.\| زيارتي لمهرجان الجنادرية " مصور" |/.

ضمى الروح · #1

مساء الخير ..

اليوم جايتكم ومعاي موضوع .. اكيد رح تطلعون معاي ..من خلاله ..

رحلتي الى الجنادريه ..

طلعت الساعه 11 صباحا .. ويااااااه طول المشوار .. على قولة اللي مودينا انها 45كلم عن بيتنا ..

والله سفر ..بس صراحه طلعه خطييييييره .

اول ما جينا انا وشلتي .. كان شبه مليان يعني مب مرره ..

دخلنا لبيت القصيم اول شي .. احلى شي فيه الرقص صراحه ..

جايبين طقاقات قصيميات بس وش صوووت .. تخلي العنود وصيته على جنب .. سالتهن عندكم اشرطه قهر قالن لا ..ولا سمعتوا صوتهن ..

ولقطت لكم كم صوره

هذي كوايه قديمه ..احلى صوره .. ذكرتني بسالي يوم تكوي عند الانسه منشن ..

وهذا مغزل ..

وهذا الصاع ..

وهذا الة القهوه ..

وهذا نجر (هاوون)

وحبيت هذا الشكل ..

ولقيت معرض مررره مصغر للفن التشكيلي لمنطقة القصيم

لوحه بريشه احد فنانين المنطقه ..

وبعدها طلعت لبيت المدينه ..طبعا في الاروقه ..لابد من وجود هالمناظر ..

بسطه جلابيات ..

ولاتهون القبعات شي مميز بزائرات المهرجان..

اول مادخلنا البيت المدينه ياااه مررره زحمه ..

وش تتوقعون .. لانها المنطقه الوحيده اللي عندها الاكل ..

مثل محل الكبابجي .. واليغمش.. والمنتو..والسمبوسه بالجبنه .. والجبنيه .. والعطار ..كثيره المحلات .. كانكم داخلين حاااره .. وعجبني حركه شفتها ..

وهي طريقة الصلاة .. يجي المؤذن في نص السوق .. ويأذن ويجتمعون اصحاب المحلات ويصلون ..

لانه وافقت صلاة الظهر ..

وهذي صوره من محل النحاسيات ..

بعدها طلعت ورحت للقريه الشعبيه ..هذي عاد مليااانه صناااع ..

وهذا مثال للحداد

يمديكم على اللوحات ..ماعمري شفتها ابد..

وهذا منحوتات منطقة الجوف

عاد الطيارن والطبول والمراويس ..بشكل كبييير منتشره حتى البساطات يبيعنه..

والعالم بس طقطقه بهالطيران خخخخ ..

وهذا محل الفضيات ..

والدلال

هذي الصوره خذيتها بس علشان الكميرا اللي يقول صاحبها اثريه ..

وبعدها لقيت خيمه فيها حريم ..يغزلن ويسدن ويطحنن بالرحى ..وبعد ينشدن .. الله يازين القصايد اللي يقولنها .. بس لا تسالوني وش يقولن .. لاني مافهمت ولا كلمه ..خخخخخ

وبعدها لقيت معرض للاميره نوف معرض برعايتها ..فيه اشياء حلوه بس ماهي

تراثيه .. واسعارها ما هي واقعيه ابداً ..هذي بس بـ600 ريال..

ولقيت مهفه صديقتي موصيتني اشتري لها وحده صوتها لكم..

وخلت لوزاره الاعلام .. لقيت شي خطييييييير .. اول مايكرفون استخدم في اذاعه الرياض عام 1365

وموجود بعد لدول الخليج .. عجبني البحريني ..بو خلف حاط لقهوته دعايه .. هههههههههههههه

وهذي اللوحه .. مكتوب فيها .. بو خلف قبل اكل البليله .. والثانيه بو خلف بعد اكل البليله .. مستااانس ههه

وهذا بوخلف يسوي القهوه والشاي

والجو كان حلو .. مشمس بس بارد الجو .. واغلب الزائرات ..بنات الجامعات والمدارس .. بعد الساعه 2 بدت الجنادريه تزدحم ..مرره ..وناااسه .. تسولف مع العالم مب شرط تعرفهم .. بس مجرد اننا نسولف ..وبهذا انتهى مهرجان الجنادريه اليوم بتاريخ 11 صفر ..

ودي انقل لكم الجو كله بالصوت بس ان شاء الله الرحله الصوريه

اعجبتكم ..

ويالله عقبال ما اسافر لايطاليا وانقلكم كل كل كل شي عنها .. ^_^

دمتم بود ..

.