| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
أحاسيس ماطرةللخواطر والقصة القصيرة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
معــيــــض والحضــــارة .....ثلاثيه قصه الحضاره
 معيض از بااااااااااااااااااااااااااك معيض والحضاره ..... الجزأ الاول هذي القصه من ثلاث اجزاء ..كل جزأ بيكون قصه بحد ذاتها على ثلاث مراحل من العمر لمعيض ... باتكلم بالقصه هذي عن الحضاره المزيفه اللي البعض يعيشها وللاسف لها مشجعين وانصار يطالبون فيها مهما كانت نتائجها او التضحيات اللي يجب تقديمها علشان يحمل الشخص لقب "انسان متحضر" !!  طريقه عرضي للقصه هذي بتكون مختلفه تماما عن الباقي وبتكون جديه اكثر وباصور الحياه كما هي حاصله للاسف بشكل جدي وواقعي جدا !!! طبعا البعض ممكن لما يقرون القصه يشكون او يتشككون من واقعيتها خاصه اننا ببلد مسلم ودستوره هو الكتاب والسنه .. لكن هذا فعلا الواقع للبعض القصه طويله جدا واسمحولي اذا اني ما خليتها الا على 3 اجزاء فقط علشان تسلسل القصه يطلب هذا ... يعني انصح اي واحد يقراها انه يفصل ويقراها على اقل من مهله اذا يبي علشان يفهم الفكره كلها .. اسف على المقدمه الكبيره هذي ولكن كان لا بد منها  بدأنـــــــــــــــا قووووووووووووووووووووووووووووووووووووووووووووووووو ووووووووووم ..معيييييييض ووجع قممممممم صل الفجررررررر !!!  كان هذا صوت ام معيض تصحيه بحنانها المعروف وبطريقه اهل قريه "المعايضه" المعهوده !! معيض : طيييييييييب يمممممه خلااص قمت والله قمت ! ام معيض : يلا قم ووجع يوجعك انشاءالله كل فجريه كذه بتسوي فينا نصحيك بالعافيه ووجع ..قم الحق على الصلاه ترا بيقيم اللحين معيض : خلاص يمه قمت الله يجازتس خير ,,باتوضى واطلع اللحين ام معيض : الله يبارك فيك يا ولدي يلا قم صل على ما ازهب لك الفطور وراك ترا مشوار للظهران بعد شوي مع عمك سعود علشان الجامعه . معيض : انشاءالله يمه يلا هذاني قمت . معيض قام وراح المسجد بديرته الصغيره وصلى الفجر وبعد الصلاه الكل كان يسلم عليه ويودعه لانه اليوم بيروح للشرقيه الظهران علشان يسجل بالدراسه في شركه ارامكو خاصه انه واحد من المتفوقين ومحبوب من اهل الديره كلهم وكلهم يدعون له بالخير والتوفيق .. بعدها راح لبيته ولقى امه مزهبه له الفطور الدسم اللي يخلي الواحد يطلع منه ابله ويشوف الجحش يضمه على باله اخوه من بعد الفراق  بعد الفطور معيض زهب شنطه وامه تصيح وتذكره بالصلاه والله الله بالدراسه الى ان جاء عمه سعود وركب معاه الفورد موديل 88 ومشو بعد ما ودع معيض امه اللي تصيح على الباب .. طول الطريق الى الظهران كان عم معيض يذكره بانه ترا الدنيا غير في الظهران ولا يفتتن فيها ولا يجاري الدنيا ويتمسك بالدين وعادات اهله ويرفع راسهم فوق .. ولما وصلو للمكتب معيض كانت جاهزة اوراقه كلها وخلصها بسرعه مع عمه ووصله عمه للسكن وقبل لا يطلع عمه يرجع الديره ضم معيض له وقاله يا ولدي انت صرت رجال وخلاص وهذي حياتك ابنيها بنفسك وابوك الله يرحمه كان دايم معتمد على رجال وما خاب ظنه وهذ هذا الظرف هديه مني ومن امك فيه استماره السياره اللى تحت شريناها لك علشان تقدر تروح دراستك وشغلك .. معيض وقتها قام يصيح كانه بزر بحضن عمه : واااااااااء واااااااء  عم معيض : وجع ولعنه صياح زي البزران وانت كبر الحمار ما قلنا شئ ...بس لا تمسح خشمك بثوبي ولعنة !!!  معيض : نفف نففف ( اصوات خشم معيض وهو يمسحها بكمه ) عم معيض : المهم يا ولدي يلا اتركك اللحين ترتاح وانا راجع الديره اللحين والله الله بدراستك وبنفسك .
........... تحذير القصه بتبدا الان ............
معيض طبعا كان بنظام الدراسه لمده سنه وابتعاث عبر ارامكو ... وعبر الدراسه هناك تعرف على ناس واجد وصار له حلقه صداقات قويه بحكم شعبيته بطيبته وخفه دمه واخلاقه الحلوة لكن اكثر ما كان يمشي معاه كان واحد اسمه خالد ... خالد تعرف عليه بالصدفه من خلال دراسته لانه معيض كان ضعيف بالانجليزي ويلقى صعوبه بالكلام فيها .. وخالد كان عنده صعوبه بالرياضيات فاقترح عليهم المدرس انه كل واحد يساعد الثاني وطبعا كل واحد رحب بالفكره ومع الايام صارت العلاقه بينهم اكثر من صداقه وخالد دايم كان دايم يعزمه على بيتهم داخل ارامكو بحكم انه ابوه شغال بالشركه وساكن بالسكن الخاص فيهم لكن معيض كان دايم يستحي يروح لهم ويتعلل بالدارسه وغيرها الى ان جت الاجازة وخالد اصر عليه ان يجي بيتهم لانه كلم اهله عنه واجد ويبون يقابلونه وابوه دايم يسئل عنه خاصه انه مستوى خالد تحسن واجد بالرياضيات ومعيض كان دايم يسهر مع خالد يعلمه ولا يتركه الا لما يفهم كل شئ .. وقتها معيض حس باحراج كبير خاصه لما عرف انه خالد مسوي غداء له بالبيت وانه لازم يجي لانه ابوه يبي يقابله .... معيض وقتها حس انه خلاص مافي امل يعتذر ..  فوافق اخيرا على عزومه الغداء اللى كانت بتصير يوم الخميس .....  معيض ما كان يعرف انه الخميس هذا هو اليوم اللي تغيرت فيه حياته 180 درجه الى الابد !! وجاء اليوم الموعود يوم الخميس وعلى حسب ما فهم من خالد انه العزومه بتكون على الغداء وبعدين بيطلع المزرعه مع اهل خالد يتعشون هناك وبعدين اهل خالد يرجعون البيت وهو وخالد ينامون بالمزرعه ويجون ثاني يوم على الغداء ... كان يوم خميس الجو فيه بروده والجو حلو من النادر انه المنطقه الشرقيه يكون فيها زي الجو الباريسي هذا .. دخل معيض بيت خالد اللي داخل سكن ارامكو .. وكانت هذي اول مره يدخل فيها معيض سكن ارامكو الخاص .. وانبهر من اللي شافه الخضار بكل مكان .. الشوارع المرتبه النظيفه المنظمه .. الاجانب اللى يمشون للرياضه واللي يتجولون على السياكل ... والكل سواء كان عرب وسعوديين او اجانب وخالد بس يسوق سيارته عادي وولا تحركه المناظر هذي لانه متعود لكن معيض يحاول ياكل كل شئ بعيونه ويستوعب الجمال الباهر للمنطقه ومهب مصدق انه في بالسعوديه منطقه بالجمال هذا والخضار هذا وحس كانه انسلخ من الواقع الديره اللي كان عايش فيها وانه الان في امريكا او اي دوله اوربيه ثانيه يشوف صورها بكتب الدراسه او الانترنت والميلات اللي تجيه تحمل الصور الطبيبعيه هذي .. على امتداد البصر كان الجمال بكل شئ .. واخره المطاف كان له نظره ثانيه مع الجمال ... مع ريما .. اخت خالد !!!!  خالد وقف سيارته ونزل منها هو ومعيض ودخلوا البيت على الصاله وكان هناك باستقبالهم ابو خالد وام خالد وريما .. اخت خالد !!! معيض من المفاجاة والحيا ما عرف ايش يسوي ولا ايش يقول ولا عرف كيف يرد الترحيب على ابو خالد خاصه انه عيونه تنتقل من الارض الى ريما وهو غارق بالحيا ولا عارف اذا هم دخلو بالغلط وقبل لا يحسون انهم وصلو ولا ايش ؟؟  لكن لاحظ انه الكل جلس وعادي وانه متعمد الجلوس قدامه خاصه من قدام الاهل كلهم كيف حالك يا ولدي ؟؟؟ كان هذا صوت ابو خالد يحيه .. معيض : امم بخير الله يسلمك يا عم ابو خالد : الله يسلمك انت يا ولدي , خالد كلمني واجد عنك وعن دراستكم سوى وانه تعبك بالرياضيات وانت متعبه بالانجليزي ..هههه ههههه معيض استحى وحمر وجه مره خاصه لما لاحظ انه ريما كانت كمان تضحك وانه ضحكتها خلت وجهها يحمر ويعطيها جمال غير طبيعي ... وبدون ما يحس على نفسه معيض قام يسب ويلعن وهو مهب فاهم وش السالفه وليه جالس مع العائله كلها !! معيض قام يفكر ويقول بنفسه ..يمكن هم عادي كذه ومعتبريني ولدهم زي بعض اهل الغربيه !! لكن خالد قبيلي من اهل نجد على حسب ما عرف عنه وحتى خالتي اللي تعتبر ام ثانيه لي الى الان تستحي تشكف علي !! معيض يفكربكل هذا ويحاول يستوعب بمنطقه البسيط وش اللي صاير بالضبط عنده لكن ما قدر يفهم اي شئ !!وقرر في الاخير الاستسلام وانه يجاري الوضع علشان يفهم !! ام خالد : هاه يا ولدي عسى بس غدانا عجبك ؟؟ احسن من اللي تاكله انت وخالد كل يوم بمحلات الاكل بره وقت فتره الغداء ؟؟ انا دايم اقول لخالد تعالو تغدو هنا دامكم قراب من مكان الدراسه بس ما عمره جاء ولا انت !! خالد : والله يا يمه هذا معيض قدامك مليون مره اقوله امش معاي خلنا نتغدى سوى بالبيت ولا يرضى ويتعلل بمليون عله بس اخيرا ربطته اليوم وجبته لكم هههههه ريما :ههههههههه طيب ليه يعني يا معيض ؟؟ ليكون اكل المحلات بس افضل من اكل البيت برايك ؟؟  معيض وقتها توه يستوعب انه الكلام يدور حوله لما سمع اسمه من ريما وتفاجأ ولف وجه لها وعينه جت بعينها وحس بحاله دلاخه رهيبه ما كان يحسها الا ايام فطور امه بعد صلاه الفجر بالديره !!  معيض : هاه ؟؟ عفوا .....اممممم لا والله بس ما كان ودنا نكلف عليكم وفتره الغدا ما كانت تكفي والعاده نقرا الدروس واحنا ناكل فيعني كان ...امممم يعني صعب كذه شوي !!! العائله كلها : هههههههه ابو خالد : الله يعطيك العافيه يا ولدي ويلا شدو حيلكم علشان تجون معنا هنا بارامكو بس ..الا معيض انت قررت تبي تسافر بره ولا تجلس هنا تكمل بالبترول ؟؟ معيض : والله يا عم ..الى الان ما قررت الشئ هذا ...خالد على حسب ما قالي انه وده بالبترول بس مرات احس انه ودي اسافر ومنها اتعلم من اللي بره ..  ريما : منت ملاقي شئ بره مهب موجود هنا ...انا لو مكانك اكمل هنا بالبترول مع خالد .. قالت الكلام هذا وهي تبتسم وعينها بعين معيض .  معيض : ...... اممممم فكره الدراسه هنا شكلها كمان مهيب بطاله ابدا ويمكن فعلا يكون احسن اجلس هنا !!  معيض استغرب من نفسه شلون استسلم كذه بسرعه بالنقاش  وغير حلمه بهذي السرعه انه يروح بره ويشوف العالم اللي شافه بالصور واستغرب اكثر من كلمه ريما انه كل شئ بره موجود هنا ... يمكن لانهم ساكنين داخل ارامكو وعايشين بالمناظر هذي اللي مهيب موجوده الا بره قالت كذه !! ريما لما سمعت جواب معيض ابتسمت ابتسامه الانتصار وابو خالد لاحظ الابتسامه هذي وضحك وقال بنتي وعارفها قويه وملعونه وتعرف تسكت العائله كلها ومعيض معهم : هههههههه تمر الايام .. وتبدا الدراسه مره ثانيه ويسجل خالد ومعيض بالبترول وتزيد روحات معيض لبيت خالد لدرجه كل ويك اند معيض يروح مع اهل خالد بكل مكان وكانه واحد منهم ومعيض الى الان يفكر للدرجه ذولا الناس طيبين ومعتبريني ولدهم ؟؟ بس بنفس الوقت معيض يستغرب بعض الشغلات مثل انه عادي انه يتركوه لحاله مع ريما في الغرفه او بالمزرعه او انه خالد يعزمه هو واخته على كوفي شوب ولا ام خالد تجلس معاه وتسولف معاه بغياب الكل الى ان يرجع خالد البيت ... معيض يستغرب كل هذا وحاس فيه شئ لكن ما يعرف ايش هو ولا كيف يعرفه وشو هذا اللي ناقص !!  في احد العطلات لما كانو بالمزرعه نام الاهل كلهم الا معيض اللى ما قدر ينام فطلع للزراعه بره ومعاه دله شاهي وفرشه وراح فرشها بره تحت شجره كان يحب يجلس عندها وجلس يناظر الدنيا حوله بالليل وهو يشرب الشاهي لما سمع صوت شئ يتحرك جمبه ومن الخرعه كب الشاهي على ثيابه وصرخ من حراره الشاهي معيض : ايييييي ريما : هههههههههههههههههههههههههههههههههههههههههههههه لا يكون خوفتك بس ؟؟  معيض : امممم لالالالا " وهو قاعد يسب ويلعن سنسفيل جدها على الخرعه اللي حرقته" لا عادي بس الشاهي طاح علي وما كنت متوقع انكم صاحين ..لا يكون ازعجتكم وصحيتكم ؟؟ ريما : ههههههههه لا انا بس ما جاني نوم وقلت اطلع ولقيتك جالس بره فقلت اجي اجلس معك واتقهوى معاك اذا ما عندك مانع ؟  معيض :اممممممم " لاحظ انها لابسه لبس بيت عادي وبسيط جدا بس جمالها باللبس هذا والليل معطيها جمال غير طبيعي ويدوخ " لا امممم تفضلي ... اممم تفضلي  ريما : ههههههه طيب وراك تتنافض منيب ماكلتك هههههههه  معيض : هههههه لا منيب خايف تاكليني بس يعني خايف انه اهلك واحد منهم يصحى ويشوفك بره معي بالوقت هذا ويسوي لك مشكله !! ريما : مشكله ؟؟؟؟!!!!!! ليه ؟؟ معيض : يعني ..امممم !! أممممم علشانك جالسه معي بالوقت هذا متأخر بالليل لحالك بره !!! ريما : طيب واذا ؟؟؟!!!! وين المشكله ؟؟؟ معيض : امممم ...ما ادري بس يعني انتي بنت وانا ولد !! وانا غريب عنكم حتى لو تعاملوني زي ولدكم بس لا ازال غريب عنكم وانا منيب محرم لك !!! ريما : محرم ؟؟!!! غريب ؟؟؟ ولد وبنت ؟؟ ريما جلست تفكر شوي كذه وهي ساكته ومعيض بس يبلع بريقه وفي الاخير ريما تضحك ريما : ههههههههههههههه الله يرجككككككك فهمت عليك ...لا لالالالا تخاااف اهلى ما يفكرون كذه وبالعكس معطيني الثقه ومتحضرين ولا يفكرون بالخرابيط هذي !! معيض : اي خرابيط قصدك ؟؟؟!!!!! ريما : اللي محرم والشغلات هذي وانه فيه فرق بين الولد والبنت ...خلني افهمك اكثر يا معيض ..اللحين انت وش رايك بدراسه البنت ؟؟ وانها تشتغل ؟؟ وهل فيه فرق بينها وبين الولداو انه افضل منها ؟؟  معيض وهو يبلع ريقه : اممممممم دراسه البنت احسها شئ مهم جدا وعملها ما اشوف فيه اي شئ والفرق يعني مهب فروق بمعنى الكلمه... ريما تقطاعه وتسئله : طيب انا اقولك ...اللحين البنت ما تقدر تسوي اشياء افضل من الولد ؟؟ معيض : الا ! ريما : طيب اجل معنى كذه مافي فرق بينا ولا لا ؟؟ معيض يتوه مع عيون ريما اللي تطالع فيه وعلى وجهها ابتسامه بس يسئلها : طيب بس مهما كان انا مهب محرم لك !!! ريما : معيض اسئلك شئ .. اللحين انت شفت العيشه داخل ارامكو وتتذكر انت العيشه بره ...ايهم افضل برايك ؟  معيض : طبعا داخل ارامكو !! ريما : طيب تتوقع ايش السبب بالشئ هذا ؟؟ معيض : لانه ارامكو شركه كبيره جدا وقديمه وبنت كل شئ من الصفر الى يومك هذا وتبعت الحضاره في مجال الاعمال وكل شئ الى ان وصلت الى المرحله هذي !! ريما : طيب مين علمهم الاشياء هذي ...على ايام ابوي ما كان فيه الا صحراء بكل مكان زي ديرتك بالضبط !! معيض : اممممم من الاجانب والامريكان اللي حفرو الابار واسسو التجاره هنا !! ريما : معنى كذه اخذنا الحضاره منهم وهم شعب ما صار لهم اكثر من 500 سنه واحنا اللى صارلنا من بدايه التاريخ ما تقدمنا الا بعد مساعدتهم ...صح ولا لا ؟؟ معيض : امممم ...صحيح بس اللحين احنا قاعدين نكمل لحالنا بدونهم !! بس الى الان ما فهمت وش دخل هذا كله بموضوعنا !! ريما : لا تستعجل علي وانا اقولك كل شئ .. طيب اللحين احنا اللحين زي ما تقول نكمل لحالنا ...طيب انت مره قلت لي انك رحت جده والرياض ..هل هي زي ارامكو وبتطورها وتنظيمها وتفوقها ؟؟ ولا احنا هنا افضل واحسن ؟؟ معيض : الحق ينقال لا طبعا !!! مهما كان بره الوضع لكنه الى الان يعتبر واجهة بمظهر حلو لكن لا تنظيم ولا اي شئ يساعد على استمرار الشئ هذا وارامكو الى الان محافظة على الشئ هذا !!ريما : طيب ما تلاحظ انه الجهة اللي احنا فيه وطريقه تحضرنا وطريقه معيشتنا هي اللي مخليتنا احسن من بره واللي بره مع انهم اخذو التطور لكن مهب مستفيدين منه ولا عارفين كيف يتعاملون معاه او اي شئ وانه مجرد واجهة ومنظر خارجي لكن الاعمى واضح قدامه انه سئ ولا يقارن بهنا ؟؟ معيض : امممم ايه بس الى الان ما فهمت وش قصدك !! ريما : وهي تزفر نفسها لبره وتاخذ نفس ثاني وتناظر بعيون معيض وتغرق فيها وتقوله : انا اقولك ...بره لا يزال الناس يتعاملون مع عاداتهم بشكل اهم من اي شئ ثاني .. اهم من التطور ..اهم من انه يحسنون نفسهم ..اهم من كل شئ !!! وهذا اللى الى الان معطلهم عن كل شئ ... بينما احنا هنا تركنا الاشياء هذي اللي يتكلمون عنها ويسونها ويسمونها عادات وتقاليد وبالعكس فكرنا وقررنا انه ناخذ من صاحب التجربه الواضحه للعين انهم نجحو في التطور الحضاري اسلوبهم بالحياه وطريقه التفكير المتفتح علشان نقدر نتطور .... اللحين تقول لي ليه انا جالسه معاك بره ؟؟ انا باكون صريحه معاك ...لانه بره لا يزال المجتمع والناس منصب تفكيرهم باننا مجرد اداه للجنس !! وانه متعه الشئ هذا وانه البنت اذا انشافت باي مكان فهي شاغلهم الوحيد ...طيب لو جلست عادي مع البقيه وتركنا التفكير المنحط هذا وكل واحد تكلم مع الثاني باللي يفيده ويفيد تطوره ويفيد تحضره ما كان احسن ؟؟ هذا اللى احنا نسويه هنا وهذي طريقه حياتنا . معيض : بلم قدام المنطق هذا وقاعد يحاول يبلعه ويفكر فيه باسلوبه البسيط وطريقه فكره المنطقي وفي الاخير قال : طيب بس العادات هذي هي اساسنا ولا تنسي انه بعض الشغلات اللي تتكلمي عنها هي من نبع الدين !! ريما : انا ما قلت ننسلخ عن الدين ولا ننساه !!! لا بالعكس الدين نصلي ونصوم وكل شئ وناديه حقه بمكانه ..يعني بالمسجد ونعطيه حقه ...واما امور الدنيا فاننا كمان ما نتجالها ونسعى للتطور ونطور من نفسنا دايما ولا نحاول نتعلق بأي شئ يخلينا وراء وهذا هو قصدي !! معيض : امممم ... ريما لاحظت سكوت معيض ولا عنده اي شئ يقوله قالت : على العموم بينا الايام تبين لك وجهة نظري قدامك في كل شئ ...سوي مقارنه بسيطه ..العبها كانها لعبه ...كل ما تدخل ارامكو تفرج وقارن مع اللي تشوفه بره سور ارامكو وفكر بالنتيجه ...واللحين يلا تصبح على خير عمووو وانتبه لا تحرق نفسك بالشاهي مره ثانيه ههههههههه معيض : هههه ..... معيض ضحك شوي لها وجلس يفكر بكلامها وجلس يقارن بين ايامه بالديره وبين هنا وتذكر كلامك واحد من خواله وهو يسب ويلعن بالانترنت ويقول الكفره ذولا يبون يغزونا من كل جهة ويتذكر انه الانترنت يستعمله في ابحاثه بالدراسه والمعلومات وبعض الاحيان بالشات مع الناس من اماكن ثانيه ويتعرف عليهم وعلى اسلوبهم بالحياه ويسئل نفسه معيض وين الكفر بالشئ هذا ؟؟ وجلس يفكر الى الفجر الى ان نعس وقرر انه يدخل ينام ويخلى القرار ونتيجه لعبه المقارنه للايام .... مرت الايام ومعيض وخالد يدرسون بالبترول الى تخرجوا من الدراسه ... طبعا احداث كثيره صارت خلال السنوات هذي منها وفاه امه وصار يتيم وماله بالدنيا الا اعمامه وخواله اللي يزرونه من فتره لفتره يتطمنون عليه ... وكمان خلال السنوات هذي صار زي اخ لخالد كل مكان يروحون له وكل العزايم اللي تصير ببيت خالد كان يجيها كانه واحد من اصحاب البيت وتعرف على كل اصحاب ابو خالد وربعه اللي كانو يجون مع عوائلهم من الاولاد والامهات والبنات ويجلسون سوى ويتكلمون عن الدينا والتجارة وعن التطور المستمر بارامكو وعن القضايا الساخنه اللي تصير بالديره .. كل هذا ومعيض صار كل يوم يقتنع اكثر واكثر من كلام ريما واكثر من مره صار ينظر للعالم الخارجي بقرف واشمئزاز شديد للمقارنات اللى جلس يسويها لكذه سنه الى ان جاء اليوم اللي تعين فيه بارامكو هو وخالد وطبعا معيض قرر السكن بالداخل وبحكم علاقات ابو خالد سكن معيض قريب منهم مره ما يفرق بينه وبينهم الا كم بيت وفي اليوم اللى خلص تأثيث البيت طبعا معيض عزم بيت خالد عنده الف الف الف مبروووووك يا ولدي يا معيض على البركه انشاءالله البيت ..هذا كان ابو خالد وهو يدخل داخل البيت معيض : الله يبارك بعمرك يا عم ويسلمك البيت هذا بيتك انت والاهل ومهب بيتي انا بس مبروك معيض والله طلع عندك ذوق بالتأثيث يا ولد ولا كنت ادري ولا اتوقعه ههههههه ...ريما قالت الكلام هذا وهي تغمز له  معيض : هههههههههههه ايه طيب بس وش رايك اعجبك ولا لا ؟؟ ههههههههههه العائله كلها : ههههههههههه بعد العشا وبعد ما ورا البيت للعائله والاثاث اللي اختاره رجع ابو وام خالد للبيت وجلس خالد وريما ومعيض بالصاله يرتبونها ويشيلون كل شئ للمطبخ لما رن جوال خالد واستأن انه ياخذ المكالمه بالحديقه .. جلس معيض وريما يشيلون الاغراض للمطبخ وريما كل شوي تقول ريما : هههههههه والله كبرت يا ولد وصار لك ذوق تشتري الاثاث هذا ...اوف اوف حتى المطبخ عرفت تشتري اغراضه صح ...لا يكون متعرف على وحدة بس من ورانا ؟؟؟ هههههههه  معيض : ههههههههههه الله يرجك لا ابشرك كله ترا نسخه من بيتكم يعني من وين باجيب اغراض المطبخ هذي من غير ما اسئل امك ؟؟ هههههه ريما : اييييههههه توقعت ...اصلا انت مستحيل تسوي اي شئ الا تكلم امي ولا ابوي فيه ههههههه  معيض : هههههه بس عاد تصدقين اليوم ابي اسئلك برايك عن شئ ما يقدرون يفيدوني فيه وانتي بس اللي تقدرين ريما : وشو ؟؟ لا يكون تبي بس تشري غرفه حق بنات ولا تعرف وش تجيب ؟؟ |هههههههه معيض : هههه لا بس يمكن بعدين تساعديني اني اشري غرفه نوم ..بس مهيب لبنات ولا اولاد ريما : اجل مين ؟؟!!! معيض : لنا ريما : ....... معيض : شوفي يمكن صدمتك ههه بس فكري بالموضوع واذا تتذكري كلامنا من زمان تحت الشجره ولعبه المقارنه ..تراني استوعبت اني منقرف من كل شئ بره وابي اكمل حياتي بالطريقه اللي تعلمتها منكم واللي خلتني افكر احسن واقدر اطلع من المستنقع اللى كنت عايش فيه اللي مافيه لا تطور بنفسي ولا اي شئ وابي اكمل الطريق هذا وابيكي تساعديني فيه .... ريما :....... معيض : اعتبر سكوتك علامه الرضى ؟؟ ريما ما ردت بس ابتسمت ونفس نظره الانتصار في اول مره قابلت فيها معيض جت على عيونها . هذي قصه الحضاره وكيف ينسلخ الشخص من كل شئ بسبيل الحضاره وكيف اهل الحضاره يفسرونها وكيف يجذبون الناس لها ... معيض ولد الديره ولد التقاليد والعادات صار منهم ... بالجزأ الثاني بنشوف مشوار حياته بعد الزواج واثر الحضاره عليه !!!!
----------- نهايه الجزأ الأول ------------
 معيض سوف يعود قريبا
|
27-10-2004, 01:16 PM
|
#2 | |
|
كبار الشخصيات
  |
رد : معــيــــض والحضــــارة .....ثلاثيه قصه الحضاره
رح نستنى شو رح يصير بمعيض في الجزء الثاني .. وتقبل تحيااااتي و يسلملي توقيعك الظريف amm@r
|
|
|
|
27-10-2004, 05:51 PM
|
#3 | |
|
عضو مشارك
 |
رد : معــيــــض والحضــــارة .....ثلاثيه قصه الحضاره
قصة لذيذة وجميلة ننتظر التكملة
|
|
|
|
|
28-10-2004, 02:58 AM
|
#4 | |
|
عضو مشارك
|
رد : معــيــــض والحضــــارة .....ثلاثيه قصه الحضاره
بلسم القلوب اشكرك اخي الكريم على حضورك وانشاءالله الجزأ الثاني عما قريب |
|
|
|
|
28-10-2004, 03:40 AM
|
#5 | |
|
سلطان الرياض
|
رد : معــيــــض والحضــــارة .....ثلاثيه قصه الحضاره
ان شاء الله .. ننتظر الجزاء الأخر من هذه القصه
|
|
|
|
|
28-10-2004, 04:17 AM
|
#6 | |||
|
كبار الشخصيات
شعلة مجالس الرياض |
رد : معــيــــض والحضــــارة .....ثلاثيه قصه الحضاره
تحياتي لك
|
|||
|
|
|
28-10-2004, 07:51 AM
|
#7 | |
|
كبار الشخصيات
|
رد : معــيــــض والحضــــارة .....ثلاثيه قصه الحضاره
<<< تمت طباعتهاااا لقرائتها على روووواق الف شكر << عاشقة القصص تحياتي
|
|
|
|
|
30-10-2004, 03:21 AM
|
#8 | |
|
عضو مشارك
|
رد : معــيــــض والحضــــارة .....ثلاثيه قصه الحضاره
V I P لا شكر على واجب يا غلا بنت النور يا هلا اختي وانشاءالله تعجبك القصه والجزأ الثاني عما قريب انشاءالله |
|
|
|
|
30-10-2004, 06:36 PM
|
#9 | |
|
كبار الشخصيات
|
رد : معــيــــض والحضــــارة .....ثلاثيه قصه الحضاره
8 داخله عشااااانها متى بتحط الجزء الثاااااني ؟؟ |
|
|
|
|
30-10-2004, 06:38 PM
|
#10 | |
|
كبار الشخصيات
|
رد : معــيــــض والحضــــارة .....ثلاثيه قصه الحضاره
توقعاتي للجزء الجاي : مدري بس اتوقع ان الجزء الجاي بيكون معيض ماخذ شخصية الزوج الـ " لاغيره و زوجته منظر للجميع " متخيله كيف بيكون لأن مثل هالاشكال المتناسيه نفسها وعاداتها وتقاليدها ودينها بسبب التحضر والتطور نشوفهم كثير .. يكفي زياره وحده للعزيزيه او للراشد او اذا اضطرتنا الظروف ورحت للظهران ونتفرج عليهم كأنهم من كوكب ثاني مقزز ومقرف !! عموماً بإنتظار الجزء الثاني بكل شوق .. وسلمت الأنامل ..
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
