مجلس الرياض

حسام الغامدي · #1

بسم الله الرحمن الرحيم

السلام عليكم و رحمة الله تعالى و بركاته

في أحد الأيام ، صحيت من صباح رب العالمين مبسوط مرتاح مستانس مافيني إلا العافيه .

و يومها كنت في مدينة الرياض الحبيبه ، و كالعاده جهزت الكميرا و شحنتها و طلعت شارع الضباب بالرياض و رحت لمحل " الجنوط الكبيرة " عند الأخ/ أحمد

كان بيننا اتفاق على تصوير سياره عندهم و هي كاديلاك ديفل قديمه بجنوط أسلاك صغيره و هيدروليك .

صورت ما يقارب ال25 صوره للسياره أو أكثر !

و فجأه و أنا أستعد لضغط زر التصوير ، يظهر لي شاص المجاهدين على ما أعتقد !!

و تم لقط الصوره و الشاص ظهر فيها و يا ورطه و يا ليييييييييل مطولك .. !

المهم

سويت اني ما انتبهت لهم و كملت تصوير السياره و كان معي 4 شباب و منهم مندوب المحل الأخ/ أحمد

ظليت خايف و قعدت أدعي ربي بأنهم يمشون و ما يوقفون و يسوون ربشه !!

المهم ، وقف الشاص و نزل السواق و لبس الدرع و أنا قلبي يضرب و يقول: طربق طربق خخخخخخخ

لبس درعه و الخوذه و معه الرشاش و زهمني من بعيد و قال: يا مصور ، تعاااااااااال و جب الكميرا معك !!

أنا قلت: عز الله رحنا فيها !؟

قعدت أودع الشباب على بالي صرت واحد من المطلوبين ألحين بسبب سياره معدله و رحت له

و أنا رايح له أشوف اللي معه كل واحد قام يلبس الدرع و ماسكين الرشاشات بقوه !!!؟

وصلت عنده و دار بيننا هذا الحديث ...

الغـــ07ـــامدي:
السلام عليكم

الجندي:
و عليكم السلام ، هلا و الله

الغـــ07ـــامدي:
هلا بك

الجندي:
وش كنت تصور ؟

الغـــ07ـــامدي:
كنت أصور السياره هذيك - طال عمرك -

الجندي:
(( و كان ضاغط على يدي ما فكها من بعد السلام ))
متأكد السياره هذيك ؟؟

الغـــ07ـــامدي:
يعني شايف شي غيرها ؟؟

الجندي:
ما أدري ! وش رايك أنت ؟؟

الغـــ07ـــامدي:
خذ الكميرا و تأكد بنفسك و اذا حصلت شي خذني معكم

الجندي:
(( أخذ الكميرا ))
أنا مستعد أفتشها و لكن منت مطمني !!

الغـــ07ـــامدي:
طيب وش رايك تتأكد ؟؟
(( أنا خايف وقتها لأن الشاص طلع في الصوره ))

الجندي:
وش اسمك أنت ؟

الغـــ07ـــامدي:
حسام بن سعد الغامدي و جاي من جده الله يحييك

الجندي:
اوووووووووه هذي المصيبه ، غامدي !!
ورانا ورانا
(( ضحك بعدها ))
و بعدين من جده و إلا من عرعر آخرتها سعودي

الغـــ07ـــامدي:
نحن جنود الوطن الله يطول بعمرك

الجندي:
و الله مدري عنك

الغـــ07ـــامدي:
(( أبلع ريقي بالقوه ))
كلنا فهد

الجندي:
طيب ممكن تقول لي ليش تصور ؟؟

الغـــ07ـــامدي:
(( تحسرت يا ليتني ما قلتها ))
أنا مسجل في منتدى خاص بالسيارات المعدله و الغريبه ، أصور سيارات معدله و أنزلها فيه

الجندي:
وش يعني منتدى ؟؟

الغـــ07ـــامدي:
هذا - طال عمرك - زي مكتبه في بيتك تحط كتاب لك في الرف

الجندي:
المهم (( شكله ما فهم ))
أنا بأمشيك هالمره و بنحطك تحت الأنظار و حنمر يوميا ً من هنا ، لو شفناك على عليشه على طول و تحمد ربك ان ما جأ غيري و إلا كان استقعد لك

الغـــ07ـــامدي:
(( قلت بنفسي: أنت مستقعد ))

الجندي:
وش فيك مبلم ؟؟

الغـــ07ـــامدي:
لا أبد سلامتك - طال عمرك -

الجندي:
خذ كميرتك و توكل على الله

الغـــ07ـــامدي:
الله يعطيك العافيه و سامحونا على الإزعاج و الله ينصركم

الجندي:
مع السلامه

الغـــ07ـــامدي:
تبون تشربون شي ، عاد حر الرياض ما يرحم

الجندي:
توكل على الله يا أبوي و جزاك الله خير

الغـــ07ـــامدي:
و إياك - طال عمرك -

و بعد كذا ، حرمت أصور في مكان عام ، الله يستر علينا بس

و الصوره ما زالت عندي بس أخاف أنزلها و أفضل تبقى في ملف الشبهات - الله لا يعيدها -

تقبلوا خالص الشكر و التقدير

©{« عاشق نجد »}© · 07-08-2004, 12:39 PM

اوووووووووه هذي المصيبه ، غامدي !!
خخخخخخخخخخخخخخخخخخ
سلامتك يالغالى
وموقف والله ماتحسد عليه
الحمدلله على السلامه

تحياتى لك

حسام الغامدي · 07-08-2004, 12:40 PM

الله يسلمك حبيبي " عاشق نجد " و الله فكنا من شره - الحمد لله -

شاكر لك حضورك الكريم و ردك

تقبل تحياتي الحاره

مذكــرات فاشــلين · 07-08-2004, 01:13 PM

الحمدلله على السلامه

شكل هالجندي مستقعد للعالم ...... ما سكه معه

كان طلبت تصورة ..... نبي نشوفه

اذا رجعت وشفته اطلب منه صورة له ...... تذكـــــــــار

أميرة الرياض · 07-08-2004, 04:50 PM

خخخخخخخخخخ الحمدلله على السلامه

وصدق موقف لو أني مكانك كان جتني حاله خخخخخخخ

والمشكله الكبيره أنك غامدي خخخخخخخخخخخ

الله يقطع شيطانك

تقبل تحياتي لك

أموووووره أنا

فهد المهوس · 07-08-2004, 06:04 PM

ياحليلك

انا لو تدري وش سويت كان اصير إرهابي نمبر ون

كان معي شروخ

ههههههههههههه

ووقفت في نهاية الشارع وعلىالجزء الثاني واقف ولد اخوي قلت بشعل صاروخ عليه هههههههههه

المهم اشعلته وينطلق ويدخل في نافذه شرطه وينفجر فيهم

هههههههههههههههههه

<------------------- هذاالمستخدم إستهلك غبار كثير من كثر ماهو يركض

ولحقني للبيت ويمسكني مع رقبتي وكنت وقتها طالع إبهام عنده منطول العسكري

اعطاني كفين على مخمس ههههههههههه بس اعجبكم عضيت يده ودخلت البيت وقام يطق الباب ولا احد فتح

وحرمتاطلعالبيت لمدهاسبوعين

وبعد ماطلعت لقيته يمر من جنمب بيتنا وعليها دخلت وامي تقول وش الذرابهاللي جت وليدي الله يصلحه مايحب يلعب بالشارع

ههههههههههههههههههههه

تسلم حبيبي على هالموضوع ولاهنت

حسام الغامدي · 08-08-2004, 12:41 AM

ههههههههههههه تسلمون على ردودكم الظريفه !

أقول ؟

وقتها و الله تشوفه تنسى اسمك بس خلك مصلحه درجه أولى

تحياتي لكم جميعا ً

بنت النور · 08-08-2004, 05:16 AM

الحمدلله على السلامه يالغامدي

والله الواحد صار يخاف هالايام من كل شي

وخصوصا الكثافه الامنيه مره هالايام

يعني الواحد لازم يحتاط باي شي

والشرطه ماعليهم شرهه والله

ولك اجمل تحيه من بنت النور

حسام الغامدي · 09-08-2004, 05:21 AM

هلا و الله و غلا بــ " بنت النور "

و الله كلامك صحيح و سليم 100 % و لكن هم مزودينها شويتين !!

شاكر لك ِ حضورك الكريم و ردك الجميل و الله يسلمك

تقبلي أحر التحايا

jo0o0ry · 09-08-2004, 07:33 PM

الحمدلله على سلامتك يالغامدي

موقف لاتحسد عليه وربك سترها معك

00000000000000000000000000000000000000
برايفت للمهاجر

هههههههههههههههههههههههههههههههههههههههههههههههههه ههاي

يااخي مت من الضحك عليك

والحمدلله على سلامتك انت بعد وجعل هالمخمس اخر اوجاعك

بس تعجبني طلعت قوي وعضيته

>>> بتنجلد

مواضيع ذات صلة
الموضوع	الكاتب	المجلس	المشاركات	المشاركة الأخيرة
لاتحتاري ..موسوعة معجنات الشيف اسامه السيد بالصور..	توتة	أطايب شهيه	46	20-02-2007 01:35 PM

مجلس الرياض

خاص بالمواضيع المتعلقة بمدينة الرياض

حينما تم التحقيق معي بسبب سياره معدله في الرياض كنت أصورها !!!

200 موقع للايجار في سوق التخفيضات المفتوح بالرياض

طرح اكثر من 180 وظيفه في المؤسسه العامه

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق