مجلس الرياض

خالد اليزيد · 21-06-2007, 12:48 AM

السلام عليكم

وصلنا ما هو آتي

قام محافظ المؤسسة العامة

بزيارة مقر الكلية

والوقوف على المشكلة

وتم تسهيل الكثير من الأمور وإن شاء الله

غداً بالكثير سوف يتم صرف مستحقات البقية

وعميد الكلية لم يخرج من الكلية غلا هذه اللحظة

فالله يجزاك خير أخوي الغالي

عبدالرحمن السريع

فلقد كنت السبب الرئيسي في انهاء اجراءات هؤلائي الطلبة المغلوبين على أمرهم

وتقبلوا تحياتي

خالد اليزيد · 21-06-2007, 12:54 AM

اقتباس

الكاتب : مجنــــــــون [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	مشاكل تأخر المكافآت بشكل عام .. مشكلة أزلية ولم نسمع أن هناك من مسك زمام أمور حلها والضحية هم الطلاب الذين يرتبطون بعقود اجار وتكاليف كتب ومذكرات وغيرها من الألتزامات التي تجعل الطالب في ضيقه ماليه قد تؤثر عليه نفسياً ... الف شكر لك ابو خالد على هذا الطرح والشكر موصول لصديقنا الأستاذ عبدالرحمن السريع الذي اتحفنا بالكثير من المواضيع المهمه في الرياض تحياتي وتقديري .. مجنــــــون

حياك الله أخي الغالي

مجنـــون

وبكل أسف أن مثل هذه الأمور لا يحد منها إلا بالنشر عنها

وتصعيد الأمور

ونسأل الله أن يحد من هذه السلبيات التي أصبحت ديدن الكثير من الإدارات

شاكر لك مرورك الكريم

وتقبل تحياتي

خالد اليزيد · 21-06-2007, 01:13 AM

اقتباس

الكاتب : عبيطه وتستعبط [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	بصراحه يازين سعود عندها كل شهر نستلمها ومع هالامريكي سهلوها علينا الله يسهلها عليهم وعساهم يمددون مكافاتي<<شف همها بس والله قهر مكافاه من حق الطالب تقعد عندهم بالاشهر .. يعني وش يسوون بها يساهمون مثلا طيب طاحت الاسهم وش باقي يسوون بها يتاجرون.. ولا يقولون السيستم متعطل عيب وربي عيب لو يكون المشكله من السيستم يعني سنوات مو سنه والسيستم عطلان وين قسم البرمجه وينهم .. والا بس اكتفاء بالوظايف على غير سنع مااقول الا الله يعينهم على هالانظمة البطاليه

حياكِ الله أختي الكريمة

عبيطه

والله يا وخيتي شئ طيب ما ذكرتيه أن مشكلة المكافآت الخاصة بكم

قد انتهت بالشكل المريح لكم

والله يجعل جميع الجامعات والكليات والمعاهد تسير على نهج جامعة الملك سعود

شاكر لكِ مروركِ الكريم

وتقبلي تحياتي

خالد اليزيد · 21-06-2007, 01:18 AM

اقتباس

الكاتب : ملك بدون مملكة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	اللهـ يكون بعونهم المشاكل تأتي من البنوك يأخذون أموال الطلاب ويطلعون أضعافها بعدين يوزعونها على الطلاب كل الشكر لك أخي أبوخالد ولصديقك عبدالرحمن

حياك الله أخوي الغالي

ملك بدون مملكة

واللهم آمين الله يعينهم ويعني الجميع

شاكر لك مرورك الكريم

وتقبل تحياتي

خالد اليزيد · 21-06-2007, 01:30 AM

اقتباس

الكاتب : المجهول [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	للأسف ان مشكلة المكافآت كانت ومازالت مشكله ولم تعالج صحيح في جامعة الملك سعود تمت معالجتها هالسنه بالذات... ولكن بالنسبة لطلاب التقنية فهم بالفعل معانون اعرف واحد منهم شخصيا لم يذق طعم المكافأه من خمس شهور يعني خمس آلاف ريال!!! والله حرام أتمنى بالفعل ان يكون هناك لجنة مخصصه لدراسة الوضع ومعالجته سريعا كل الشكر للأستاذ الرائع عبدالرحمن السريع على تفاعله الدائم مع مجالس الرياض... والشكر موصول لخالي العزيز تقبلوا تحياتي...

الله يكون في عونهم والله خمسة آلاف ريال تعني لهم الكثير

وتعينهم كثير في مصاريفهم

والله يفرج لهم

اليوم بدأ العمل الدؤوب في الكلية

فلقد حضر المحافظ اليوم

حتى ساعة متأخرة

والله ينفع بحضورة وتنتهي مشكلة هالطلبة

شاكر لك مرورك الكريم

وتقبل تحياتي

خالد اليزيد · 21-06-2007, 01:47 AM

اقتباس

الكاتب : ! ولـد البـراك ! [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	انا من الطلاب إلى متخرجين من الكليه هذي .. من عام 1424هـ إلى اليوم وهم يوزعون المكفأة نقداً قد قالو افتحو حساب بنك الراجحي على ايامنا وفتحنا ولا حتى الريال ماحطو فيه .. وانا اعرف طالب من الطلاب الحين بالكليه قالو له افتح حساب بنك الرياض وفتح الحساب ومازالو يوزعون المكفأة نقداً و صدقني راح يستمرون كذا لانهم مرتاحين آخر ارتياح .. والله يوفق الجميع وشكراً لك اخوي خالد وعبدالرحمن على هذا التقرير لاهنتم ..

حياك الله أخوي العزيز

ولد البراك

وما نقول إلا الله يسهل لهم الأمور

وتنتهي معاناتهم

شاكر لك مرورك الكريم

وتقبل تحياتي

خالد اليزيد · 21-06-2007, 01:58 AM

اقتباس

الكاتب : همسة وفا [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	شوفو هذول الشباب مررررررررررررره يحمدو ربهم يجو يشوفونا احنا كيف كلية اعداد المعلمات مباني مهدده بالانهيار كليه مغبره التنوره بدل ماهي سودا تتحول الى اللون الابيض مكافأه تتأخر خمسه أشهر وفي الاخير نستلم شهرين بس يعني بالقطاره إحنا وصلنا مرحله والله حتى لو الوحده أبوها مقتدر ويعطيها اللي تبيه والله إني أستحي أطلب منه حتى هو صار يعرف طبعي ويعطيني بنفسه كل هذا كوم ويوم المكافأه كوم ثااااااني نوقف في الشمس والحر والقرف وناس تدخل على ناس وماتحترم النظام يعني الوضع يصير شربه وعلى ايش ياحسره شهرين ايش ابغابها شهرين في الاجازه هذي لا وحنجي بعد الاجازه نستلم بقية السنه هذي وحق السنه الجايه الله اعلم متى نستلمه يمكن نتخرج واحنا مااستلمنا كل مكافآتنا في الجبيل ماكان كذا المكافأه في الحساب على طول ولا نحس فيها وفي جده نفس الشي بنات خالي والجامعه الله يسعدهم شهربشهره مانقول غير حسبي الله ونعم الوكيل

الله يكون في عونكم أختي الكريمة

همسة وفا

والله معاناة وليه ما تكتبون معاناتكم

وتحاولون توصلون صوتكم للمسئولين

وحنا من خلال مجالس الرياض تحت أمركم في نقل معاناتكم

شاكر لكِ مرورك الكريم

وتقبلي تحياتي

خالد اليزيد · 21-06-2007, 02:06 AM

اقتباس

الكاتب : الهلالي [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	وعليكم السلام ورحمه الله وبركاته حياك الله اخوي ابو خالد طرح راائع وفي مكانه والشكر للأستاذ القدير / عبدالرحمن السريع والله المعنااه دووم نسمع بها في كل اوقات السنه وبكثير من الجامعات لكن لا اذن تسمع ولا عين تشوف المسئولين للأسف نايمين بالعسل لأنهم غير متضررين من هالشيء لكن لو احد هالمسئولين ما نزل راتبه في موعده قامت الدنيا ولا قعدت وبما انها للضعوفه الطلاب محد قايل شي مابيدهم حيله يعني الطالب مسكين متحمل اعبااء كثير وخصوصا مثل ماقلت الي تارك ديرته واهله ومستاجر هنا عشان يدرس اخر شي لامكافآآت لا شي يعني كل المسأله ديون بديون ان شاء الله يوصل صوتنا للمسئولين هالمشكله لازم تحل حل جذري الله يعطيك العافيه اخوي تحيتي لك

يطولي بعمرك أخوي الغالي

الهلالي

والله يالغالي أني أتفق معك في كل كلمة ذكرتها

والله كون في عون هالطلبة

ويبونهم يكونون متميزين ومتفوقين

خلها على ربك

شاكر لك مرورك الكريم

وتقبل تحياتي

][المـؤيـد الهـادي][ · 21-06-2007, 02:30 AM

خبر راائع أبو خالد ..

ويجزااااهـ ربي الخير الاستاذ عبد الرحمن السريع ..

تحيتي ..

مجلس الرياض

خاص بالمواضيع المتعلقة بمدينة الرياض

معاناة طلاب كلية التقنية بالرياض مع المكافآت [ بالصور ]

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور