مجلس الرياض

المشمرخ · #1

كنا معزومين عند أحد زملاء العمل للعشاء من سكان محافظة ضرماء فذهبت أنا وزميل لي ولأول مره نزور هذه المحافظة
إنعطفنا يمينآ من الكبري الذي يذهب الى قصور المقبل وكنت مسرعآ وعندما رأيت ذلك الطريق الزراعي خفضت السرعة وبدأت درجة الحرارة في الإنخفاض الطريق فسيح (وسيدين)وغير خطير والسيارات قليلة جدآ رأيت لوحة كتب عليها ضرماء 21 كيلو متر
وبما أن زميلنا طلب منا الحضور باكرآ
صلينا العصر هناك لاحظنا إنخفاض درجة الحرارة 35 درجة هناك عنه في الرياض وتستطيع فتح الدرايش والتمشي ففعلت ذلك إتصلت على جوال زميلي فوصف لي مكان العزيمة فذهبت اليه وأنا أنظر يمينآ وشمالآ
فتعجبت انا وزميلي من هدوء تلك المحافظة ونظافتها وسعة شوارعها وكثرة النخيل فيها
وصلنا الى الإستراحة فوجدنا بعض الزملاء قد سبقونا وقد فرش لهم زميلنا فرشة تحت النخيل وقال القهوه والفناجيل عندكم والتمر أخرفوا من النخله اللي فوقكم ترى المحل محلكم قعدنا نسولف ونعلق على بعض ونضحك في جو رهيييييب وصوت الهواء وصوت الماء اللي جاي من المسبح يسمونه (البركه)ياسلام
بعدين قال قوموا أوريكم الحلال ورحنا نشوف زريبة الغنم والحمام والأرانب شي مرتب مرتب
قال جايبين ملابس سباحه قلنا نعم قال أصبروا شوي لين يسكن الهوى قال مايصلح نسبح وفيه هواء قلنا متى يسكن الهواء قال الساعه 6 تقريبآ قلنا ماشاء الله خبره
جى أبو زميلنا وعرفنا عليه ماشاالله تقول أخو زميلنا ماهو ابوه كله صحه ماشاالله وبشاشه وسعة صدر
قام الوالد يسولف معنا عن ديرتهم ولاحظن ان زميلنا اللي عازمنا ماهو زميلنا اللي نعرفه صارت لهجته غير
لين سولف مع ابوه وصار يسمي مسميات مانعرفها ويسألنا ابوه عن هذه المسميات ولا نعرف وحنا نضحك وزميلنا يضحك علينا من كل قلبه ثم صار ابوه يعلمنا عن كل شي في المزرعه حقتهم واللي نسميها حنا الإستراحة
قال أبوه أسبحوا واللي بغيير ملابسه دورات المياه عندكم.. ثم ماشاالله غير ابو زميلنا ملابسه ونزل في المسبح (البركة) المهم ان المويه صافيه ولا (كلور) ولاشي والمويه تصب من ماصوره أسمها (الصباب)
وتطلع لري المزرعة فيه واحد معنا ماجاب ملابس سباحة وراح زميلنا هو وياه وشروا له ملابس سباحة ومنشفه ثم قعد خوينا نصف ساعه وهو واقف على المسبح وحاط رجليه في المويه ويقول بارده ماني نازل معكم بس بقعد كذا قلنا طيب ليش شريت ملابس المهم سحبناه بالقوه لين حطيناه في وسط المسبح وهو يشاهق وقلنا له يالله طلع نفسك وحنا نضحك مع زميلنا وأبوه
وقبل أذان المغرب بعشر دقايق قال لنا والد زميلنا يالله نستعد لصلاة المغرب أطلعوا وقال لولده يامحمد أفرش فرشة المسجد برا في صرحة المسجد
صلينا المغرب ثم قعدنا نسولف حنا ووالد زميلنا ونتقهوى القهوه والشاهي ثم قال الوالد للولد رح صقط التيس في البرميل درينا أن عشانا مندي ورحنا نشوف شغلهم كيف وناخذ خبره
يوم جت الساعه 9 وبعد صلاة العشاء قال الولد للأبو يابوي العشاء جاهز قال الأبو تموا على عشاكم وترى هذا ماهو حقكم بس حبينا نوريكم محلنا وطريقتنا مع ضيوفنا لين جونا هم راعين المحل
جلسنا نسولف عن محافظة ضرماء وأن لها محاصيل لاتروى بالمجاري ولا يضاف اليها كيماوي وهذا مالاحظناه في طعم التمور لديه وشكلها وكذلك بعض محاصيل المزرعه مثل الجرجير والبقدونس والخس وغيرها الكثير ثم قال لنا نحن نصدر لسوق الجمعة كل أسبوع من هذه المحاصيل يأتي أشخاص من الرياض ويشترون لأنها صحية وبثمن رخيص جدآ جدآ مقارنه ببيعها في الرياض
فعرضنا عليهم عرض ان يقوموا بفتح محل في الرياض خضار وفواكه ويبيعوا منه ويكتب عليها لانستخدم الكيماوي وماء الجاري في محاصيلنا وشرط تكسبون ذهب قال الوالد ماحنا متعدين هالديرة الطيبه واللي يبغى محاصيلنا يجي عندنا وبنعطيه ولو ببلاش فأدركنا ان عملهم ليس كسب الرزق بل تعود على سعة الصدر ثم نادى عامل امزرعه وعبى لنا أكياس من محاصيلهم وقال هذا كنا بنبيعه لكن مايغلى عليكم
ثم جلسنا نسولف عن الأراضي في المنطقة فوجدناها أقل بعشرة أضعاف ماهو موجود في الرياض
ثم عرض علينا عرض أن نشتري أرض إستراحة في ضرماء وقال أنا أعرف راعي مكتب بيساعدكم بس كانكم صاملين
المهم تعشينا وجلسنا نسولف أستاذن والد زميلنا وقال المحل محلكم بروح أرقد
كل واحد فينا قعد يتثاوب لأننا ما رقدنا بعد الدوام وتعبنا من السباحة أستاذنا وركبت السيارة وتفاجئت المفاجأة الكبرى أن درجة الحرارة 22درجة ثم وحنا في الطريق نمشي يمكن 80 ماودنا نوصل للرياض
ووصلنا للرياض وكانت الساعة 11 تصوروا 11 ودرجة الحرارة 37درجة
صحيت من النوم الفجر وكلي نشاط وحيويه وصحه وبشاشة أول مرة اشعر بها منذ زمن وإذا بأبنائي لم يناموا بعد فأيقنت أننا مرضى بمرض لا أعرف ماهو
وقابلت زملائي يوم السبت وكلآ مبهر من هذه الزيارة المفيدة والصحية
المهم أنني إستفدت دروسآ عديدة من هذه الزيارة ودروسآ لم أستوعبها بعد سألخصها /
لماذا لانعيش هذه العيشه الصحية بدلآ من السهر وقل النوم
نستطيع شراء إستراحات هناك ولو شراكه
لماذا إذا عزمنا احد مانحضر له الا الساعة 10 ولا يطلعنا الا أذان الفجر ويمكن ننوم ولا نصلي
وأسئله كثيره أخذتها دروس من زيارتي لمحافظة ضرما
والحمد لله أنني عرفت شخص أسمه محمد من ضرماء
وضرماء تسلم عليكم

مخلص · 19-07-2006, 09:52 PM

الله يذكرك بالخير ياضرماء
ذكرتنا بأزمة الخليج يوم أنحشنا من الرياض ورحنا لضرماء
بس القصه حلوه وحنا نشبنا بجدولنا اليومي الملخبط في الرياض
وترى اهل المحافظات مثل ضرماء يعيشون عيشه ثانيه ماهو مثلنا في الرياض العيال نوم لين العصر
وبعض العوائل مايشوفون بعض الا لين جت الدراسه وهم ساكنين في بيت واحد
بس انا أشهد ان ضرماء هاااااااااااااااااااااديه مرررررررررررررررره
واعرف واحد من ضرماء دايم يعزمني لزيارتهم بس ماحصل فرصه والظاهر انك شجعتني بس مااعرف اسبح
وأنشاالله بروح أشتري كل جمعه من الخضار اللي عندهم ذبحنا المجاري والكيماوي ولا بشتري إستراحه عندهم
ويعطيك العافيه يالمشمرخ على هذه المعلومه القيمه

معانق الليل · 20-07-2006, 12:57 AM

أيه يا ضرماااء .. حياك الله بيننا .. وقصتك مرهـ حلوهـ

نجد الأحباب · 25-07-2006, 02:46 AM

يسلموووووووووو عالقصه

وفديت ديرتي ضرماء لاني من ضرماء

موفق

مجنــــــــون · 25-07-2006, 03:55 AM

هلا والله اخوي الغالي

ويامرحبا بك معنا

وقصه أكثر من رائعه

لمحافظة ضرما الغــالية على قلوبنا

ومادامك جبت طاري المحافظات

ترى المزاحميــة ماهيب بعيده عن ضرما

من جهة الأجواء وجمالية الأستراحات والمزارع

تحيــاتي لك

مجنـــــون

الملاحظ · 25-07-2006, 01:38 PM

أشكرك يا المشمرخ على القصة الجميلة عن ضرماء

دمعة الاحزان · 25-07-2006, 09:36 PM

شكرا لك يا شمرمخ

رغد الاحمد · 27-07-2006, 11:20 PM

اخي الكريم المشمرح

حياك الله على هذه الكلمات التي انعشت الروح

الله يا أول كنا بين ضمراء وثرمداء

وأه ه ه ه يا الربيع فيها والحياة

كانت الأراضي تعمر بالخضرة والأجواء الرطبة

البراد يالله من فضلك .... !!

بس اللحين ذبحتنا هالأستراحات

سلم قلمك أخي الكريم

تحياتي لك

رغد الاحمد

ذكرى من الماضي · 04-08-2006, 05:28 PM

الله على هالقصة الي رجعتني سنوات عديدة للوراء لديرتي وديرة أجدادي
أخ مشمرخ شكرا على هالقصة الي دغدغت مشاعري ومشاعر أهالي هذه المحافظة الكريمة

المشمرخ · 04-08-2006, 09:04 PM

شكرآ شكرآ شكرآ للجميع على المشاركة
لكن أنا ماني من محافظة ضرماء مع أنه يشرفني جدآ بس اعجبتني عاداتهم وتقاليدهم
وتاثرت بهم جدآ وسميت أسمي المشمرخ على أسم جبل عندهم لأنه أعجني الأسم جدآ
ووعدني زميلي أنه بيوريني الجبل في الزيارة القادمة
وشكرآ

مجلس الرياض

خاص بالمواضيع المتعلقة بمدينة الرياض

محافظة ضرماء تسلم عليكم

حل للزحام في مدينة الرياض

داخله على الله ثم عليكم ابغى مساااااااااااااعده

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق