو من الصلاه معيض كان ما يقدر يقوم من الارض والمتدين لف وجه لمعيض وعيونه كانت دامعه ولف جت عينه بعين معيض انفجر معيض مره ثانيه بالبكا والمتدين على طول ضمه له وخلاه يصيح حتى خلص وارتاح وقومه وسنده بالمشى حتى جلسه على الكرسي وطلع بره المكتب .... وبسرعه جاء ومعاه علبه مناديل وكاستين وعلبه مويه كبيره وعطا المناديل لمعيض اللي اخذها وبدا يمسح وجه....... والمتدين كان لبس البالطو الابيض حقه وصب مويه لمعيض ولنفسه وجلس مره على الكرسي قبال معيض وسكت ولا قال اي شئ لمعيض بس كان مبتسم وفي الاخير قال له : معيض ارتحت ؟ معيض ناظر فيه وحرك راسه بمعنى ايه ... ولا زاد عليه المتدين اي سؤال ثاني ... وبعد فتره من السكوت تكلم معيض وقال : بعد كذه شهر رحنا بيت خالد علشان نتطمن عليه خاصه انه كان ماخذ اجازة من العمل علشان يروح امريكا ويشوف مريم .. ريما : طمنا عليك وعليها ؟؟؟ وش اخبار مريم ؟؟؟ خالد وهو ساكت ومهموم مره وباين عليه ومن مشيته انه شرب كثير قبل لا يجون : ولا شئ لقيت انه كاثرين متعرفه على خوي جديد ومريم ما سلمت علي حتى وبس شفتها اول ما وصلت وتهاوشت مع كاثرين كانت تبي فلوس ولما انا عطيتها على طول طلعت مع واحد زنجي متعرفه عليه بالمدرسه هناك وكاثرين حاولت تطمني وتقول انه عادي الشئ هذا وانها بسن المراهقه وانه كان صعب عليها التأقلم مع اصحابها الجدد بالمدرسه بحكم انها عربيه ويتنطزون عليها ويقولون انتي متخلفه ومن الخرابيط هذي ... وحتى بليلة سفره رجعتي سلمت علي ببرود ودخلت غرفتها على طول .. معيض : لا حول !! الشئ هذا كنا نتوقعه انها يصير فيها كذه !!! طيب اللحين لازم نتدارك الموضوع ما تقدر انت تاخذ القرين كارد وتروح لهيوستن علشان تبقى قريب منها على الاقل وتطمن عليها وتكون معها بالمرحله هذي من عمرها ؟؟؟ خالد : للاسف ما اقدر ..طلبت انا القرين كارد بحكم اني كنت متزوج امريكيه بس اداره الهجره ما وافقت على الطلب حقي .... واني انقل لهيوستن كمان ما رضت عليها الاداره هناك لانه تخصصي ما يتبع اي اداره هناك وحاولت اكلم اي واسطه اني انقل لاي شئ هناك او حتى اقدم على تكمله دراسه بس الى لان ما قدرت اسوي اي شئ وما ادري وش اسوي ... حاس نفسي حيران ولا ادري وش اسوي وخلصت كل الفودكا اللي بالبيت علشان اقدر افكر باي شئ اقدر اسويه ولا لقيت اي شئ ابدا !!! حتى لو اخذت اجازة وطلعت فيزا سياحه ما اقدر اجلس هناك فتره طويله ... وحتى لو احاول افتح بزنس هناك طلبو مني راس مال كبير وضمانات ودراسه مشروع وكل هذا ما عندي وانا بس ابي اي شئ يخليني مقيم هناك للفتره اللي انا احددها .. بس للاسف مافي اي طريقه ولا اعرف وش اسوي !! ريما ومعيض جلسو مع خالد طول الليل يحاولون يفكرون باي حل لخالد ولكن ولا شئ طلع معهم .. وفي الاخير خلو خالد ينام خاصه انه وصل لحاله سكر شديد من كثر ما شرب ونام مكانه بالصاله ورجعو هم لبيتهم ولا واحد كان يتكلم من كثر ماهم غارقين بالهم هذا !!  معيض ودك تكمل بكره وتريح اليوم اذا انك تعبان ؟؟ ....كان هذا صوت المتدين ابو بالطو ابيض .. معيض : لا ...اقدر اكمل ...وابي اكمل .. المتدين : كلي اذان لك ..تفضل معيض يشرب شويه من المويه اللي قدامه ويكمل ......  مرت الايام ولا فيه اي شئ جديد صار بعدها الى ان وصل ذاك اليوم المشأوم لما رجعو الاولاد من البحرين بالويك اند وكان وجه ياسمين متغير وشاحب شوي والغريب انه عمر كان عادي ولا فيه اي شئ ... توقعت وقتها انها كانت يمكن تعبانه ولا مزكمه بس لاحظت انها تجلس بغرفتها اكثر من اول ولما سئلت عمر قال انه ما يدري ... بس هي صارت كذه فجأة من اسبوعين حتى بالبحرين بالمحاضرات كانت تسرح ولا تركز على المذاكره ولا اي شئ وميري وندى كانو يجونها الغرفه ويسكرون على نفسهم ولا يطلعون منها ابدا ولما تطلع ندى وميري ما يتكلمون معي ولا اي شئ وكل وحده منهم ساكته ويرجعون لسكنهم وانا ظنيت انه يمكن بس شئ بناتي و لا حبيت اتدخل فيها .. معيض : طيب يا ولدي انا ملاحظ كمان انه سعود ما صار يجي كمان !! وبس البنات اللي يجونها !! وينه هو ما صار يجي ؟؟ عمر : غريبه !! حتى سعود فجاه اختفى وقبل لا يختفي قالي انه لازم يسافر لفرنسا ويقول واحد من قرايبه تعبان ولا فهمت وش يقول !! بس قالي الكلام هذا وبعدين ما شفته بعدها ولا ادري اذا هو بفرنسا ولا لا !! بس لما كلمت بيته حسيت انه اهله صرفوني !! معيض : غريبه والله !! ما علينا منه المهم بس نشوف اختك وش فيها !! معيض بالليل لما كان يمشي مع ريما بدو يتكلمون على التغيير الغريب اللي صار مع ياسمين .. ريما : ما ادري والله يا عيوني !! حاولت اكلمها ولا هي راضيه تتكلم معي ابدا .. حتى حاولت اني اتكلم مع ندى وميري ولا رضو يقولو اي شئ .. وبس قالو انه علشان الدراسه صعبه ..بس ما ادري !! حاس انه فيه شئ ما يقولونه لنا !! معيض : طيب والحل ؟؟ اوديها المستشفى ؟؟ تراني من جد بديت اخاف !! البنت ما تاكل ولا شئ ووجهها كل يوم يصير شاحب اكثر من قبل وصايره كانها ورده ذابله ! وعمر كلمته ويقول ما يدري كمان وش السالفه !! وكلمت المدرسه وقالو لي انه فعلا الاساتذه ملاحظين عليها الايام الاخيره انها تسرح وما تركز ابدا بالدراسه وهذا شئ جديد عليها وانها معروفه بتركيزها وذكائها وشيطنتها وضحكها بالصف .. بس اللحين الكل يقول انها تحضر ولا تتكلم اي كلمه وتحضر وهي مسرحه وتطلع وهي مسرحه !! ريما : اسمع بكره باجلس معها واحاول اكلمها واشوف وش السالفه لحالنا وانت اطلع مع عمر وروحو اجلسو عند خالد وباحاول اشوف وش فيها !! معيض : اوكي !! بس باكلمها انا الليله ومنيب محاول ارص عليها ..بس باشوف اذا انها تعبانه ولا شئ علشان اوديها المستشفى .. لما رجعو للبيت معيض طلع لغرفه ياسمين ودق عليها الباب ودخل عليها ولقاها منسدحه على السرير وماسكه لعبتها المفضله لما كانت صغيره وحاضنتها ومشغله اغنيه ومسرحه ولا انتبهت حتى لمعيض وهو يدخل وما حست فيه الا وهو يجلس جنبها على السرير ويحط يده على شعرها وهو مبتسم بحنان ويطالع فيها ويلعب بشعرها .. ياسمين لما حست بيده تروعت وكانها كانت نايمه وصحت فجأة ولما انتبهت انه ابوها حاولت تبتسم خاصه لما شافت انه معيض ملامح وجهه تغيرت لما شافها تروعت كذه وتروع هو وعلى طول قال : ايش فيكي حبيتبي ؟؟؟ تعبانه ولا مريضه انتي ؟؟؟ تراكي خرعتيني لما تروعتي كذه ...تبيني اوديكي الدكتور يا ياسمين ؟؟؟ ياسمين وهي تحاول تبتسم وفشلت : لا يا بابا مافيني شئ انا ومنيب تعبانه بس الدراسه ماكله همها شوي وافكر بالمجموع ...  معيض سكت خاصه وانه واضح من صوت ياسمين انه مهب هذا السبب الحقيقي ... بس ما حب انه يزيد عليها ويتعبها اكثر خاصه انه شفتها بدت ترجف وعينها بدت وكانه دمعه تتجمع فيها ... فباس راسها وغطاها وقال لها : طيب حبيبتي ...نامي اجل وارتاحي يا عمري انتي ..المهم انتي بخير ..  معيض قام بعد ما غطاها وسكر النور وسكر باب غرفتها وهو يسكر الباب سمع صوت ياسمين وهي تبكي بصوت حاولت انه يكون هادي علشان لا ينتبه لها .. معيض وقف قدام الباب شوي وعينه دمعت كمان وراح لغرفه نومه وهو محتار وخايف على بنته ..  ثاني يوم كان هو وعمر عند خالد وخالد كان سكران من كثر ما شرب ويبكي وهو يقول : ابي مريم يا معيض ... اشتقت لها واخر مره كلمت كاثرين قالت لي انها سرقت 200 دولار من محفظتها ولما قلت لها اذا ما تقدرين عليها خليها ترجع هنا وتجلس معي ورفضت وقالت لي بكل برود ارسل فلوس زياده علشان مصاريف مريم .. عمر : هدي نفسك يا خال ...هدي نفسك ..  وقتها جوال معيض رن وكانت ريما داقه عليه : هلا ريما ...انا عند خالد ...خير ؟؟ ريما : معيض .....  معيض : ايوة يا ريما ...خير وش فيكي ؟؟؟ ريما : ....... معيض : وش فيكي ؟؟؟؟؟؟؟ ردي ؟؟؟؟؟  ريما بصوت مبحوح مره وكانها تبكي بالموت قالت كلمه : ...تعال .. معيض : اللحين جايك ...يلا باي ... معيض سكر السماعه وقال لعمر : اجلس مع خالك باروح البيت وباجي بعد شوي ...يلا باي  معيض على طول طلع بسرعه وركض باسرع ما عنده للبيت ولما شاف مافي احد عند بيته والنور والع تطمن شوي انه ما صار شئ وعلى طول دخل ودخل الصاله ولقى ياسمين تصيح بقوة على الكنبه وريما الدموع تنزل من عيونها وهي تناظر الجدار وكانها مصدومه !! معيض : وش فيكم ؟؟؟؟؟؟؟ وش صاااار ؟؟؟؟؟؟؟؟ وش فيكي يا ياسمين ؟؟؟؟؟؟ ريمااااااا تكلمي ...... وش فيكم ؟؟؟؟؟؟؟؟؟؟؟؟؟؟؟؟؟؟؟؟؟ تكلمووووووووو  ريما : ......... معيض : تكلمي يلعن ابوكم وش فيكم لا تذبحوني ....وش صاااااااااير ؟؟؟؟؟؟؟؟؟؟؟ ريما : ياسمين .......حامل ------------- المتدين ابو بالطو ابيض صب كاس مويه ثانيه لمعيض لما لاحظ انه يده ترجف بقوة وبدا يعرق بقوة ودموعه تنزل وعيونه متحجره وشربه لمعيض وعلى طول طلع ابره من جيبه وعطاها لمعيض وشربه كاس ثاني مويه ومسكه يسنده الى ان هدى ووقفت الرجفه وبدا يرتخي ... وفي الاخير قال له : معيض ...تتذكر وش صار بعدين ؟؟ معيض : ......... المتدين ابو بالطو ابيض : ما تتذكر اي شئ ابدا ولا تتذكر وش سويت ؟؟ معيض : ..... اذكر اشياء خفيفه .. اذكر ريما تمسكني .. اذكر ياسمين على الارض والدم يطلع من فمها .. اذكر دم على قميصي ... اذكر عمر او خالد ... ما ادري كانو يمسكوني مع ريما ... اذكر اسعاف واشياء كثيره متفرقه ما اعرف ترتيبها .......  المتدين ابو بالطو ابيض : ...طيب خلاص الابره اللي عطيتك اياها بتخليك بعد شوي تحس بالنعاس ... وانت بذلت مجهود كبير مره الليله علشان تكمل القصه وابيك اللحين تحاول تقوم وانا باسندك اوديك لغرفتك علشان تنام .... معيض ما اعترض ابدا وخلا الدكتور محمد اللي كان معاه من سنه في المستشفى يحاول يعالجه من الانهيار العصبي انه يسنده ويوديه لغرفته كانه طفل صغير حتى ساعده الدكتور محمد على انه ينسدح بالسرير وغطاه ... وقبل لا يطلع من الغرفه ناظر فيه الدكتور وقال : معيض باصيحك على الفجر تصلي معاي جماعه انشاءالله .. معيض ناظر الدكتور محمد وحرك راسه حركه خفيفه على انه موافق وسكر عينه ونام على طول .. النهايه
انتهت قصه الحضاره .. انتهت حياه ناس طيبين القلب .. انتهت الاصاله والعراقه ... انتهت العادات والتقاليد .... انتهى كل شئ وما بقى الا ثمن اندفع لطريقه حياه سعى البعض لها ... انتهت ثلاثيه معيض والحضاره وما بقى منها الا سرد اسماء ابطالها ونهاياتهم : ريما :- رجعت الي بيت ابوها مع عمر بعد دفن ياسمين ودخول معيض للمستشفى وجاها اكتئاب نفسي حاد واستقالت من العمل بعد محاولات للتحرش الجنسي فيها . عمر :- طلع من الدراسه وتعرف على شله شباب بارامكو صار يطلع معهم حفلات الشراب والبنات والحشيش . خالد :- صار مدمن للشراب وما صار الكاس ينزل من يده ليلا او نهارا . كاثرين :- تعرفت على صديق جديد وبعد فتره اغتصبها وسرق منها فلوسها و كل شئ كان عندها بالشقه ولا تزال تتعالج بالمستشفي من اثار الضرب والاغتصاب . مريم :- ادمنت على المخدرات ودخلت مصحه للعلاج من الادمان الهروين بهيوستن . معيض :- دخل عليه الدكتور محمد يصحيه للفجر ولقاه مات بنوبه قلبيه مفاجئه وكان ماسك مصحف على صدره وعلى الارض تحت يده كانت صوره .......... صوره ياسمين .
THE END
تمت بحمد الله وعونه ... واشهد انه لا اله الا الله ومحمد رسوله وعبده |
|
|
|
|
16-11-2004, 12:35 AM
|
يكفي حضوري
