مجلس الرياض

خالد اليزيد · #1

السلام عليكم

يوم الأربعاء الموافق 20/2/1426هـ يبين لنا إمتداد المهازل في ظهرة البديعة والأهمال الذي لم يجد له رادعاً

لإيقافه عند حده

في بدايات مجالس الرياض

قمت بتغطية عن أحد الطرق في ظهرة البديعة وما نعانيه من كوارث أشبه بالزلازل في شوارعها

وأنزلت موضوع

7
7

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

8
8

وفي اليوم المذكور خرجت من البيت وأشوف وايت ماء كأن وضعه مو طبيعي واقرب منه إلا كما ترون في هذه الصور

التي لا تحتاج لأي تعليق فهي تعبر لنا مدى الاهمال ومدى المتابعة

الصورة الأولى

الصورة الثانية

الصورة الثالثة والبشرى معها بوجود نبع ماء في ظهرة البديعه يعني ماعاد عندنا خوف من إنقطاع الماء

الصورة الرابعة تم تصويرها في يوم الخميس الموافق 21/2/1426هـ وماذا حصل في الأسفلت

الصورة الخامسة تبين لنا سبب الإنهيارات الأرضية ماصورة ماء منكسرة من عدة أيام ولم تصلح

مما جعل الماء يتسرب تحت الأرض وردائة الترصيف لحفرية الصرف الصحي

تسببت في الزلزال << لا أحد يقول يبالغ

والذي راح ضحية وايت ماء

وهذه صورة لحال شوارعنا في ظهرة البديعة والله أنها مدرسة أو مركز تجارب للشركات يتعلمون فيها

ويعلمون العمالة الجديدة وشلون طرق السفلته

قسم بالله أني لين شفت شوار البديعة أتذكر ثوب الفقير المرقع من كل جهة

يقولون من أمن العقاب أساء الأدب

وهذا هو الحال مع الشركات المستلمة عملية الصرف الصحي في ظهرة البديعة وحالة الطواريء في وزارة المياة

وتقبلوا تحياتي

@..الــحــالــم..@ · 01-04-2005, 05:14 PM

يعطيك العافيه أخوي خالد اليزيد

صدقت والله

من أمن العقاب ..... أساء الأدب

وأعتقد الحال ينطبق على معظم احياء الرياض

لكن الأحياء اللي فيها ناس ( هاي ) ولها معارفها في الوزارات والبلديات

يجيهم أهتمام غير شكل ...

أنا فيه مثل أعتقد أنه ينفع في مثل هالحالات

يقولون كثر الدق ...يفك اللحام

أتنمى كل مواطن يشيل على عاتقه مسئوليه ابلاغ الجهات المسئوله

ادري تبون تقولون ( لا حياة لمن تنادي ) لكن من باب أراحة الضمير

والشعور بالرضى أن الشخص ينكر هالشي ويبدي استيائه منه ...

أذكر شيبان حارتنا كانو جايبين ورقه لأبوي يبونه يكتب أسمه ويوقع معاهم

كانو يعترضون على وجود عماله سائبه ومباني مهجوره يسكنها عزاب من العمال داخل

أحياء سكنيه تكتض بالاطفال والبنات المتوجهين كل صباح الى مدارسهم

طبعاً قوبل الطلب بأكثر من عقده ... لكنهم كانو مطبقين مبداء

كثر الدق يفك اللحام

وفي الآخر ...فكينا اللحام ولله الحمد

يعطيك العافيه اخوي ابو خالد

ومشكور على التغطيه الحلوه

P r e s t i g e · 01-04-2005, 05:38 PM

أرحبوووووووووووووووووووووووو .. !!

بــو خالــد .
يطولي بعمــرك يا الغــلا ..
والله ياخــوك ماينفع معهــم ذولا ..
إلا نصــور لـناس ونوريـهـم حـال أهل البديعه وغيـرهـا من الأحيــاء ..
عندك النفق يوم صاار لهم صور وتصوير وغيرهـ ..
شفــ وش مسويــن حالتهم حاله وتضبيط وتعديلات ..
في فتــرهـ لا تقل عن شهـر او أقل من شهر ..
بس اللي طلع معي مـابــقى إلا نصــور أي شي يحدث في مثل هـذهـ الأحــيـاء ..
وعــرضـها للبــلـديــهـ وعسـى ولعلى أن يطلعوون بنتيجــهـ ..

يطولي بعمرك يا بو خالد ونورت والله بالموضوع ..

تغطيــهـ منك يا الغالي كما عودتنـا ,,
وشـاكر لك على إعطانــا من وقتك الثميــن في نشـر هـذه الحالهـ ..
لا يسعني إلا تقديم لك الشـكر ..
وجزاك الله كل خيــر ..

بنت النور · 02-04-2005, 03:36 AM

لاحول ولا قوة الا بالله

ايه اهل البديعة مهضوم حقهم بزياده

شي طبيعي لانه في الجنوب

لكن شوفو الشمال شلون

في النخيل ولا الغدير ولا المروج ولا ولا يعني احياء مركزه فيها كباريه المجتمع

البديعة من فيها ؟؟ الا مواطنيين عاديين لااكثر ولا اقل وشوله الاهتمام

ولا لو اشتكى احد عليه عادي كاي شكوى تطوى في الارشيف

وليش يهتم

يسوي اي شي المقاول او الشركه والباقي في جيبه

لاذمة ولا ضمير حسبي الله عليهم

عاطر التحايا

بنت النور

معانق الليل · 02-04-2005, 04:23 AM

ياساتررر هذى من أسباب كثررر الحفريات فى نفس الموقع ..

نسأل الله السلامه ..

خالد اليزيد · 02-04-2005, 05:43 AM

السلام عليكم

حيالله استاذي العزيز

الحالم

صدقت يالغالي كثر الدق يفك اللحام

والله المهازل كثيرة ونحن إن شاء الله في مجالس الرياض نبراسنا هو نقل الحقيقة الكاملة من موقع الحدث

لجهتها المختصة

اقتباس


	أتنمى كل مواطن يشيل على عاتقه مسئوليه ابلاغ الجهات المسئوله ادري تبون تقولون ( لا حياة لمن تنادي ) لكن من باب أراحة الضمير والشعور بالرضى أن الشخص ينكر هالشي ويبدي استيائه منه ...

هذا الكلام إلي يثلج الصدر

والساكت عن الحق شيطان أخرص

والله يالغالي ما علنا في زماننا هذا إلا كلمة وش دخلني

شاكر لك مرورك الكريم أخي العزيز

وتقبل تحياتي

خالد اليزيد · 02-04-2005, 05:47 AM

السلام عليكم

حيالله اخوي الغالي رياح الشوق

والله يالغالي إحنا نسوي إلي علينا والباقي على الله

اقتباس


	بس اللي طلع معي مـابــقى إلا نصــور أي شي يحدث في مثل هـذهـ الأحــيـاء .. وعــرضـها للبــلـديــهـ وعسـى ولعلى أن يطلعوون بنتيجــهـ ..

وهذا هو المطلوب للجم أي من لسان يصرح ويندد ويرسم لنا الحال غير الحال

شاكر لك مرورك الكريم

وتقبل تحياتي

خالد اليزيد · 02-04-2005, 05:51 AM

السلام عليكم

حيالله أستاذتنا القديرة

بنت النور

والله يا وخيتي صدقتي والإهتمام بكل أسف في الأحياء التي فيها الوجاهه

لرسم الإنضباط والدقة في التفاني في العمل

والمشكلة مته يشتغلون إذا صارت مصيبة

إلى متى ونحن المواطنين كبش الفدا ؟؟؟؟؟؟

شاكر لك مرورك الكريم

وتقبلي تحياتي

خالد اليزيد · 02-04-2005, 05:53 AM

اقتباس

الكاتب : معانق الليل


	ياساتررر هذى من أسباب كثررر الحفريات فى نفس الموقع .. نسأل الله السلامه ..

شكرا لمرورك

وتقبل تحياتي

المجهول · 02-04-2005, 06:03 AM

والله يابو خالد شي يرفع الظغط فعلا!!!

ترى والله مو بس بالبديعه عندنا بالمرسلات وتحديدا عند شارع الامير عبد الله عند خزانات المويه!!

وربي ذاك الشارع حفريات من الوايتات!!

وكل الشوارع اللي حولها تمشي وانت ماسك قلبك!!

ولو انت ماتعرف للشارع او ماتعودت عليه وربي يروح عليك الموتر!!

عموما هي فعلا مشكله والصور خير دليل!!

مشكور يابو خالد على هالموضوع الرائع واللي فعلا يمس اشياء كثيره!!

تقبل تحياتي...

مواضيع ذات صلة
الموضوع	الكاتب	المجلس	المشاركات	المشاركة الأخيرة
تقديمــ للقاء البحرين Vs العراق	فتى الرياض	عالم الرياضة	6	21-01-2007 10:21 PM

مجلس الرياض

خاص بالمواضيع المتعلقة بمدينة الرياض

مهازل جديدة في ظهرة البديعة وسجل يا تاريخ

أكثر من 4 ملايين سكان الرياض نهاية عام 25هـ

اول مشاركه ارجو قبولى معاكم / حول وضع حى الوادى شمال الرياض

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق