مجلس الرياض

عريس المجالس · 03-09-2007, 03:12 PM

اقتباس

الكاتب : توتة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	فعلا الغلا مشكله والله الحين الناس تدور بصيص امل لاي تخفيضات الاغذيه ياكثر السوبر ماركات اللي تسوي خصومات وعرووض في فتره معينه وينتهي وبجد ريحتنا كثير اقلها نقدر نوفر لبقية المتطلبات الجزء الباقي من الفلووس اتوقع بيجي علينا سنه نشتغل طراره..!! لكن غلا الاسعار والاجار مالنا الا نقولالله يكون بعون المساكين ويكون بعونهم هم يلاقونها من الايجار اذا حل عليهم والا مقاضي رمضان والا مقاضي مدرسه والا مقاضي عيد والله الحال يرثى له بجد

لاتستعجلي

عريس المجالس · 03-09-2007, 03:13 PM

اقتباس

الكاتب : السبع الاربع [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	حنا مسكنا خط مع غلاء الاسعار بانتظار عريس المجالس .. هو صاحب الموضوع وحنا قررنا القضية وتناقشنا فيها

حياك الله أخوي السبع

معذرة ولكن ظروف خرجت من هنا وهناك

فأرجوا منك ومن الجميع قبول إعتذاري

وتقبل تحياتي

عريس المجالس · 03-09-2007, 03:14 PM

اقتباس

الكاتب : توتة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	احنا اهل الرياض وانا المراقبه لاتخاف الموضوع هذا وقته والغلا من جد صار ازمه كل بيت والغلا خلاص اعتمدناه مطلب من مطالبنا اللي لازم نلقا له حل.. دمت بخير

عنصرية

هو محورنا الأول فأنتظروني

وتقبلي تحياتي

عريس المجالس · 03-09-2007, 03:17 PM

اقتباس

الكاتب : مهندس الحياة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هلا اخوي عريس ومن جد دائماً مواضيعك ذات اهداف بعيدة المدى ( أرض جو) راح أكون متابع لهالموضوع اللي أعتبرة معقب المنتدى وراح ابذل قصارى جهدي لتسهيل الوصول للأهداف الحكومية وعلى سبيل المثال لا الحصر أمانة منطقة الرياض (وما تقدمة من خدمات للمواطنين) ولعل مشاركتي بموضوع [عزيزي الزائر يتوجب عليك التسجيل لمشاهدة الرابط للتسجيل اضغط هنا] بوابة لطرح الطلبات [عزيزي الزائر يتوجب عليك التسجيل لمشاهدة الرابط للتسجيل اضغط هنا] [عزيزي الزائر يتوجب عليك التسجيل لمشاهدة الرابط للتسجيل اضغط هنا] يداً بيد لرياضنا الحبيبة

حياك الله أخوي الغالي مهندس الحياة

شاكر ثنائك يالغالي وهذه شهادة أعتز بها ووسام على صدري

يسعدني تواجدك ومتابعتك لإيصال أصواتنا للمسؤولين

وتقبل تحياتي

عريس المجالس · 03-09-2007, 03:18 PM

اقتباس

الكاتب : فتـــــــMـــــــو [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	اشكرك اخوي السبع على طرح هالمشكله لكن هالموضوع بالذات اللي هو غلا الاسعار اصبح ظاهره تروح وتجي بين فتره وفتره لكن الظاهر هالمره بتبتل وتصير قاعده والغلا اللي كان حاصل سابقا كان المتضرر الاول والاخير ذوي الدخل البسيط لكن الغلا الفاحش هذا رح يتضرر منه حتى الدخل المتوسط واللي اقدر اقوله هو ابشروا بارتفاع نسبة الفقر هنا

حياك الله أختي فتو

لاتستعجلي فحديثنا سيكون بإذن الله في موضوع منفصل

وتقبلي تحياتي

عريس المجالس · 03-09-2007, 03:23 PM

اقتباس

الكاتب : منآقيش يـ/قلب العنا [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	والله انا عندي هموم واجد...واحس اني بصيح يوم قريت موضوعك.. انا مواطن سعودي بالغ عاقل ذكر حر... اول شي عشان ماقطع وارد اللي ردوا قبلي...أقول الأسعار اللي يفحم عدوكم انتم ..ليه كذا علينا؟!!ا حنا ترى شعبكم وحنا عماد الوطن...وحنا حماة الوطن...وحنا الماضي والحاضر والمستقبل...مثل ماكل الشعوب تعد نفسها كذالك بالنسبه لأوطانها.. يعني تبون تهسترون فينا ولا وش السالفه؟! ولا عاد يجي ذاك الوزير الحبيب ويطلعي على القناة الحلوه وهو لابس ذيك البشت اللي قيمتها 8 آلاف اذا ماهي زود...ثم يقول يآخي ماهي صعبه(اشتر البديل للسعله وشوله تشتري الزين)!! ماقوووووووووووووووووول الا...حسبي الله ونعم الوكيل بس. _ _ _ _ _ _ _ _ _ _ _ _ _ _ _ _ _ _ الهم الثاني: أتمنى من جميع المسؤولين في الجامعات والقائمين على النظام التعليمي الجامعي والكوادر التعليميه ....انهم يشوفون لنا حل بشلــة الدكاتره المهبل اللي عندنا بالجامعات!! يعني بالعربي يحشرووونهم بنظام زي الناس ماهو نظام انت يالدكتور ابوها وسمها!! يعني تلقا الظلــم ماهو طبيعي في رصد الدرجات..وتلقا المحسوبيات شغاله صح...وتلقا تسيب...وتلقا دونيه بالتعامل من قبل الدكاتره مع الطلاب...وكأن الطلاب ناس لايستحقون الأحترام!! ويقلعوووون عننا زمرة الدكاتره الأجانب اللي فيهم تكبّر وظلم ومحسوبيات وفيهم تقليل من همة الطالب بأي شكل كان. ,,صوره مع التحيه لدكاترة (جامعة الملك سعود(قسم الهندسه العماريه)),, _ _ _ _ _ _ _ _ _ _ _ _ _ _ _ _ _ _ _ همي الثالث: نرجوا من المسؤولين...وضع اماكن تحتـــضن الشبـــــــــــــــــــــــــــــــــــــــــــاب( الله يرحم والديكم) تكفووووون<<<<وش نسوي فيكم كود نترجاكم عشان تسوون.. ماهو تحطون لي شارع(التحليه) وتحطلي خمس طعشر مقهى وتقولي هذا ترفيه!!...ولا لابغيت تطلب من ذيك الكوفي شوبات وانت عازم ثنين من اخوياك لازم نص مكافأة الجامعة تروح بليله وحده!! وش المانع من وضع ملاعب وصالات ألعاب وتبني مشاريع ترفيهيه شبابيه( حكوميـة) وتنظم بطرق معينه ويكون المبالغ رمزيه وتعود بالفائده على الشباب؟!\ / \ / \ / بالله انتم تدرون وين نص شباب الرياض؟؟ والله اني اجزم انهم بالمقاهي وشيشه وبلوت وقناة(غنوه)!! 8 8 8 8 هذا بالله هو احتضان الشباب وتبني افكارهم والعمل بكل السبل على رقي أفكارهم وثقافاتهم!! _ _ _ _ _ _ _ _ _ _ _ _ __ _ _ \ / \ / \ / \ / \ تراي برجع مره ثانيه...بس انها خنقتني العبره اللحين!! \ / \ / \ / \ / \ منآقيش يـ/قلب العنا

حياك الله أخوي مناقيش

أعجبتني همومك ومطالبك

غلاء الأسعار إتفقنا على أنه المحور الأول

وبإذن الله الأماكن الترفيهية سأطرحه للتصويت في المرة الثانية

يسعدني تواجدك ومتابعتك بأي وقت

وتقبل تحياتي

عريس المجالس · 03-09-2007, 03:25 PM

اقتباس

الكاتب : اسمحلي الرياض وبس [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	والله انبحت حلوقنا وحنا نطالب ونطالب..ولاكن لاحيـات لمن تنادي.. أنا مطالبي من مطالب الأخوان والأخوات السابقين..لكن عندي شي ابقوله... ياهيئه الرياض راعونا.. ياامانه الرياض راعونا.. الشباب ويـــــن يروحون لــــــه..؟ مافيه الا مقاهي..والمقاهي كلها شيشه..طيب انحن محنب راعين شيشه.. وين نررررررررررروح.....! طيب افتحوا لنا اسواق..او مثلاً خلوا الاسواق يوم السبت والأحد مثلاً للرجال فقـط.. ليش كلش عوائل حنا وين نروحله..واذا رحنا للسوق..جت الهيـئه وكرشتنا والا للقسم تشقلنا..

حياك الله أخوي الغالي إسمح لي

ومطلبك رائع وبإذن الله سيكون في المحور الثاني

إنتظرنا فقط

وتقبل تحياتي

عريس المجالس · 03-09-2007, 03:27 PM

غلاء الأسعار في المواد الغذائية والبناء والعقارت

وفي كل مكان

سيكون محورنا الأول بإذن الله في النقاش

فأنتظروني في موضوع منفصل

وتقبلوا تحياتي

عريس المجالس · 03-09-2007, 08:03 PM

تمت إضافة الموضوع الأول

حياكم الله هنااك

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

وتقبلوا تحياتي

مجلس الرياض

خاص بالمواضيع المتعلقة بمدينة الرياض

لـ أهالي الرياض .. هموم ومطالب وآمال ،، من هنا

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

03-09-2007, 09:27 PM	#30
بنت الاديب مشرفة مجالس الأسرة والمجتمع لـمـعـة الـمـاس