مجلس الرياض

خالد اليزيد · 03-04-2005, 10:14 AM

اقتباس

الكاتب : [اشكال]


	ايوالله صادق ورب الكعبه يابو خالد والله يعين اهل البديعه والله خمسين بالميه من الشوارع عندنا صارت مسار سباق لراليات قسم بالله وعندك الروضه بعد اذكرها قبل سنه لمدت ثلاث سنوات تنقهر انك تمشي فيها بسياره جديده والله جميع مناخات وفصول السنه تشوفها في شارع واحد وانت تمشي شوي إلا بقعت ماء وترطش السياره مترين إلا حفره حولها رمل وشوي خمس امتار إلا شوي بحص وتمشي شوي إلا زفلت جديد متناثر من تريله شوي تمشي إلا غبار متجمع على الاطراف واخر شي تلقاء لوحه (نأسف للازعاج) والله لاحياة لمن تنادي لكن لعل الانتخابات البلديه تسوي شي ولا تحد من هـ الامور والمشاكل الله يعطيك العافيه على هـ التغطيه كما عودتنا يابو خالد

حيالله أستاذي الغالي

أشكال

والله أنك رسم لنا واقع شوارعنا بكل أسف

تصدق والله يبي لكل واحد كتلوج على الشوارع أو الأستعانه بخبراء في كل حي تدخل له وأنت ما تعرف شوارعة

ليقوم بتفاديك من خطر الطريق التي لا يؤمن في عاصمتنا الحبيبة

ونأسف على الإزعاج

ومثل ما ذكرت أخي الغالي

عسالله ينفع بهالانتخابات ويحد من هذه الظواهر

وتقبل تحياتي

خالد اليزيد · 03-04-2005, 10:16 AM

اقتباس

الكاتب : لمني


	تعجبني والله ياخالد على التغطيه الحلوووووه خل العالم تدري ان فيه مسؤلين عندنا ......نايمين وعايشين بأحلامهم الوردية .......بلكي الفضائح تصحيهم لاهنت يالغالي اجمل تحياتي

حيالله الغالي والعزيز

لمنى

قسم بالله أن ما يحز في خاطري ليه ما يصلحون الشئ

إلا إذا صار فيه مصيبة

مثل نفق السويدي الآن يقولون أنه على مدار الساعة شغالين يوم خلص الشتاء

وإذا جاء الشتاء القادم لينه متهالك

وإدفع ولا يهمك على حساب الحكومة

وتقبل تحياتي

خالد اليزيد · 03-04-2005, 10:20 AM

اقتباس

الكاتب : مزاجي


	يارجال عندنا وعندكم خير حتى في الروضه حفريات مالها قبل ونفس اللي صار مع وايت الماء اللي صورته صار قدام بابنا ايام الامطار كان الموتر واقف قدام الباب وبعد يومين لقينا فيه زلزال على قولتك هههه صبر جميل والله المستعان

حيالله اخوي الغالي

مزاجي

وين الغيبه يا خلفهم

طيب من الي يعوضني سألت أحد المهندسين وقلت له تدفعون تعويض للمتضررين من أخطائكم

قال لم يشوف حلمت ودنه قلت وشلون

قال والله بيتعب وبيدوخ السبع دوخات ولا راح يحصل شئ

قلت له طيب وسلون يحصل على التعويض قال ماله إلا عن طريق الأمارة ويبشر بالخير

المصيبة أن ليس لك قبيل تشتكيه

وتقبل تحياتي

مذكــرات فاشــلين · 03-04-2005, 11:07 AM

الله يعطيك العافيه ابوخالد على المجهودات اللي تقوم فيها

وفعلا هذا اللي صاير ....... استهتار ومهزله من العماله ومراقبينهم

ووقت ما يوصل الخبر للمسئولين راح تشوف النتائج غير

وكثير من هالاعمال

مذكــــرات فاشــــلين

خالد اليزيد · 04-04-2005, 12:19 PM

اقتباس

الكاتب : مذكــرات فاشــلين


	الله يعطيك العافيه ابوخالد على المجهودات اللي تقوم فيها وفعلا هذا اللي صاير ....... استهتار ومهزله من العماله ومراقبينهم ووقت ما يوصل الخبر للمسئولين راح تشوف النتائج غير وكثير من هالاعمال مذكــــرات فاشــــلين

حيالله أخوي الغالي

مذكرات فاشلين

والله أنها مصيبه أننا نجلس سنين من المعانات لكي

ننتظر وصول شكوانا للمسؤلين

شئ يحز في الخاطر والله

شاكر لك مرور الكريم

وتقبل تحياتي

شنكل · 05-04-2005, 10:21 PM

الله يعطيك الععافية أخوي خالد ,,, تصدق أن بعض الحفريات صار لها سنة وزيادة والعذر أن البلدية ما وفرت( مواد )

مجنونها · 05-04-2005, 11:20 PM

ابو خالد يمكن ذي تسذبة ابريل << يسمع بها
لا الجد عاد قلة ادب
اتوقع الكلام هنا ما راح يجيب نتيجه فعليه
بس بنقعد نتحسر على حالنا
لو توصل للجرايد من جد بينفضحون واتوقع بيحاولون يعدلون الوضع
كل ما صار شي المفروض ينزل في الجرايد عشان يعرفون المسؤولين
لان الحال راح يستمر على كذا الا اذا قررنا نغيره بمراسلة الجرايد واعطائهم الصور.
وهي ان شاء الله اللي بتحل المشكله بعد الله.
شكرا لك ابو خالد والله يكون بعونكم
تحياتي للجميع

الزعيم · 05-04-2005, 11:31 PM

..
..
..

و عليكم السلام يا ابو خالد

والله ما قصرت

و اذكر يوم تحط الموضوع الأول قبل (((( سنه ))))

لنفس المشكله تقريبا

بس لا حياة لمن تنادي

الا على فكره ما تعرف سعر برميل البترول اليوم؟!؟! يقولون 58 دولار للبرميل!

يا ليل ما اطولك <<<<ملينا من الليل من طوله!

تحياتي لك يا ابو خالد على حرصك و إجتهادك

..
..
..

خالد اليزيد · 06-04-2005, 01:59 AM

اقتباس

الكاتب : شنكل


	الله يعطيك الععافية أخوي خالد ,,, تصدق أن بعض الحفريات صار لها سنة وزيادة والعذر أن البلدية ما وفرت( مواد )

الله يعافيك أخوي العزيز

شنكل

والله أنها مصيبه هذا الإهمال اللذي يحصل في عاصمتنا الحبيبة

الرياض

وخلها على ربك الشق أكبر من الرقعه

وتقبل تحياتي

خالد اليزيد · 06-04-2005, 02:04 AM

اقتباس

الكاتب : مجنونها


	ابو خالد يمكن ذي تسذبة ابريل << يسمع بها لا الجد عاد قلة ادب اتوقع الكلام هنا ما راح يجيب نتيجه فعليه بس بنقعد نتحسر على حالنا لو توصل للجرايد من جد بينفضحون واتوقع بيحاولون يعدلون الوضع كل ما صار شي المفروض ينزل في الجرايد عشان يعرفون المسؤولين لان الحال راح يستمر على كذا الا اذا قررنا نغيره بمراسلة الجرايد واعطائهم الصور. وهي ان شاء الله اللي بتحل المشكله بعد الله. شكرا لك ابو خالد والله يكون بعونكم تحياتي للجميع

حيالله أخوي العزيز على قلبي

مجنونها

والله يالغالي أن الحرية في المنتديات هي ما تجبرنا على إنزالها هنا

وإلا الجرايد أنواع التحفظ تجيب لهم أنواع الصور

ما نزل لك منها ولا صورة

وإن شاء الله الله بينفع بعملنا وأبشرك قامو يشتغلون في الحفريه

مو علشان سواد عيوننا لا علشانها قريبه من الشارع العام

مشكور يالغالي

وتقبل تحياتي

مواضيع ذات صلة
الموضوع	الكاتب	المجلس	المشاركات	المشاركة الأخيرة
<

مجلس الرياض

خاص بالمواضيع المتعلقة بمدينة الرياض

مهازل جديدة في ظهرة البديعة وسجل يا تاريخ

أكثر من 4 ملايين سكان الرياض نهاية عام 25هـ

اول مشاركه ارجو قبولى معاكم / حول وضع حى الوادى شمال الرياض

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق