مجلس الرياض

! ولـد البـراك ! · #1

السلام عليكم .. أسعد الله اوقاتكم بكل خير ..

وصلتني رساله من شخص عزيز وغالي عن طريق الايميل .. وهي عن قصة فضيحه مشغل لبنى الواقع حي المنار بالقرب من مستشفى اليمامة .. وبصراحه سألت عن المشغل فيه بعض من الناس تقول انه من اجمل المشاغل في حي الروابي وفيه من يسبهم .. لن إطيل عليكم بالكلام إليكم هذه الرساله ..

السلام عليكم ورحمة الله وبركاته
ياشباب انا قريت الموضوع هذا وحبيت انقله لكم
إنتبهوا من المشاغل الكبيـره
بنات حكاية مشغل لبنى صحيحة ..وربي يشهد ماعليه اي افتراء او غيره ... انا من كم اسبوع شهدت سالفه صديقة صديقتي اللي تورطت معهم في المشغل ومن جد انتبهوا بنات ترى صاحبة المشغل طلعت من كل الاتهامات مثل

الشعرة من العجينة حتى تخليوا علية ادله ,,ومع ذلك طلع منها فبليز انشروها لكل وحده معكم خصوصا انه المشغل مره كبير ومعروف ولسه ماتقفل,, ياارب استر علينا وعلى كل نساء المؤمنين

هذا ماحدث بالضبط في مشغل لبنى النسائي في الرياض في حي المنار بالقرب من مستشفى اليمامة

سأتكلم بالعامية حتى يفهم عليه الجميع و والله الذي لا اله لا هو ان ما اقوله ليس افتراء على المشغل او كذب او مضيعة وقت فوالله ان هذه الورقة التي وصلتك أخي واختي الكريمة استغرقت وقت كثير لكتابتها وجمع احداث اكثر حول هذا الموضوع لتأكيد الأمر والموضوع هو كالتالي:

" اختي الكريمة مااعتقد انه فيه امرأة الى الان ماتعرف هذا المشغل الكل يعرف هذا المشغل الكبير اللي يضم مايقارب 70 عاملة من جنسيات متعددة " السورية والمصرية والسعودية والفلبينية والحبشيات والاردنيات والمغربيات .........الخ من الجنسيات اللي دخلت هالبلد وسوت فيه اللي مايتسوى......طبعا مو كلهم بس...!!"

انا بنت مدرسة في مدرسة اهلية وفي مرة من المرات كنت جالسة جنب وحدة من اعز صديقاتي انسانة محترمة امينة على السر وخشية تخاف الله في جميع امورها وهذا اللي خلاني اتشرف بمصادقتها واسال الله ان تدوم هذه الصداقة الطيبة المهم صديقتي هذه كانت جالسة وضااااااايق صدرها قلت لها وش فيك ياسارة قالت متضايقة شويه قلت لها عسى ماخلاف قالت والله سمعت سالفة ضيقت صدري قلت ممكن اعرف السالفة ؟؟ واذا فيه احراج لا تقولين لي... قالت لابالعكس لازم تعرفين السالفة "" قالت يوم الخميس زارتني وحدة من جاراتي وكانت مصرة على انها تزورني المهم انها جات جارتي وضاااايق صدرها وقلت في قلبي لتكون متزاعلة مع زوجها !! المهم سألتها قلت وش فيك يافلانة متضايقة وفي فمك حكي قالت جارتي اسمعي هذه سالفة صارت تقريبا قبل اسبوع لناس من جماعتنا قريبين لنا والله انها ضيقت خاطري وحسيت بالقهر وهي ناس من جماعتنا كان عندهم ملكة لوحدة من بناتهم المهم في يوم الملكة في العصر

تقريبا راحت البنت اللي ملكتها في نفس اليوم مع امها ووحدة من خواتها لمشغل لبنى النسائي"" أقصد مشغل الدعارة وبيع البنات وبرخييييص بعد"" المهم جات البنت عند الكوفيرا وقالت لها انا اللي حجزت عندك وملكتي اليوم وابيك تصلحين لي الماكياج قالت الكوفيرا تفضلي وراحت الام عند كوفيرا والاخت الثانية عند كوفيرا ثانية كل وحدة عند كوفيرتها الخاصة اللي حجزت عندها من قبل ويوم جات تجلس العروسة حتى تسويها الكوفيرا الماكياج قالت البنت لو سمحتي معليش بروح اتوضا وارجع عشان تسوين الماكياج مرة وحدة قالت الكوفيرا "" ناطرتك"" المهم دخلت البنت دورة المياه وتوضأت ويوم طلعت من الحمام قالت لوحدة حبشية من عاملات المشغل " لو سمحتي فيه منديل "" قالت الحبشية " شوفيه جو هالغرفة دخلت البنت وبكل براءة الغرفة والحقيها يالحبشية وبخت عليها بخاخ منوم وقفلت الغرفة عالبنت ....المهم الكوفيرا اللي بتسوي البنت قاعدة تنتظر وتنتظر يوم ملت راحت سألت أم البنت قالت لو سمحتي وين بنتك ؟ بنتك طلعت من عندي قالت بروح اتوضأ والى هلا ماإجات الام انهبلت وين بنتي وتدور بالمشغل وتسألالحبشيات والعاملات وين بنتي ؟؟ بنتي دخلت المشغل ولا أدري وينها قالت وحدة من الحبوش"" ماندري دوري لها هذا المشغل قدامك "" وتدور الام والاخت عن بنتهم ولا لقوها ويدقون على جوالها ولا ترد يوم دقوا على الاب وعلموه السالفة قام الاب دق عالشرطة والشرطة جابت هيئة وداهموا المشغل وجابوا حريم من الهيئة دخلوا وفتشوا المشغل يوم جو يفتحون وحدة من الغرف لقوها مقفلة طلبوا من العاملات يفتحونها رفضت وحدة منهم قالت لا هذه غرفتي الخاصة ولا احد بيدخلها المهم حاولوا انها تفتحها رفضت يوم كسروا الباب بعد فترة من المحاولات لقوا الغرفة فاااضية وفيها شباك ماعليه
شبك ولقوا صور مجلات خليعة وصور ماتنشااااف "" والهيئة بعدها مادري وش سوت!! المهم تقول جارة زميلتي البنت دقت على اهلها بعد ايام وقالت تعالوا خذوني انا قدام معهد نيوهورايزن وبالفعل لقوها مرمية حول المعهد في حال يرثى لهاااا"" طبعا جارة زميلتي تقول "انا صار لي موقف مع المشغل نفسه بس مافهمته الا بعد ماصار اللي صار مع بنت

جماعتنا وهو"" اني رحت للمشغل مرة مع بنتي الصغيرة 9.سنوات المهم طلبت كوفيرا تستشور شعربنتي المهم والكوفيرا تستشور بنتي عينها يمين وشمال ولاهي حول الشغل قلت لها لو سمحت خلي عينك عالشغل المهم والكوفيرا

مازالت تتلفت يمين وشمال والاسشوار كان زي الزفت المهم قامت الكوفيرا مشطت بنتي بسرعة وغطتها بالشيلة وقالت "" مدام خذي بنتك واطلعي هلا"" واني اقول لها ليش ؟؟ وليش سشوارك كذا مو زين ؟؟ قالت مدام احسن لك

خذي بنتك واطلعي"" تقولي كذا وعينها يمين وشمال المهم طلعت ذاك اليوم ولاني دارية ليش سوت كذا ولا عرفت والله الا بعد ماصار اللي صار لبنت جماعتنا...""...هذا دليل على ان جميع العاملات عارفين وش قاعد يصير بس مايقدرون يتكلمون خايفين يخسرون وظايفهم وهذا دليل ان هناك شباب واولاد عائلات الله حسبنا عليهم قاعدين يلعبون بشرف هالبنات البريئات وللعلم ترا خلف المشغل منطقة خااااالية شبه صحراء "" مقطعة"" الله العالم وش قاعد يصير فيها
ووالله اني ماكتبت هذه المقالة الا حتى كل اللي كانوا يرتادون هالمشغل يقطعون روحتهم له وترا المشغل اسعاره رخيصة ومعقوله وهذه من ضمن سياستهم حتى يخلون الطيب والبطال يجييهم وهم عاد ينقون الفريسة...
رسالتي الى كل من يقرا هذه الورقة ان يوصلها لامه ...لاخته..لزوجته...او لبنته..ورسالتي ايضا ان لا تتوقف هذه الورقة

عندك فقط ايها القارئ بل انشرها لكل من تعرف حفاظا على بناتكم....""

نصيحة ""

ونصيحة اخرى للاخوات الكريمات انتبهوا من المشاغل الكبيرة انتبهوا انتبهوا والله انها اكبر من يتاجر ببنات المسلمين وخاصة السعوديات فهناك من يحقد علينا حقد دفين والله حسبي عليهم

"" فاعلة خيـــــر"" """ لا تنسونا من
الدعـــــــــــاء""
اسأل الله ان يحفظ بنات المسلمين وان يرد كيد الاعداء
والمجرمين.....................آآآآآآآآآآآمين
انشروها حفاظا على شرف أخواتك وأعراضهن ..

********************************

أنا ما ابي انشر إشاعات ..

لكن من باب العلم بالشئ والحذر ..

وآسف على الاطاله ..

أخوكم / ولد البراك ..

الدبدوب المحبوب · 29-05-2007, 01:24 PM

مو صحيح وما اصدق

! ولـد البـراك ! · 29-05-2007, 01:27 PM

هلا والله الدبدوب الحبوب .. حياك ربي يالغالي ..

بصراحه ماتدري هو صدق والا لا .. وسمعت انها اشاعات لان فيه مشاغل بالقرب من مشغل لبنى واحتمال هم اللى مطلعين عليهم الاشاعات ..

شكراً على تلطفك وردك على الموضوع ..

لاهنت

توتة · 29-05-2007, 01:31 PM

صدق او لا تصدق
ان الاشاعه تسير بسرعه البرق

والمفروض ان كانت هالقصه حادثه ان نسمع عنها من قبل المسؤلون وهم الشؤطه اللي داهموا الموقع مع الهيئه
اتمنى ان نجد بيان من تلك الشرطه لكي نصدق
عموما اشكر لك اخي حرصلك على الحفاظ على بناتنا

دمت بخير

! ولـد البـراك ! · 29-05-2007, 01:35 PM

هلا والله توتة .. حياك ربي ..

وانا اتمني كذالك .. لان بصراحه شى يخوف الواحد يخاف على اهله وعلى خواته المسلمين من الاشرار هذي ..

مشكوره ألف شكر على مرورك الكريم ..

غلا الدنيا · 29-05-2007, 01:50 PM

السلام عليكم
مساء الخير

أخوي ولد البراك الله يعطيك العافيه على الموضوع

ولكن كل شي لابد له من دليل واثبات صح
انت قلت الهيئه والشرطه لو فيه ما يثبت الكلام منهم

وثانيآ زي ما قلت المشغل كبير ومعروف وانا اعرفه واودي اهلي له

والمكان لسا مسوين لها تحسينات كبروها وجددوا فيه
وكان جنبه استراحه لكن انضمت بعد التحسينات للمشغل
وعلى كثر ما اروح هناك أعتقد انه عليهم مراااااااقبه شديده شديده شديده

والله اعلم هل صحيح اللي المكتوب او لا

المهم ان الواحد ياخذ يحذر اهله وقرايبه من من المشغل هذا لالالا

يحذرهم من كل المشاغل
لانها للآسف اصبحت فيها القذاره بشكل كبير

الله يستر على بنات المسلمين

تمنياتي لكم بالتوفيق ..

! ولـد البـراك ! · 29-05-2007, 02:02 PM

..

وعليكم السلام والرحمه .. هلا والله اخوي غلا الدنيا .. حياك ربي يالغالي ..

صحيح وهذا السؤال اللى دار براسي حينما قرأت الرساله اين اثبتات الشرطه او الهيئة على مافعل ..

انا ما اقلت اخي العزيز انا نقلت الرساله لكم بالنص زي ماذكر بالرساله من كاتبة الرساله بأن الهيئه قامو بالتفتيش بداخل المحل من قبل نساء تعمل مع الهيئه وانا لا اعلم هل هذا صحيح ام لا ..؟!

والله يحفظ اهلك والمسلمين جميعاً من كل مكروه ..

سررت جداً بمرورك وردك الكريم ..

أخيك / ولد البراك

منكم وفيكم · 29-05-2007, 09:45 PM

اسال الله السلامة لنا ولكم

وعمر الخحطاء خطاء والصح صح وللحقيقة نور واتمنى ما ينشر يكون اشاعه لاننا انتمنى للغير كما نتمنى لانفسنا

والله يدومها ستر

وكما ابلغنا ولد البراك بقوله الحذر.......................فلنحذر

ܓ.¸turki¸.ܓ · 29-05-2007, 09:59 PM

:
مرحباً بك أخوي
نعم انا سمعت مثل هالكلام عن هالمشغ ـل تحديداً
فأن كان صحيح فالح ـمدلله على فضحهم
وتأكد ان رجال الحسبه لمثل هولاء بالمرصاد
حمى الله اعرضنا عن كل مكروه
شاكراً لك غيرتك
اطيب المنى
:

الدبدوب المحبوب · 29-05-2007, 10:31 PM

معليش برد مرررة ثانية بس ودي اسوي دعاية الله الله على مشغل دار الجمال طريق الملك عبدالله قبل شارع الحوامل

مواضيع ذات صلة
الموضوع	الكاتب	المجلس	المشاركات	المشاركة الأخيرة
منطلقات طالب العلم الشرعي.......	الدكتور محمد رضوان	المجلس الإسلامي	156	17-09-2007 03:54 PM
ساحة العلوم الشرعية في طريق الدعوة (التوحيد)	الدكتور محمد رضوان	المجلس الإسلامي	58	07-04-2007 07:34 PM
ياصر القحطاني يفتح قلبة : الجماهير تطالبني بـ 30مليون هدف	رومنصي مشاكص	عالم الرياضة	12	01-03-2007 03:40 PM
قصة//،،،عــــــيـــــــد الـــحــــــــــب Valentine Day	الــســــيــف	المجلس الإسلامي	6	17-02-2007 09:54 PM
((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===))	المجهول	عالم الرياضة	57	31-01-2007 09:05 AM

مجلس الرياض

خاص بالمواضيع المتعلقة بمدينة الرياض

فضيحة مشغل لبنى .. هل سمعتم عن هذا المشغل

الى اهل حايل بالرياض ................ ماذا قدمتم لحائل ؟

نائب خادم الحرمين: ما شاهدناه من قمة في الرجال وقمم في الاعمال هو محل تقدير

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق