صيفية ( الغـــ07ـــامدي ) إلى مدينة الضباب ][ لنـــدن ][ .. ( الجزء الأول )

حسام الغامدي · #1

بسم الله الرحمن الرحيم

السلام عليكم و رحمة الله تعالى و بركاته

مساكم الله بالنور و السرور .

راحت العطله الصيفيه بخيرها و شرها ، حلوها و مرها .

و لكن ، تبقى ذكريات رائعه ترسمها العطله على أفواه كل صغير و كبير .

كانت رحلتي في هذه العطله الصيفيه الطيبه ، إلى المملكة المتحده البريطانيه ، إلى مدينة الضباب [ لندن ] .

كانت رحله أكثر من رائعه و انبسطت فيها كثير و الحمد لله .

أبطال الرحله هم:
( أبو عزوز ، أبو خالد ، أبو رغد ، أبو سعد ، الغـــ07ـــامدي ، أبو حسن ، Gazooly و أبو طارق )

و طبعا ً كلنا شباب ولا يغركم سيرة [ أبو ] ، هذي بس تمويه و تغطيه على الاسم الحقيقي و صحيح أول ثلاث أشخاص خرجوا من نطاق العزوبيه

كانت الرحله مليئه بالمغامرات الشيقه و المواقف الطريفه .

بدأ التخطيط للرحله بعد انتهاء الإختبارات النهائيه و ازداد التخطيط إلى تحديد موعد للسفر .

تمت الحجوزات و تم شراء الحاجيات المناسبه من جده إستعدادا ً للسفريه .

قبل السفر بليله ، اتفقنا على أن يكون العشاء من [ البيك ] الله يخليه لنا خخخخخ ، و ذلك لسبب طول الفتره التي ستبعدنا عن المسحب و البروست الحراق و منه إلى صلصة الكوكتيل اللي تآكل أصابعك وراها !

تعشينا و خلصنا و الحمد لله و بعدها قام كل واحد على غرفته لتجهيز الحقائب .

في صباح اليوم التالي ، يوم الأربعاء ، تجهزنا تماما ً إستعدادا ً للخروج إلى مطار الملك عبد العزيز الدولي .

تحركنا من البيت الساعه 10:30 صباحا ً و وصلنا المطار و دخلنا صالة الانتظار إستعداد ً لصعود الطائره .

تم الإعلان عن الرحله على متن الخطوط الجويه العربيه السعودية و أخذنا عفشنا و توكلنا على الله .

صعدنا الطائره مع الزحمه هذيك اللي ما تدري وين تحط رجلك - و أنتم بكرامه - !!

توجهنا لمقاعدنا و تناولنا بعض المشروبات و المرطبات من ملاحي الطائره .

تأخرت الرحله بسبب عطل فني ( كالعاده ) و كان المفروض إقلاعنا يكون في تمام الساعه الـ 1:00 ظهرا ً و لكن بعد إصلاح هذا العطل أقلعت الطائره في تمام الساعه الـ 2:00 ظهرا ً !

6 ساعات عالجو ، قمنا خلالها بالصلاه و الحمد لله و النوم الزايد مع قرف المقاعد و الأكل الخفيف ( ساندويتش تونه بارده و جبنه مجمده ) و قمنا بمشاهدة بعض الأفلام ، منها: فيلم The Day After Tomorrow

وصلنا بحمد الله في تمام الساعة الــ 5 مساءا ً بتوقيت غرينتش ، الــ 7 مساءا ً بتوقيت مكة المكرمه .

أخذنا عفشنا و توجهنا للباص اللي كان ينتظر وصولنا بالسلامه .

ركبنا الباص و افتتحت [ لندن ] بأول صوره و هي عباره عن خط خاص لسيارات الأجره :

و هذا عفش الحشد الكريم << المنتخب السعودي على غفله خخخخخ :

تمت عملية الركوب إلى الباص و تم وضع الحقائب في مكانها المخصص لها و تحركنا بعدها متجهين إلى الفندق .

و إحنا في طريقنا ، مر من جنبنا واحد معه شاحنة 18 ويلير و شكله يجاكر و الله أعلم! :

و أخيرا ً و بحمد الله ، وصلنا إلى الفندق الذي تم الحجز فيه مسبقا ً ( ماريوت ) :

بعدها ، دخلنا الفندق و انتظرنا الانتهاء من الإجراءات اللازم عملها ، انتهى أبو هشام - الوالد طول الله في عمره - من الإجراءات و استلم كل فرد بطاقه خاصه لغرفته .

كانت التقسيمه كالتالي:

أبو عزوز ، أبو خالد و أبو رغد ( هذولي الله يستر عليهم ) .
أبو سعد في غرفه لوحده .
الغـــ07ـــامدي و أبو حسن في غرفه وحده .
Gazooly و أبو طارق في غرفه وحده .

و توجه كل فرد و ثنائي إلى غرفهم المتفق عليها من قبل .

يـــتـــبـــع

حسام الغامدي · 19-09-2004, 07:03 AM

طلعنا أنا و أبو حسن للدور الخامس و معنا عفشنا متجهين لغرفتنا الموقره :

و أخيرا ً ، وصلنا لغرفتنا في الدور الخامس و كان رقم الغرفه ( 501 ) :

دخلنا الغرفه و انصدمنا صدمه قويه جدا ً ، و السبب ان الغرفه كان فيها سرير ( متزوجين ) :

طلينا في بعض و ضحكنا ضحك ، قلت له: و الله حتى المتزوجين ما بيرتاحون في ذا السرير !!

سكتنا بعدها و طلع الشرار من عيوننا ، قال لي أبو حسن: امش ننزل نتصرف .

نزلنا الاستقبال و تفاهمنا معهم و قالوا لنا بكل برود: ما عندنا غرف لشخصين ، مشوا حالكم ليله فيها و بكرا ندبر لكم غرفه فيها سريرين ( كوين سايز ) << يعني سرير و نص + سرير و نص ( فللللللله من جد ) .

بعدها رحنا جلسنا مع الوالد و تكلمنا عن الغرفه و وصلت معاه من الفندق هذا و نزل لهم .

يوم نزل ، قعدنا شوي طفشانين و رحت جبت الكميرا و صورت الشارع المطل من غرفة الوالد :

بعدها ، بدأ غروب الشمس في لندن و دخل وقت النوم عندهم و الدجه في ........ :

طولت الجلسه مع الوالد و احلوت بعد السواليف مع التمر و القهوه و صورت الشارع مره ثانيه بس كانت الساعه 8:00 مساءا ً :

بعد ما خلصنا و صلينا ، اتجه كل منا إلى غرفته للنوم و أنا و أبو حسن جلسنا في حيره كبيره و تفكير عميق و سؤال كبير جدا ً لا إجابة له ، كيف ننام ؟

سوينا قرعه على من اللي حينام فوق السرير و مين اللي حينام عالأرض ، و كسبت السرير و رضي أبو حسن بالأرض .

دخل أبو حسن عالم النوم و جلست أنا أفكر بهموم الدنيا << ألا بذكر الله تطمئن القلوب .

حاولت أنسى موقف حصل لي قبل السفر و ما قدرت ، بعدها مسكت الريموت و شغلت التلفزيون ، أدور شي يستاهل الفرجه و الشوفه .

يـــتـــبـــع

حسام الغامدي · 19-09-2004, 07:06 AM

و أنا أقلب في ذا التلفزيون ، طحت في قناه تعرض أفلام جديده ( كررررررت ) من شاشة السينما إلى شاشتك .

كان الفيلم المعروض هو ( Starsky and Hutch - ستارسكي آند هتش ) بطولة: بين ستيلر و أوين ويلسون .

تفرجت عليه مع العلم اني شايف الفيلم من زمان بجده مآخذه من هاني DVD اللي بالتحليه .

وصلت عند المشهد المضحك و بديت أصور ، المشهد هذا يتفقون فيه على انهم يجون مسرعين بسيارتهم و ينقزون من المرسى إلى وسط السفينه اللي يطاردون فيها مهرب المخدرات .

و هذي صورة الاتفاقيه :

بعدها دعسوا دعس مو صاحي ، و نقزت السياره زياده عن اللزوم و النتيجه كانت :

هههههههههههههه في وسط البحر !!

تونست و انبسطت بعد الفيلم و انتهى و هذي النهايه الراااااايقه ( انتظر تحميل الصوره لأنها متحركه ) :

في تمام الساعة الــ 12:11 دقيقه بتوقيت لندن بعد منتصف الليل ، جاني النوم و طفيت و انتهيت :

نمت بعد ما صورت السياره و الحمد لله أخذت راحتي بالنوم و أبو حسن شكله ظهر انعدم من الأرضيه هههههه .

اليوم الأول

في اليوم الأول لنا في لندن ، و كان يوم الخميس ، صبحنا بكل خير و الحمد لله و ما كان فيه أي تخطيط لهذا اليوم .

قررنا الذهاب إلى الحديقه ( الهايد بارك ) و نجلس فيها إلى العصريه .

تحركنا أنا و أبو سعد و أبو حسن على الحديقه المذكوره أعلاه .

وصلنا الحديقه و دفعنا للشخص المسؤول عن المقاعد و جلسنا من بعد الظهر إلى قبيل دخول المغرب .

و هذي ( 3 صور لحديقة الــ Hide Park ) :

بعدها ، حركنا من الحديقه إلى الفندق و رجولنا مكسره من المشي المتعب هذا !

يـــتـــبـــع

حسام الغامدي · 19-09-2004, 07:07 AM

في طريق العوده ، هذي صوره أخذتها للشارع اللي فيه العماره اللي انتحرت منها الممثله [ سعاد حسني ] - الله يرحمها - :

وصلنا الفندق بحمد الله و تعشينا عشا خفافي جدا ً ( الله يذكرك بالخير يالبيك ) ، هذا عشانا :

بعدها ، طلعنا لأقرب محل جوالات و اشترينا شرائح Vodafone ( مماثله لسوا ) :

بعد ما رجعنا للفندق ، وصلنا خبر وجود غرفه فيها سريرين تم تجهيزها لنا خصيصا ً !!

و قتها استغربت بأنهم ما نسونا مو زي اللي ........ ( الله يستر عليهم ) !

نزلنا للاستقبال و استلمنا البطاقات للغرفه الكبيره و الواسعه و كانت في الدور الرابع .

اتجهنا للغرفه أنا و أبو حسن و هذا رقمنا الجديد ( 429 ) :

يوم فتحنا الغرفه ، أشوف أبو حسن يركض ركض مو صاحي و ينقز فوق سريره ( جأ على بالي انه يستعد لألومبياد أثينا 2004 ) !!

هذا هو منظر الغرفه الجديده :

بعدها ، كل واحد نام في فراشه و كل واحد صلح سيارته و مشي أول يوم على خير .

يـــتـــبـــع

حسام الغامدي · 19-09-2004, 07:09 AM

اليوم الثاني

بدأ عيد المسلمين بكل خير و سلام و تجهز كل منا للذهاب إلى الجامع لحضور الخطبه و أداء صلاة الجمعه مع الجماعه .

حركنا من الفندق مع الوالد - طول الله في عمره - و مشينا إلى الجامع .

يوم قربنا للجامع ، لفت نظري معرض جنب الجامع أو نقول المسجد فيه سيارة مرسيدس كوبيه ما أعرف نوعها و الله :

بعدها ، عبرنا الشارع و دخلنا المسجد و جلسنا نسمع الخطبه و كان عنوانها ( الشباب بين زواج الحلال و زنا الحرام ) ، بصراحه أعجبتني كثير الخطبه و فيها الكثير من الفوائد و العبر .

بعد انتهاء الخطبه باللغه الإنجليزيه بدأ الخطيب يخطب باللغه العربيه و فهمت أكثر و الحمد لله .

قضيت الصلاه و انتشروا الناس في أرجاء الأرض و كل شخص راح في طريقه .

يوم شفت المسجد بدأ يخف من الزحام صورت هالصوره :

يوم خرجنا ، حسينا بأن واحد مننا مفقود !!

( يا شباب ، وين راح أبو خالد ؟ )

و هاتك تدوير و بلاغات و يا عمليات يا عمليات ، دورنا عليه إلين ما كره كل واحد نفسه و ما فيه أمل ، قلنا: أكبر احتمال رجع الفندق شكله تعب !!

بعدها ، رحنا جماعه للحديقه المجاوره للمسجد و هي ( الريجينت بارك ) :

دخلنا الحديقه و قعدنا فيها شويتين و ثلاث شويات و بصراحه كانت ملغمه عرب !؟

( الله يذكرك بالخير يا أيام الطفوله

) :

بعد ما صحيت من فغارتي حقت أيام الطفوله ، اقترح أبو سعد اننا نروح نشوف لنا أرض سنعا و نلعب كوره :

قلت له: قداااااااام و يا ليتني ما قلتها !!
1- ما أحب الكوره . 2- ما أعرف ألعبها . 3- ما فيني شده ألعب أصلا ً !

بعد القداااااااام ، قعدت أمشي على بيض عشان ما يعدوني معهم في التقسيمه و صورت لكم هذي الصور :

يـــتـــبـــع

حسام الغامدي · 19-09-2004, 07:11 AM

بعد ما وصلت للشباب ، حصلتهم ما لعبوا و قررنا نروح نفطر لنا أي شي ولو بلة ريق !!

خرجنا من الحديقه متوجهين للأوكسفورد ستيرت ( Oxford Street ) عشان ندور لنا مكان نفطر فيه :

وصلنا عند مقهى ( بـــPretـــريت منجي ) الفرنسي الأصل و أفطرنا فيه :

بعدها خرجنا نتمشى في شارع الأوكسفورد و وقفنا عند محل جوالات عشان أبو عزوز ناوي يشتري شريحه .

قعدنا نسولف برا المحل أنا و أبو سعد و Gazooly عن وقت مباراة ( آرسنل ضد مانشستر يونايتد ) زي ( الأهلي و الإتي ) عندنا !

دورت شي أصوره و ما لقيت غير هذا ، ( وين عنب الطايف عنهم !! ) :

بعد كذا حركنا من المحل و وصلنا اتصال من الوالد بأنه حيقابلنا في أحد الأماكن .

يـــتـــبـــع

حسام الغامدي · 19-09-2004, 07:12 AM

قابلنا الوالد عند مركز تجاري اسمه ( ديبن هامز ) و قال لنا: ما تعرفون محل يبيع شاهي أخضر ؟

قلنا له: امش ويانا ! ، جأ معنا و وصلناه مبتغاه :

في طريق العوده من نفس اتجاه الذهاب ، بجانب الجامع ، حبيت أصور دوار أعجبني و شغلت الكميرا و انتظرت مرور السيارات كلها عشان يظهر لي الدوار لوحده !

عدت السيارات و ضغطت زر التصوير بس جت الصوره متأخره و لو تلاحظون راعي الفياقرا اللي هناك جأ بيخش الدوار و لكن سبقه راعي الــ X-5 اللي دخل الدوار قبله و خربت الصوره :

قلت بسيطه ، أصورها من جديد ، انتظرت مرور السيارات من جديد و ضغطت زر اللقط ، و طلع لي هذا - الله يآخذه - :

بعدها عصبت و قلت: طز في الدوار عساني لا صورته !! و مشيت ألحق المجموعه .

و أنا ماشي مطرطع بسبب الدوار ، قلت خليني أصور أي سيارتين أشوفها لأن الميموري ما بقي فيه غير صورتين .

و كان الحظ على هذي السيارتين :

بورش بوكستر كحليه + ميني كوبر فضيه

و بعدها وصلنا الفندق و تعشينا و كبرنا المخده و انتهى يوم الجمعه بكل خير و سلام .

و إلى هنا نصل لنهاية ~ الجزء الأول ~ من رحلتي إلى مدينة الضباب [ لندن ] .

انتظرونا في ~ الجزء الثاني ~ بإذن الله مع قصص جديده .

أتمنى عجبكم موضوعي أحبتي الكرام من ( أعضاء و زوار ) و كلي أمل ٌ بأن نال رضاكم و استحسانكم .

أخوكم و محبكم/ حسام بن سعد الغامدي

مذهله · 19-09-2004, 07:48 AM

يا كثرك تعبت من المطامر فوق السطور

متشنكرين على الاسلوب الروعه والصور الروعه والمواقف الروعه والموضوع الروعه في المدينه الروعه

ننتظر ولادة الجزء الثاني وانضمامه لخويه الجزء الاول

لكن المره الثانيه نبي هارفي نيكولز ولا ساكس فيفث افنيو بوب دبنهامز

معا الى الابد ~ توقذر فور ايفر

~ د.رهف وريوف دوت كم ~

المهــــره · 19-09-2004, 08:00 AM

ذكرتني بالوالد الله يذكرك بالخير يالغالي

واحلى مكان عجبني هذا

أحب هل الخرابيط

عن جد يالغالي رحله مرره جنان بالمكان الجنان

واهم شي تكون مبسوووط وبالتوفيق

وماشاءالله عليك من ناحية التصوير

شيي

شاكرين لك وننتظر الجزء الثاني يالغالي

تحيه ازفها لك

معانق الليل · 19-09-2004, 08:34 AM

^
^
^

موجود عمك وانا عمك

لا تعبت يا أخونا الغامدي وماشاء الله مابقي شئ وماكتبته لنا عن هذه السفره ..

وياليتك تخاوينى للبر كم يوم شكلنا بنطلع كتاب عن هالرحله

والمره الجايه لا تنسي انك تاخذ معاكم قرقره قصدي مذهله

19-09-2004, 07:03 AM	#2
حسام الغامدي ملك العدسة	رد : صيفية ( الغـــ07ـــامدي ) إلى مدينة الضباب ][ لنـــدن ][ .. ( الجزء الأول ) طلعنا أنا و أبو حسن للدور الخامس و معنا عفشنا متجهين لغرفتنا الموقره : و أخيرا ً ، وصلنا لغرفتنا في الدور الخامس و كان رقم الغرفه ( 501 ) : دخلنا الغرفه و انصدمنا صدمه قويه جدا ً ، و السبب ان الغرفه كان فيها سرير ( متزوجين ) : طلينا في بعض و ضحكنا ضحك ، قلت له: و الله حتى المتزوجين ما بيرتاحون في ذا السرير !! سكتنا بعدها و طلع الشرار من عيوننا ، قال لي أبو حسن: امش ننزل نتصرف . نزلنا الاستقبال و تفاهمنا معهم و قالوا لنا بكل برود: ما عندنا غرف لشخصين ، مشوا حالكم ليله فيها و بكرا ندبر لكم غرفه فيها سريرين ( كوين سايز ) << يعني سرير و نص + سرير و نص ( فللللللله من جد ) . بعدها رحنا جلسنا مع الوالد و تكلمنا عن الغرفه و وصلت معاه من الفندق هذا و نزل لهم . يوم نزل ، قعدنا شوي طفشانين و رحت جبت الكميرا و صورت الشارع المطل من غرفة الوالد : بعدها ، بدأ غروب الشمس في لندن و دخل وقت النوم عندهم و الدجه في ........ : طولت الجلسه مع الوالد و احلوت بعد السواليف مع التمر و القهوه و صورت الشارع مره ثانيه بس كانت الساعه 8:00 مساءا ً : بعد ما خلصنا و صلينا ، اتجه كل منا إلى غرفته للنوم و أنا و أبو حسن جلسنا في حيره كبيره و تفكير عميق و سؤال كبير جدا ً لا إجابة له ، كيف ننام ؟ سوينا قرعه على من اللي حينام فوق السرير و مين اللي حينام عالأرض ، و كسبت السرير و رضي أبو حسن بالأرض . دخل أبو حسن عالم النوم و جلست أنا أفكر بهموم الدنيا << ألا بذكر الله تطمئن القلوب . حاولت أنسى موقف حصل لي قبل السفر و ما قدرت ، بعدها مسكت الريموت و شغلت التلفزيون ، أدور شي يستاهل الفرجه و الشوفه . يـــتـــبـــع

19-09-2004, 07:06 AM	#3
حسام الغامدي ملك العدسة	رد : صيفية ( الغـــ07ـــامدي ) إلى مدينة الضباب ][ لنـــدن ][ .. ( الجزء الأول ) و أنا أقلب في ذا التلفزيون ، طحت في قناه تعرض أفلام جديده ( كررررررت ) من شاشة السينما إلى شاشتك . كان الفيلم المعروض هو ( Starsky and Hutch - ستارسكي آند هتش ) بطولة: بين ستيلر و أوين ويلسون . تفرجت عليه مع العلم اني شايف الفيلم من زمان بجده مآخذه من هاني DVD اللي بالتحليه . وصلت عند المشهد المضحك و بديت أصور ، المشهد هذا يتفقون فيه على انهم يجون مسرعين بسيارتهم و ينقزون من المرسى إلى وسط السفينه اللي يطاردون فيها مهرب المخدرات . و هذي صورة الاتفاقيه : بعدها دعسوا دعس مو صاحي ، و نقزت السياره زياده عن اللزوم و النتيجه كانت : هههههههههههههه في وسط البحر !! تونست و انبسطت بعد الفيلم و انتهى و هذي النهايه الراااااايقه ( انتظر تحميل الصوره لأنها متحركه ) : في تمام الساعة الــ 12:11 دقيقه بتوقيت لندن بعد منتصف الليل ، جاني النوم و طفيت و انتهيت : نمت بعد ما صورت السياره و الحمد لله أخذت راحتي بالنوم و أبو حسن شكله ظهر انعدم من الأرضيه هههههه . اليوم الأول في اليوم الأول لنا في لندن ، و كان يوم الخميس ، صبحنا بكل خير و الحمد لله و ما كان فيه أي تخطيط لهذا اليوم . قررنا الذهاب إلى الحديقه ( الهايد بارك ) و نجلس فيها إلى العصريه . تحركنا أنا و أبو سعد و أبو حسن على الحديقه المذكوره أعلاه . وصلنا الحديقه و دفعنا للشخص المسؤول عن المقاعد و جلسنا من بعد الظهر إلى قبيل دخول المغرب . و هذي ( 3 صور لحديقة الــ Hide Park ) : بعدها ، حركنا من الحديقه إلى الفندق و رجولنا مكسره من المشي المتعب هذا ! يـــتـــبـــع

19-09-2004, 07:07 AM	#4
حسام الغامدي ملك العدسة	رد : صيفية ( الغـــ07ـــامدي ) إلى مدينة الضباب ][ لنـــدن ][ .. ( الجزء الأول ) في طريق العوده ، هذي صوره أخذتها للشارع اللي فيه العماره اللي انتحرت منها الممثله [ سعاد حسني ] - الله يرحمها - : وصلنا الفندق بحمد الله و تعشينا عشا خفافي جدا ً ( الله يذكرك بالخير يالبيك ) ، هذا عشانا : بعدها ، طلعنا لأقرب محل جوالات و اشترينا شرائح Vodafone ( مماثله لسوا ) : بعد ما رجعنا للفندق ، وصلنا خبر وجود غرفه فيها سريرين تم تجهيزها لنا خصيصا ً !! و قتها استغربت بأنهم ما نسونا مو زي اللي ........ ( الله يستر عليهم ) ! نزلنا للاستقبال و استلمنا البطاقات للغرفه الكبيره و الواسعه و كانت في الدور الرابع . اتجهنا للغرفه أنا و أبو حسن و هذا رقمنا الجديد ( 429 ) : يوم فتحنا الغرفه ، أشوف أبو حسن يركض ركض مو صاحي و ينقز فوق سريره ( جأ على بالي انه يستعد لألومبياد أثينا 2004 ) !! هذا هو منظر الغرفه الجديده : بعدها ، كل واحد نام في فراشه و كل واحد صلح سيارته و مشي أول يوم على خير . يـــتـــبـــع

19-09-2004, 07:09 AM	#5
حسام الغامدي ملك العدسة	رد : صيفية ( الغـــ07ـــامدي ) إلى مدينة الضباب ][ لنـــدن ][ .. ( الجزء الأول ) اليوم الثاني بدأ عيد المسلمين بكل خير و سلام و تجهز كل منا للذهاب إلى الجامع لحضور الخطبه و أداء صلاة الجمعه مع الجماعه . حركنا من الفندق مع الوالد - طول الله في عمره - و مشينا إلى الجامع . يوم قربنا للجامع ، لفت نظري معرض جنب الجامع أو نقول المسجد فيه سيارة مرسيدس كوبيه ما أعرف نوعها و الله : بعدها ، عبرنا الشارع و دخلنا المسجد و جلسنا نسمع الخطبه و كان عنوانها ( الشباب بين زواج الحلال و زنا الحرام ) ، بصراحه أعجبتني كثير الخطبه و فيها الكثير من الفوائد و العبر . بعد انتهاء الخطبه باللغه الإنجليزيه بدأ الخطيب يخطب باللغه العربيه و فهمت أكثر و الحمد لله . قضيت الصلاه و انتشروا الناس في أرجاء الأرض و كل شخص راح في طريقه . يوم شفت المسجد بدأ يخف من الزحام صورت هالصوره : يوم خرجنا ، حسينا بأن واحد مننا مفقود !! ( يا شباب ، وين راح أبو خالد ؟ ) و هاتك تدوير و بلاغات و يا عمليات يا عمليات ، دورنا عليه إلين ما كره كل واحد نفسه و ما فيه أمل ، قلنا: أكبر احتمال رجع الفندق شكله تعب !! بعدها ، رحنا جماعه للحديقه المجاوره للمسجد و هي ( الريجينت بارك ) : دخلنا الحديقه و قعدنا فيها شويتين و ثلاث شويات و بصراحه كانت ملغمه عرب !؟ ( الله يذكرك بالخير يا أيام الطفوله ) : بعد ما صحيت من فغارتي حقت أيام الطفوله ، اقترح أبو سعد اننا نروح نشوف لنا أرض سنعا و نلعب كوره : قلت له: قداااااااام و يا ليتني ما قلتها !! 1- ما أحب الكوره . 2- ما أعرف ألعبها . 3- ما فيني شده ألعب أصلا ً ! بعد القداااااااام ، قعدت أمشي على بيض عشان ما يعدوني معهم في التقسيمه و صورت لكم هذي الصور : يـــتـــبـــع

19-09-2004, 07:11 AM	#6
حسام الغامدي ملك العدسة	رد : صيفية ( الغـــ07ـــامدي ) إلى مدينة الضباب ][ لنـــدن ][ .. ( الجزء الأول ) بعد ما وصلت للشباب ، حصلتهم ما لعبوا و قررنا نروح نفطر لنا أي شي ولو بلة ريق !! خرجنا من الحديقه متوجهين للأوكسفورد ستيرت ( Oxford Street ) عشان ندور لنا مكان نفطر فيه : وصلنا عند مقهى ( بـــPretـــريت منجي ) الفرنسي الأصل و أفطرنا فيه : بعدها خرجنا نتمشى في شارع الأوكسفورد و وقفنا عند محل جوالات عشان أبو عزوز ناوي يشتري شريحه . قعدنا نسولف برا المحل أنا و أبو سعد و Gazooly عن وقت مباراة ( آرسنل ضد مانشستر يونايتد ) زي ( الأهلي و الإتي ) عندنا ! دورت شي أصوره و ما لقيت غير هذا ، ( وين عنب الطايف عنهم !! ) : بعد كذا حركنا من المحل و وصلنا اتصال من الوالد بأنه حيقابلنا في أحد الأماكن . يـــتـــبـــع

الرياض ا:ا المنتدى ا:ا الأخبار ا:ا الرياضة ا:ا حواء ا:ا منطقة الرياض ا:ا معرض الصور ا:ا مركز التحميل ا:ا طلب إعلان

19-09-2004, 07:12 AM	#7
حسام الغامدي ملك العدسة	رد : صيفية ( الغـــ07ـــامدي ) إلى مدينة الضباب ][ لنـــدن ][ .. ( الجزء الأول ) قابلنا الوالد عند مركز تجاري اسمه ( ديبن هامز ) و قال لنا: ما تعرفون محل يبيع شاهي أخضر ؟ قلنا له: امش ويانا ! ، جأ معنا و وصلناه مبتغاه : في طريق العوده من نفس اتجاه الذهاب ، بجانب الجامع ، حبيت أصور دوار أعجبني و شغلت الكميرا و انتظرت مرور السيارات كلها عشان يظهر لي الدوار لوحده ! عدت السيارات و ضغطت زر التصوير بس جت الصوره متأخره و لو تلاحظون راعي الفياقرا اللي هناك جأ بيخش الدوار و لكن سبقه راعي الــ X-5 اللي دخل الدوار قبله و خربت الصوره : قلت بسيطه ، أصورها من جديد ، انتظرت مرور السيارات من جديد و ضغطت زر اللقط ، و طلع لي هذا - الله يآخذه - : بعدها عصبت و قلت: طز في الدوار عساني لا صورته !! و مشيت ألحق المجموعه . و أنا ماشي مطرطع بسبب الدوار ، قلت خليني أصور أي سيارتين أشوفها لأن الميموري ما بقي فيه غير صورتين . و كان الحظ على هذي السيارتين : بورش بوكستر كحليه + ميني كوبر فضيه و بعدها وصلنا الفندق و تعشينا و كبرنا المخده و انتهى يوم الجمعه بكل خير و سلام . و إلى هنا نصل لنهاية ~ الجزء الأول ~ من رحلتي إلى مدينة الضباب [ لندن ] . انتظرونا في ~ الجزء الثاني ~ بإذن الله مع قصص جديده . أتمنى عجبكم موضوعي أحبتي الكرام من ( أعضاء و زوار ) و كلي أمل ٌ بأن نال رضاكم و استحسانكم . أخوكم و محبكم/ حسام بن سعد الغامدي

19-09-2004, 07:48 AM	#8
مذهله عضو مؤسس	صيفية ( الغـــ07ـــامدي ) إلى مدينة الضباب المذهله ][ لنـــدن ][ .. ( الجزء الأول ) يا كثرك تعبت من المطامر فوق السطور متشنكرين على الاسلوب الروعه والصور الروعه والمواقف الروعه والموضوع الروعه في المدينه الروعه ننتظر ولادة الجزء الثاني وانضمامه لخويه الجزء الاول لكن المره الثانيه نبي هارفي نيكولز ولا ساكس فيفث افنيو بوب دبنهامز معا الى الابد ~ توقذر فور ايفر ~ د.رهف وريوف دوت كم ~ قام بآخر تعديل مذهله يوم 19-09-2004 في 07:56 AM.

19-09-2004, 08:00 AM	#9
المهــــره قلم مميز	رد : صيفية ( الغـــ07ـــامدي ) إلى مدينة الضباب ][ لنـــدن ][ .. ( الجزء الأول ) ذكرتني بالوالد الله يذكرك بالخير يالغالي واحلى مكان عجبني هذا أحب هل الخرابيط عن جد يالغالي رحله مرره جنان بالمكان الجنان واهم شي تكون مبسوووط وبالتوفيق وماشاءالله عليك من ناحية التصوير شيي شاكرين لك وننتظر الجزء الثاني يالغالي تحيه ازفها لك

19-09-2004, 08:34 AM	#10
معانق الليل سلطان الرياض	رد : صيفية ( الغـــ07ـــامدي ) إلى مدينة الضباب ][ لنـــدن ][ .. ( الجزء الأول ) ^ ^ ^ موجود عمك وانا عمك لا تعبت يا أخونا الغامدي وماشاء الله مابقي شئ وماكتبته لنا عن هذه السفره .. وياليتك تخاوينى للبر كم يوم شكلنا بنطلع كتاب عن هالرحله والمره الجايه لا تنسي انك تاخذ معاكم قرقره قصدي مذهله

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق

مواضيع ذات صلة
الموضوع	الكاتب	المجلس	المشاركات	المشاركة الأخيرة
اعرف شخصيتك بأسمك	طـلالي	مجلس الصرقعة	61	27-04-2007 10:41 PM
[ دعوة ] لزيارة المتحف الوطني	قحشة مصاقيل	مجلس الرياض	10	11-03-2007 11:42 PM
((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===))	المجهول	عالم الرياضة	57	31-01-2007 10:05 AM
تغطيه للأخضر في دورة الخليج	رومنصي مشاكص	عالم الرياضة	68	27-01-2007 07:56 AM

صيفية ( الغـــ07ـــامدي ) إلى مدينة الضباب ][ لنـــدن ][ .. ( الجزء الأول )

صور و خلفيات