مجلس الرياض

توتة · #1

الهيئة تقبض على أم وليد وهي تدير مصنعاً للخمر شمال الرياض

تمكن أحد مراكز هيئة الأمر بالمعروف والنهي عن المنكر بمدينة الرياض من القبض على امرأة تعرف باسم أم وليد من احدى الجنسيات العربية،
تقوم بترويج الخمور المستوردة والمصنعة محلياً من خلال ادارتها لمصنع للخمور بفيلا شمال الرياض تستخدم لتصنيع وترويج كميات كبيرة من الخمور.
وفي تفاصيل الخبر قام رجال الهيئة بمتابعتها بعد ورود معلومات عن هذه المروجة حيث تم التنسيق معها من قبل رجال الهيئة لشراء عدد اثنتي عشرة قارورة من الخمر المصنع محلياً،
وفي موعد التسليم حضرت أم وليد مع سائقها وتم القبض عليها بالجرم المشهود، حيث ضبط معها في سيارتها سبعة كراتين تحتوي على (114) قارورة خمر محلي الصنع، و(23) من الخمر المستورد
وأفادت أم وليد بعد القبض عليها انها تزاول هذه المهنة من عدة سنوات، كما ضبط في المصنع عدد (47) برميلاً 250لتراً معدة للتخمير وعدد 2مكيف، وبعض الأدوات التي تستخدم لتصنيع الخمور.

يارب سترك كم سنه ومحد درى عنها

اجل الخافي اعظم

المصدر..جريدة الرياض

الدبدوب المحبوب · 05-06-2007, 04:44 AM

لا حول ولا قوة الا بالله انا ببس ودي افهم هي وش جابها لشمال الرياض هناك احياء راقية جداً
لو راحت لنسيم منفوحة البطحاء زي هذي الاحياء كان صح ينفع المكان هناك==============>ياساتر الله يستر منك

الحمد لله بس حلوة حركت الهيئة انهم يواعدونها ويمسكونها هاههاهاهاهاها ضحكتني
الله يحفظ الهئية يارب تحفظها

ااالفــــــرس · 05-06-2007, 05:56 AM

وووووووووي لاتكون عندنا بالعقيق ):
حسبي الله ونعم الوكيل سنوات ومااحد درى عنها
يعطيهم العافيه ع جهودهم
مشكوره غلاتي
تحيتي لك ؛؛

شــهد · 05-06-2007, 07:54 AM

حسبي الله ونعم الوكيل

هذولا ما تابوا كل يوم سامعين عنهم مرة بالشمال ومرة بالشرق والجنوب

صار الواحد يشك بحارتة فية مصنع

لكن كفو والله يارجال الهيئة

الله يوفقهم ويعينهم ويجزهم عنا كل خير

مشكورة توتة والله عصبت

شموخ الرياض · 05-06-2007, 08:24 AM

صوره مع التحيه لكل من يهاجم الهيئه !!!!!!!!!!!!

الف شكر توته

! ولـد البـراك ! · 05-06-2007, 08:36 AM

ول
ول
ول

أهب يا ام وليد ياللى ماتخاف ربه .. لاحول ولاقوة الا بالله

ما ادري وش اقول .. لكن احسن تستاهل ماجاها ..

الله يعطيك ألف عافيه توته .. وعساك دوم سالمه ..

عـبدالعزيز · 05-06-2007, 10:49 AM

والله حتى الحريم صارن بياعات

الله يعطيهم العافيه

وان شااء الله تختفي هالخمور والمخدرات من ديرتنا

الله يعطيك العافيه

تحيتي

ملك بدون مملكة · 05-06-2007, 10:51 AM

في أي حي بس

لا تكون وحدة من جيراننا وحنا ما ندري

اللهـ يستر بس

لا ومطنوخة هي اللي توزع يعني تصنع وتوزع

اللهـ يكفينا شرهم

يعطيك العافية العالمية

منكم وفيكم · 05-06-2007, 11:10 AM

لكل طريق نهايته

ولكل مخطئ نصيبه

ولكي يا ام وليد الجزاء بحق من ظلمتيهم بسمك

خارج التغطيه · 05-06-2007, 11:11 AM

لا حول ولا قوه الا بالله الله لا يوفقك الي يبي ببلادنا شر

الله يجزا الهيئه خير ما قصرت

مشكوره توته على الخبر

اخوكــــــــــ خــــــــــ التغطيه ـــــــــــــــارج

مواضيع ذات صلة
الموضوع	الكاتب	المجلس	المشاركات	المشاركة الأخيرة
oOo الريـــــــــــــــــاض بلا حــــــــوادث oOo	توتة	مجلس الرياض	30	04-06-2007 08:45 PM
الإستراتيجيه المروريه في مدينه الرياض ( حمله الرياض بلا حوادث )	عـبدالعزيز	مجلس الرياض	15	29-05-2007 12:44 PM
15 مركزاً إدارياً في مختلف أنحاء الرياض لتسهيل الخدمات للمواطنين	توتة	مجلس الرياض	7	23-04-2007 01:28 AM
مشاريع ضخمة بتكلفة 118.4مليار ريال يدشنها ملكنا الغالي	توتة	مجلس الرياض	8	11-04-2007 01:09 AM
التقرير الشامل لحفل مجالس منطقة الرياض	خالد اليزيد	المجلس العام	54	05-04-2007 11:02 PM

مجلس الرياض

خاص بالمواضيع المتعلقة بمدينة الرياض

ام وليـــــد تدير مصنع للخموور بشمال الرياض ..

إنقاذ الأطفال من 1000كرتون حلاوة فاسدة

المبنى الجديد لكتابة العدل الأولى في الرياض

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق