أحاسيس ماطرة

مجنــــــــون · #1

شرايكم ياشباب نطلع رحــلة قنـص ..

قطع ســواليفنا .. سعد بهالكلام ..

نلتفت على بــعض .. وكل واحــد يعطي رأية ..

منصور : انا ماعندي مــانع .. فــاضين ولا عندنا شغــل والأجواء والله تســاعدنا على الطلعــة .. ولا شرايك حمــود ؟؟

حمود : قداااام .. لازم نغير جــو وقنص وحركااااااات .. ياهووووه ياناصر شكلك راعـي قنص واااضح من عيــونك .. هههههههههههههههه

ناصر : اقول اركد تراني من جــد متحمــس فلا تخرب حمـاسي بسواليفك اللي تسد النفس .

انا اقول شوركم وهــداية الله كلموا باقي الشباب وبعد بكــره تنطلق رحلتنــا والبركـة في سعــد .. اللــه يطــول بعمره .. لا تنســون تقولون لخــالد ولحمــد والباقين ..

أعتمـــد يانــاصر .. ولا تشيل ببــالك .. كل الشبــاب عندنــا

**************

يمـــه , يمــه ..

لبيــه ياولــدي .. ناصر انت وينـك فيه ؟؟

انتي اللي وينك .. يمــه .. انتي هنــا وانا جالس احوس بالبيت ..

اشوفك تصارخ وانت عارف اني بهالوقت بغرفتي مااطلع منها ..

يمه انا بكــره أن شــاء الله طــالع رحــلة قنــص .. مع اخـوياي بنجــلس اسبوعين ونرجـع ...

طيب وش له هالرحــلة ؟؟ ولازم تــروح معهــم ؟؟

أي يمــه اتفقنــا وخلصنــا .. ادعي لي .. ولا ترديــني ترى اذا ماتبيني اروح الحيــن ادق عليــهم وأهون ..

لا لا رح الله يستر عليك .. ويحفظك ويجعل لك في كل خطـوه سلام .. مااقدر ارد لك طلب يالعين .

يلوموني فيك ياأحلى أم بالدنيــا .. اممممممممممممواح على أحلى رويسك يالغالية ..

انا بروح اجهــز اغراضي من الحين .. عشــان مااستعجل فيها وانسى منها شي ..

زين ياولدي متى تبيني اصحيك ..

الساعة 5 الصبــح ....

ابشر رح رتب أغراضك وصل لك ركعتين ونم .... جعلــه نوم العــوافي ..

تحت امرك يالغالية ..

طلعت رتبت أغارض الرحــلة .. ملابس .. سلاح هوائي .. شنطة اسعافات اولية .. خلصت كل شي ونمــت ..
ولا صحيت الا على صــوت الوالده ..

ناصر ... يمه ياناصر .. قم ياولدي جوالك يدق من اليوم شبلاك ماتقوم ..

يؤ يؤ يؤ .. شكلي تأخرت بالنوم ..

لا ياولدي بس ربع ساعة قم صل الفجر .. وراك سفر ..

اطالع بالجــوال .. فيه سبع اتصالات لم من منصور " لم يرد عليها " .

الـــو .. هلا منصور .. صباح الخير

وينــك يالدب ليــش ماترد .. ماتدري ان ورانا رحلة وسفر وحوسه ..

ياخي وش تتوقع جالس اسوي .. العب مع الوالده بلاي ستيشن .. وماانتبهت لاتصالاتك

ومن فاز انت ولا خالتي ..

تستهبل انت ووجهك .. هـــاه متى بتجي ترى الغزلان والطيــور تطلب " حرش " 25
دقيقه واكون واقف على بابك .. وأغني وااااااقف على على بابكم ولهان ومسير ..

بس بس لا تغني ترى صوتك يخرع .. ومع الصبح يجيب لي غثياااااان

ههههههههههههههههههه طيب طيب يامليح .. خلك جاهز .. مع السلامه
مع السلامه ..

00000000000

يالله يمـه في امان الله ...

بحفظ الله ورعايته .. لا تنسى دعاء السفر وانتبه على روحك ياوليدي ..

لا توصين يالغالية ..

طاااااااااااااااااااااااط طاااااااااااااااااااااااااط طاااااااااااااط

وش فيك وش فيك عسى ماشر ليش كل هالأزعاج الناس نايمه بالحارة وانت جالس تظرب " بواري "

لا بس ابي اعلمك اني وصلت ..

وخير ياطير من حلاة الوجه .. يالله يالله توكلنا على الله ولا تطول الهرج ..
وين باقي العيــال..

والله الوعد في " محطــة الخليج " اللي على مدخل الرياض .. موقع الأنطلاق هنــاك

يالله سقهــا وخــل دربهــا سيــدة لا تلف لا يمين ولا يســار ..

متى بتفتك يانويصر من هالمصطلحات .. من جد احس اني راكب مع مجلد مصطلحات الشباب الصيع

هههههههههههههههههههههههههه اذا مت ياحبيب قلبي بتركها ههههههههههههههههههههههه

طول طريقنــا وحنـا نتهاوش ونمــزح ونضحك .. حتى وصلنا للشباب ..

سلام عليكم يالربع ..

هلا والله ارحبوووووووووووووووو .. يالله حيهم ..

الله يبقيكم .. هاه ياشباب خلصتـوا .. ناقصكم شي ..

ابد يانويصر كل شي تمام التمــام .. وننتظركم بس ..

[color=#5C92CC]اجل توكلنــا على اللــه .. وخلوكم قريبين من بعض طول الطريق ..

توكلنــا على الله ..

انطلقنا برحلتنا ووجهتنــا منطقة جميــلة جــداً اسمها " المصيقعات " وكان موكبنا يتكون من ثلاث

سيــارات .. بالأولى .. كان يركب خالد ابو الأكتشافات .. وحمــود الدب .. وسعد .. ومحمد

والثانيه .. فيها سلطان القناص وصاحب الخبره في القنص .. وعبدالله . وسعدون .. وخلف دليلنا في البر

والسيارة الثالثه .. انا ومنصــور وطبعاً .. انا وياه جونا خاص على انغــام أغاني " ابو نايف " طول الطريق

طربانين وضحك وسواليف وتعليقـات بالشبــاب .. بصراحه كان الطريق بالمره حلـو ..

وصلنا حوالي الساعة 10 الصبح .. نزلنا خيمتنــا .. وطقينــاها .. شبينـا النار " الضو " .. وكل واحد لاهي بشغـله .. ويساعد كل منا الثاني ..

ناصر ياناصر وين حطيت الماطور .. " دينامو "

نزلته وشاله حمـود مدري وين حطه رح اسئله ولا اقول يامنصور رح كمل شغلك انا بروح اشوفه وارجع .

اقول سعد شد حبل الخيمـه اللي ورى اشوفه مرتخي والرواق مازبط ..
حمــود اقول وين حطيت الماطور ..

داخل الخيمـه .. ومعـه أغراضنا كلنا ..

زين الله يعافيك حمـود لا تنسى شي ضروري بالسيارات نزل كل شي وجوالين المويه بعد نزلها ..

ابشر ولا يهمــك .. ولا تشيل هم

ناصر ... ناصر ... كان خالد يناديني ؟؟

هلا خويلد شفيـك ..

وقف خلني احاكيك ؟؟ نويصر شبلاك مرجوج اليوم

ياخي ماعرف اتكلم ووراي شغل ماخلصته .. هاه وش تبي ..

متى بنقنــص ؟؟

بالله عليك هذا سؤال توقفني عشانه .. بكره أن شاء الله بنقنص ..

طيب انا بروح استكشف المنطقة .. عشــان بكره نعرف وين نروح ..

هههههههه منت بعاقل ياكلمبـوس .. اقول رح ســاعد الشبــاب اصرف لك ..

ضحكات الشبــاب من كل جهـه على خالد .. ولقبه الجديد " كلمبوس " ههههههههههههههه
وكالعاده خالد يحب العنـاد .. ومع الزعل من الضحك .. اصر انه يروح يستكشف على وحده من السيارات .. وراح من عندنا ..

رجعت اكمل الشغل اللي ماانتهىى ..

اقول ياشباب نبي نتغــداء .. غداء بري وعلى الكيف .. وابي الشيف منصور يطبخـه ..

منصور : ابشــروا بالغــداء اللي يفتح النفس ويرد الروح بعد التعب هذا ..

طبعاً منصور معـروف بأنه طبـاخ ماهر وخاصه في الرحــلات ..

ترررررررن ترررررررن ترررررررررن تررررررررن

اقول ياشباب هذا " كلمبوس " .. شكله اكتشف له .. دينـاصور منقرض .. هههههههههههههههههههههههههههه

رد عليه رد لا يكـون متوهق ولا ماعرف يرجع الرحــالة خالد ههههههههههههههههههههه

هلا ابو خلود ..

هلا ناصر .. لا يفوتك حصلت لي شئ حلو وغريب في نفس الوقت .

ههههههههههههههههه وش هو ياكلمبوس

اقول لا تتريق علي واسمع ... حصلت لي بير شكله غريب وشكل فيه مويه ..

والله خالد ولا تستهبل علي ..

أي والله اتكلم جد ..

تعال .. بسرعه ابي اشوفه ..

رجـع خالد بســرعة .. ركبت معه وتوجهنـا للبير الغريب .. وصلنا للمكـان وكان في شئ غريب ..
كان المنطقة اللي تحيط بالبير خضراء .. وفتحته كانت مو كبيـره وواضح انه من زمان محد مره ولا احد قرب منه ..

هذا هو ناصر ..

ليش شكلــة غريب .. هذا بير ولا خنــدق ..قربت منه وطليت فيه حصلت .. ظلام وكأني لمحت شئ يلمع داخل البيــر .. واحسه بالمره غميق ..

خالد تعال .. تشوف ذاك اللي يلمع ..

أيــه اشوفه .. ناصر شرايك نمشي .. شكل البير يخـوف لا يكون فيه جن

وشـــو .. نمشــي .. اقول اركد وخل عنك سوالف البنات هذي ..

خالد .. رح رح جب الحبل .. خبري به ورى بالسيــاره ..

ليه وش ناوي تسوي ..

بنزل داخل البيــر .. بشوف وش ذاك اللي يلمع .. اذا مويه بطلع واذا شي ثاني بشوف وش هو ..

راح خالد وهو مو مقتنع جاب الحبل ..

ناصر تكفى هون ترى البير هذا من جد يخوف .. طيب خلنـا نجيب الشبــاب على الأقل يساعدونا ..
لا خالد خلنا حنا نفاجئهم .. باللي لقيناه ..

اربط الحبل في " الواير " شف هذا الزر ينزلني وهذا يرفعني ..

زين .. ناصر تكفى خلك سريع ولا تبطي داخل ..

ماعليك بس اشوف واطلع ..

لفيت الحبل على خصري .. وشديته

يالله خالد نزلني .. بشـويش .. واذا قلت لك طلعني بسرعة اضغط اللي يطلعني ..

اوكي نويصر ..

نزلت بشويش .. وكان آخر شي اشوفه قبل ماادخل البير عيون خالد .. وهو مرتبك وخايف علي

والحبل كل ماله يشد على خصري كل ماثقل جسمــي .. بديت انزل .. داخل البير وكل ماقربت من يشد

الظلام واللمعه اللي داخل تخفت .. وكل ماقربت منها تخفت اكثر وأكثر ..

فجـــــأة ..

ظلمت الدنيــا ولا قمت اشوف .. اطالع لفتحة البير مااشوف شي .. ارتبكت وقمت اصرخ

خاااااااااااااااالد الحقني ..

ارفع الحبل اررررررفعه انا انعميت .. عيوني .. مااشوف ياخالد ارفعني

بدى الحبل يلعب فيني .. مره يصدم جسمي بحائط البير والمره الثانيه يصدم بالجهه الثانيه .. وكأن فيه احد

يلعب فيني .. مااحس لا بألم الضربه مره براسي ومره بجنبي .. ومره بيديني

خالد ارفعني ياخالد بطيح .. بمووووووت ياخاااااااااااااااااالد

فلت الحبل من خصري بقوه .. وانا اصرررررخ وكانت اخر كلماااااااااااتي .. واللي كنت اتوقعها آخر كلماتي بالدنيا ..

الحقنييييييييي ياخااااااااااااااااااااااااااااااااااااااااااااااا اااااااااااااااااااااااااااااااااااااالد ..

بأنتظار الجــزء الثــاني .. لهــذه القصــه .. آسف على الأطــاله ..

مجنــــــون

الريم · 26-12-2004, 11:52 PM

ياناااااااااااااااصر

كمل القصه سرعه وتكفى مانبي تطليع روح لما تجزءها ،، قفل الجزء على جزء بارد مافيه تشويق هههههههههههه

عموماً قصه حلوه ووالله شوقتني لباقيها حيييييييل

يالله تشااااااو

بنت النور · 27-12-2004, 02:50 AM

حسيبي على شرك يامجنووووووون

تبي ترفع ضغطنا باجزااااااء بعد

بسرعه تكفى لاتطوووووول

ووووووووووووش صار علىىىىىى ناااااااااااااااااااااصر ياااخاااااااااااااااالد

ياااااااااااربيه

تحياتي

Bandar · 27-12-2004, 09:30 AM

السلام عليكم

حياك الله اخوي مجنون

ويعطيك الف عافيه على ها القصه وبنتظار الجزء الثاني

تقبل تحياتي

مجنــــــــون · 27-12-2004, 07:19 PM

اقتباس

الكاتب : الريم


	ياناااااااااااااااصر كمل القصه سرعه وتكفى مانبي تطليع روح لما تجزءها ،، قفل الجزء على جزء بارد مافيه تشويق هههههههههههه عموماً قصه حلوه ووالله شوقتني لباقيها حيييييييل يالله تشااااااو

الـــريم ..

الف شكــر على المــرور ..

ومتــابعة هذه القصه وقرأتها .. مع أنها طويله نسبيــاً ..

وأن شاء الله قريباً سيطرح الجزء الثــاني ولكن بعد تمحيــص شديد .. لأنها اول قصه لي وأتمنى أن اخرج عن الأخطــاء

تحيـــــاتي وتقــديري لك ..

مجنــــــــــون

مجنــــــــون · 27-12-2004, 07:26 PM

اقتباس

الكاتب : بنت النور


	حسيبي على شرك يامجنووووووون تبي ترفع ضغطنا باجزااااااء بعد بسرعه تكفى لاتطوووووول ووووووووووووش صار علىىىىىى ناااااااااااااااااااااصر ياااخاااااااااااااااالد ياااااااااااربيه تحياتي

بنت النــور ..

الف شكرعلى المرور والرد ..

وأن شاء الله قريباً .. راح تشوفين الجزءالثاني ..

تحيــــــــاتي لك ..

مجنـــــــــــــون

مجنــــــــون · 27-12-2004, 07:35 PM

اقتباس

الكاتب : واحد حلو


	السلام عليكم حياك الله اخوي مجنون ويعطيك الف عافيه على ها القصه وبنتظار الجزء الثاني تقبل تحياتي

واحـــد حلـــو

وعليــكم السلام

الله يبقيـــك ويعــافيك اخوي .. والف شكرعلى مرورك

وقريباً سترون الجزءالثاني من هذه القصه ..

مجنـــــــــون

المجهول · 27-12-2004, 09:33 PM

والله يطلع منك يالمهبول<<<< عشان الأسم طبعا!!

والله انا ودي اشوف وش صارله في البير!!!

بدق على جوالك واقولك كملها لي<<< قروي!!!

تقبل تحياتي...

مجنــــــــون · 27-12-2004, 09:51 PM

اقتباس

الكاتب : المجهول


	والله يطلع منك يالمهبول<<<< عشان الأسم طبعا!! والله انا ودي اشوف وش صارله في البير!!! بدق على جوالك واقولك كملها لي<<< قروي!!! تقبل تحياتي...

8
8
8

الله يرجك هههههههههههههه

لا لا تدق قفلت جوالي عشان ماتتدق ابد ..

<<<< صدق المخفه

الله يعطيك العافيه

والف شكر على المرور

مجنـــــــــون

بنت النور · 28-12-2004, 02:51 AM

8
8
8

طيب ياخي يالله نبي الجزء الثاني

عااااااااد

ولا عليك امر

تحياتي

مواضيع ذات صلة
الموضوع	الكاتب	المجلس	المشاركات	المشاركة الأخيرة
رابطة زعيم آسيا نادي الهلال السعودي	هلالي ودمي ازرق	عالم الرياضة	1689

أحاسيس ماطرة

للخواطر والقصة القصيرة

رحــــــلة العمــــر ... " بقلم مجنــون " .. ( الجزء الأول )

~§¦¦•• دفـــــــ الليـل ــــــــاتر ••¦¦§~

البارحه

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق