مجلس الرياض

واو الجماعة · #1

تزيد على نسبة 60% نسبة الشباب في المملكة العربية السعودية , نسبة لايستهان بها تحتضن العاصمة الرياض القسم الأكبر والعدد الأكثر لكونها الأولى في المملكة , مع تزايد عدد الشباب وكثرتهم , وحين استقراري في العاصمة الرياض منذ عام تقريبا وبقربي من مثوى الشباب ومقرهم " التحلية " تبادر لذهني سؤال ذات مرة ماذا عن نفسية هؤلاء الشباب ؟
كان هذا السؤال طريق لي إلى تحليلات وتخمينات كثيرة وصلت بعضها لعدة تفسيرات تحليلية نفسية قرأتها من حياتهم وممارساتهم ..

* نفسية الشاب " الرياضي " نفسية قلقة مظطربة لم تجد السعادة بعد متذبذبة تغلب على عقولهم الجهل والسفاهة والطيش تطول مراهقة أغلبهم إلى إلى الخامسة والثلاثين أغلبهم فاقيدن لذواتهم لسببين إما لكنهم بين أسرة غنية مترفة لايوجد في قاموس بيتهم الاستقرار والسكينة وإلا أنه من أسرة فقيرة لايجد في نفسه راحة وطمأنينة , والعاصمة الرياض لاتوجد فيها طبقة وسطى هذا ماأظنه ..!

* شباب الرياض يفتقد إلى هويته بات شابا يعيش للاشئ وإنما للفراغ يمل من الفراغ ثم الفراغ يقتله ..

* شباب الرياض قنبلة موقوته ورشاش يرمي ضررهم أكثر من نفعهم ..

* "وتؤكد الدكتورة "نادية لشهب"، أستاذة علم النفس الاجتماعي، على أن العازب يعاني دائما من القلق، وشعوره المستمر بالاكتئاب يمكن أن يؤدي به إلى التفكير في أي " عمل " ؛ ليتخلص من حياته التي يراها عبئا عليه، ويعمق هذا الأمر شعور الرجل العازب أحيانا بأنه أقل من الرجل المتزوج " وهذا يظهر حيث قد يعتريه إحساس وهمي بأنه غير مرغوب فيه اجتماعيا, لذلك نلاحظ هذا في ممارساته ورغبته في إظهار ذاته وفرضها تظهر جليا في سلوكياته الغريبة والشاذة أحيانا بين جيرانه أو حتى أهله وتضيف الدكتورة "إن العازب غالبا ما يفسر تصرفات الغير على أنها رد فعل على عزوبيته أو أنها موقف سلبي منه، وهذا إحساس مضخم من طرفه، ينبغي عليه تجاوزه وإلا وقع في مشاكل نفسية عويصة، منها سلوكه نهج العنف ضد الآخر كتعويض نفسي داخلي على ما يختلج صدره من الشعور بأن شيئا ما ينقصه، أو نهجه حياة العزلة عن المجتمع، وكلها مصاعب نفسية جديرة بالعلاج الفوري حتى لا يتفاقم الوضع أكثر. .."

*ويمثل العزاب في السعودية نسبة كبيرة من شريحة الشباب التي تمثل 60% من المجتمع السعودي، فيشير تقرير صدر عن الهيئة السعودية العليا لتطوير مدينة الرياض إلى أن نسبة العزاب في العاصمة بلغت عام 2004 نحو 24% من إجمالي الذين تبلغ أعمارهم 22 عاما فأكثر، سواء من السعوديين أو الأجانب لذلك هذا العدد المخيف ربما نسبة قليلة منهم ولت وجهها نحو الإيجابية والإنتاجية ولكن الكثير منهم تائه لايجدأ ملجأ أو مغارا أو متكأ وذلك لعد اسباب منها أن الكثير منهم يشعر بالرفض من قبل مجتمعه وذويه بسب تهمة " العزوبية " فهو يبحث عن منفس ومخرج وفي أحيان ألوم المجتمع لرفضهم لهم بإبعادهم عن متنزهات الناس وأسواقهم وفي أحيان كثير أحمد الله أن كفانا شرهم ولازلت بين هذين الصراعين ..

أنا لاأعمم ولكن أعظن أنه الأعم الأغلب !!

وأخبركم بحق أني بت أخشى من الشباب أو القرب منهم ..!

أرجوا من المسؤلين البحث عن طريقة لتوعيتهم وتطويرهم أو إبعادهم وتغييبهم عن المجتمع ؟
...

آسف للإطالة ولكن أترك لكم بقية التحليل ..
أخوكم الإليكتروني الجديد وصديقكم واو الجماعة

NAWAF · 19-01-2008, 01:33 AM

يا هلاا وغلاا اخوووي وااااااو

موضووع جدا جميييل و شيق ومهم جداا لنا مناقشته وايجاد حلول له ..

اخوي انا اختلف معك في كثير من الامور اللي ذكرتها

اخوي انت الحين قاعد تتكلم عن شباب الرياض .. وكأنك تتكلم عن اعداء او اشخاص ما تبي لهم الخير

خصوصا بعد ما شفتك تقول

اقتباس


	أرجوا من المسؤلين البحث عن طريقة لتوعيتهم وتطويرهم أو إبعادهم وتغييبهم عن المجتمع ؟

اخوي الغالي .. الشباب هذولي .. فيه منهم اخوك وصديقك ...

يعني لما تبغى تتكلم عنهم .. المفروض انك تفكر كيف صارو بهالوضع هذا .. وكيف ممكن نحسن اوضاعهم ..

وكيف المشاكل هذي ما تنتقل للاجيال اللي بعدنا ..

اول شي ..

اقتباس


	وبقربي من مثوى الشباب ومقرهم " التحلية " تبادر لذهني سؤال ذات مرة ماذا عن نفسية هؤلاء الشباب ؟ كان هذا السؤال طريق لي إلى تحليلات وتخمينات كثيرة وصلت بعضها لعدة تفسيرات تحليلية نفسية قرأتها من حياتهم وممارساتهم ..

حلو .. مثوى الشباب على قولتك .. التحليه

طيب .. ممكن سؤال .. وش الاماكن المتاحه للشباب انهم يروحون لها ؟

المقاهي ..؟؟ " مقاهي الشيشة والمعسل "

وش بعد

امممممممممممممممم .. ولا شي ؟؟!!

معقوله .. ولا شي ؟؟

يعني .. ما فيه مكان متاح .. غير مكان .. ممكن يضره .. هذا اذا كان يسمح له بالدخول ؟؟؟

كل شي مقفل في وجه الشاب اللطيف ..

فلنفرض انه جامعي .. جامعي يعني يفحط في هالجامعه .. ومراكض ورا دكاترة .. وتحبيب رجول عشان احتمال انه ينجح

والدكتور اذا وده ينجحه ينجحه ... واذا وده يرسبه يرسبه .. ويدرس هالماده مرتين وثلاثه واربعه عند نفس الدكتور

ولا اي احد يقدر يقول شي .. او يتدخل

يرجع البيت يدرس .. طبعا اذا قلنا انه شاطر يعني ..

يعني فيه شي خلاه يتحمس انه يدرس .. بوجود هالدكتور اللي يحدد نهاية هالماده على كيف امه

وبعدها .. الولد يبغى يرفه عن نفسه ..لحظة لحظة ... قبل الاماكن..

الحين الواحد يبي يتمشى ..

فيها شي الواحد يتمشى ..؟؟!!

عادي

المفروض ان الواحد يطلع يغير جو .. بين فترة وفترة

طيب .. وين يروح ؟

وين يتمشى فيه ؟

ابي شارع واحد .. يتمشى فيه الواحد ..

طبعا ما فيه اجابة غير التحلية

ما اتوقع فيه احد شاطح بيتمشى في الدائري بين التريلات

او يتمشى في طريق المعذر كنه مب صاحي

الواحد يتمشى له في مكان .. الناس تجتمع فيه ومقاهي حلوة ومحترمة

ما فيه غير التحليه ..

ناس من جنوب الرياض وشمال الرياض ومن كل مكان .. تجي تتمشى في التحليه

وكل واحد ... يعبر عن نفسه .. فيه من يجي يتمشى باحترامه .. وفيه من يجي ويخرب الشوارع ويحوس الدنيا

اقتباس


	* نفسية الشاب " الرياضي " نفسية قلقة مظطربة لم تجد السعادة بعد متذبذبة تغلب على عقولهم الجهل والسفاهة والطيش تطول مراهقة أغلبهم إلى إلى الخامسة والثلاثين

حلوو ... ممكن سؤال ...

من السبب ؟؟

كذا الشاب .. طلع مظطرب متذبذب على قولتك ..

لو الشاب توفر له .. تعليم زي الناس .. ويتربى في مدرسته وبيته .. وتوفر له اماكن تسعده وتغنيه عن الدوران في الشوارع

ما صار كذا ..

لو وفرت له وظيفه ..

يعني الموضوع ما صار موضوع وظيفه زينه وشينه

لا صار احقر من كذا بكثير

لو وفرت له وظيفه .. وعسى يلقى له وظيفه .. بيجلس مظطرب ومتذبذب ؟

الناس تفحط اربع خمس سنين في جامعات .. وفي الاخير تتكي في بيتهم

والله ما حصل وظيفه ..

انت وش رايك .. ؟؟

العاطل هذا وش يسوي ؟

اهم شي في هالبلد ...ومستقبل هذا البلد .. قاعد بدون عمل .. ومعه شهادته !!!

اقتباس


	أغلبهم فاقيدن لذواتهم لسببين إما لكنهم بين أسرة غنية مترفة لايوجد في قاموس بيتهم الاستقرار والسكينة وإلا أنه من أسرة فقيرة لايجد في نفسه راحة وطمأنينة , والعاصمة الرياض لاتوجد فيها طبقة وسطى هذا ماأظنه ..!

معليش اخوي .. ما فيه شي هنا .. اسمه .. اغنيا وفقرا بس

لا فيه ناس حالتهم الماديه وسط

وطبقى وسطى ..

وفيه أسر الحمدلله والشكر عايشين بأمان وطمأنينة ..

وكثير موجودين كذا .. الحمدلله

صح البيت ممكن يطلع شاب .. فيه مشاكل مخليته انسان غير سوي ..

لكن اللي مسبب فراغ الشباب .. سوء التعليم .. وعدم التوظيف .. واشياء كثيرة ..

تخيل يعني .. واحد عنده مشكلة نفسيه من اهله .. وطلع ولا لقى له وظيفه ..

ولا قبلوه في اي مكان ..

وش بتصير حياته ؟؟

خلني استعجل واروح للقسم الاخير .. اللي عن الزواج والعزابيه

مشكلة مع اهله .. ولا لقى وظيفه .. وانت ودك انه يتزوج .. شلون ؟؟

انا مااقول ان شباب الرياض مساكين وانهم احسن شباب في الدنيا ..

لكن هالهبال الي فيهم وهالخبال .. ما طلع الا من عدم توفير ما يحتاجه الشااااب الرياضي على قولتك ..

اقتباس


	* شباب الرياض قنبلة موقوته ورشاش يرمي ضررهم أكثر من نفعهم ..

ظلمت شباب الرياض

والله ان شباب الرياض اصحى واعقل وافهم من اللي شباب كل الدول الي حولنا مع احترامي لهم

لكن للاسف .. فراغهم اللي صار لهم .. خلاهم يكونون أقل مكانه من الي هم المفروض يكونون فيه ..

طيب

فيه شباب سعوديين .. ربي وفقهم .. وشرفونا واشتغلو في ماكدونالد وغيره من المطاعم ونفخر فيهم ونفرح بشوفتهم

هذولي ضررهم اكثر من نفعهم ؟

صح ادري انك ما عممت .. لكن مب الاغلب هم اللي يضرون بلدك ..

اقتباس


	* "وتؤكد الدكتورة "نادية لشهب"، أستاذة علم النفس الاجتماعي، على أن العازب يعاني دائما من القلق، وشعوره المستمر بالاكتئاب يمكن أن يؤدي به إلى التفكير في أي " عمل " ؛ ليتخلص من حياته التي يراها عبئا عليه، ويعمق هذا الأمر شعور الرجل العازب أحيانا بأنه أقل من الرجل المتزوج " وهذا يظهر حيث قد يعتريه إحساس وهمي بأنه غير مرغوب فيه اجتماعيا, لذلك نلاحظ هذا في ممارساته ورغبته في إظهار ذاته وفرضها تظهر جليا في سلوكياته الغريبة والشاذة أحيانا بين جيرانه أو حتى أهله وتضيف الدكتورة "إن العازب غالبا ما يفسر تصرفات الغير على أنها رد فعل على عزوبيته أو أنها موقف سلبي منه، وهذا إحساس مضخم من طرفه، ينبغي عليه تجاوزه وإلا وقع في مشاكل نفسية عويصة، منها سلوكه نهج العنف ضد الآخر كتعويض نفسي داخلي على ما يختلج صدره من الشعور بأن شيئا ما ينقصه، أو نهجه حياة العزلة عن المجتمع، وكلها مصاعب نفسية جديرة بالعلاج الفوري حتى لا يتفاقم الوضع أكثر. .."

حلوووووووووو

طبعا كلام الدكتورة مااراح اعلق عليه .. لاني انا اقل من اني اناقش دكتورة

لكن خلنا نطبق هالكلام على وضعنا

اذا تبي تتزوج .. لازم تشتغل ..

واذاا تبي تشتغل .. لازم تدرس في جامعه اقل شي في وقتنا الحاضر

واذا تبي تدرس في جامعه .. لازم نسبتك تكون جيده غير نسبة اختبار القياس اللي بياخذون عليك 100 ريال للاختبار الواحد

طيب

خلنا نقول مثال بسيط ...

ربي وفقني ودخلت الجامعه .. وتخرجت .. ونسبتي يعني مب مرة .. يعني خلنا نقووووول

على سبيل المثال

جيد

حلو ؟؟

وتوظفت وراتبي 4000 ريال .. مثلن

باتزوج الحين

خلاااص الحين وقت الاستقرار على قولتهم

المهر وشبكة وخرابيطها ؟؟؟

شهر عسل ؟؟؟؟

وين بتسكن ؟؟

واذا حسبتهم كلهم .. لا تنسى تحسب حساب .. غلاء اسعار الرز والعقار وكل شي

وعلمني وقتها اذا الزواج سهل ولا لا ..

عشان نقدر ننقص نسبة العزوبية في الرياض ..

اقتباس


	وأخبركم بحق أني بت أخشى من الشباب أو القرب منهم ..!

اذا لم تكن جزء من الحل .. فأنت جزء من المشكلة ..

توتة · 19-01-2008, 01:42 AM

موضوع يخص شباب الرياض بشكل خاص ..

اترك الفرصه لشباب الرياض للحديث عن انفسهم وعن الواقع اللي يعيشوونه

والمفرووض مايكون هناك تعميم لانه ظلم لشباب الرياض لنكن اكبر من هذا الظن قليلاً

......

نواف ..بجد فكر راقي اهنيك عليه ...

دمتم بخير

مليت · 19-01-2008, 07:55 AM

نفسيـة الشبـاب محطمــة
لا وظايف والتعليم لك عليه
وارتفعت المعيشة وامور اخرى ..

يعطيــك العافيــة ..

المجهول · 19-01-2008, 11:04 AM

اقتباس

الكاتب : NAWAF [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	يا هلاا وغلاا اخوووي وااااااو موضووع جدا جميييل و شيق ومهم جداا لنا مناقشته وايجاد حلول له .. اخوي انا اختلف معك في كثير من الامور اللي ذكرتها اخوي انت الحين قاعد تتكلم عن شباب الرياض .. وكأنك تتكلم عن اعداء او اشخاص ما تبي لهم الخير خصوصا بعد ما شفتك تقول اخوي الغالي .. الشباب هذولي .. فيه منهم اخوك وصديقك ... يعني لما تبغى تتكلم عنهم .. المفروض انك تفكر كيف صارو بهالوضع هذا .. وكيف ممكن نحسن اوضاعهم .. وكيف المشاكل هذي ما تنتقل للاجيال اللي بعدنا .. اول شي .. حلو .. مثوى الشباب على قولتك .. التحليه طيب .. ممكن سؤال .. وش الاماكن المتاحه للشباب انهم يروحون لها ؟ المقاهي ..؟؟ " مقاهي الشيشة والمعسل " وش بعد امممممممممممممممم .. ولا شي ؟؟!! معقوله .. ولا شي ؟؟ يعني .. ما فيه مكان متاح .. غير مكان .. ممكن يضره .. هذا اذا كان يسمح له بالدخول ؟؟؟ كل شي مقفل في وجه الشاب اللطيف .. فلنفرض انه جامعي .. جامعي يعني يفحط في هالجامعه .. ومراكض ورا دكاترة .. وتحبيب رجول عشان احتمال انه ينجح والدكتور اذا وده ينجحه ينجحه ... واذا وده يرسبه يرسبه .. ويدرس هالماده مرتين وثلاثه واربعه عند نفس الدكتور ولا اي احد يقدر يقول شي .. او يتدخل يرجع البيت يدرس .. طبعا اذا قلنا انه شاطر يعني .. يعني فيه شي خلاه يتحمس انه يدرس .. بوجود هالدكتور اللي يحدد نهاية هالماده على كيف امه وبعدها .. الولد يبغى يرفه عن نفسه ..لحظة لحظة ... قبل الاماكن.. الحين الواحد يبي يتمشى .. فيها شي الواحد يتمشى ..؟؟!! عادي المفروض ان الواحد يطلع يغير جو .. بين فترة وفترة طيب .. وين يروح ؟ وين يتمشى فيه ؟ ابي شارع واحد .. يتمشى فيه الواحد .. طبعا ما فيه اجابة غير التحلية ما اتوقع فيه احد شاطح بيتمشى في الدائري بين التريلات او يتمشى في طريق المعذر كنه مب صاحي الواحد يتمشى له في مكان .. الناس تجتمع فيه ومقاهي حلوة ومحترمة ما فيه غير التحليه .. ناس من جنوب الرياض وشمال الرياض ومن كل مكان .. تجي تتمشى في التحليه وكل واحد ... يعبر عن نفسه .. فيه من يجي يتمشى باحترامه .. وفيه من يجي ويخرب الشوارع ويحوس الدنيا حلوو ... ممكن سؤال ... من السبب ؟؟ كذا الشاب .. طلع مظطرب متذبذب على قولتك .. لو الشاب توفر له .. تعليم زي الناس .. ويتربى في مدرسته وبيته .. وتوفر له اماكن تسعده وتغنيه عن الدوران في الشوارع ما صار كذا .. لو وفرت له وظيفه .. يعني الموضوع ما صار موضوع وظيفه زينه وشينه لا صار احقر من كذا بكثير لو وفرت له وظيفه .. وعسى يلقى له وظيفه .. بيجلس مظطرب ومتذبذب ؟ الناس تفحط اربع خمس سنين في جامعات .. وفي الاخير تتكي في بيتهم والله ما حصل وظيفه .. انت وش رايك .. ؟؟ العاطل هذا وش يسوي ؟ اهم شي في هالبلد ...ومستقبل هذا البلد .. قاعد بدون عمل .. ومعه شهادته !!! معليش اخوي .. ما فيه شي هنا .. اسمه .. اغنيا وفقرا بس لا فيه ناس حالتهم الماديه وسط وطبقى وسطى .. وفيه أسر الحمدلله والشكر عايشين بأمان وطمأنينة .. وكثير موجودين كذا .. الحمدلله صح البيت ممكن يطلع شاب .. فيه مشاكل مخليته انسان غير سوي .. لكن اللي مسبب فراغ الشباب .. سوء التعليم .. وعدم التوظيف .. واشياء كثيرة .. تخيل يعني .. واحد عنده مشكلة نفسيه من اهله .. وطلع ولا لقى له وظيفه .. ولا قبلوه في اي مكان .. وش بتصير حياته ؟؟ خلني استعجل واروح للقسم الاخير .. اللي عن الزواج والعزابيه مشكلة مع اهله .. ولا لقى وظيفه .. وانت ودك انه يتزوج .. شلون ؟؟ انا مااقول ان شباب الرياض مساكين وانهم احسن شباب في الدنيا .. لكن هالهبال الي فيهم وهالخبال .. ما طلع الا من عدم توفير ما يحتاجه الشااااب الرياضي على قولتك .. ظلمت شباب الرياض والله ان شباب الرياض اصحى واعقل وافهم من اللي شباب كل الدول الي حولنا مع احترامي لهم لكن للاسف .. فراغهم اللي صار لهم .. خلاهم يكونون أقل مكانه من الي هم المفروض يكونون فيه .. طيب فيه شباب سعوديين .. ربي وفقهم .. وشرفونا واشتغلو في ماكدونالد وغيره من المطاعم ونفخر فيهم ونفرح بشوفتهم هذولي ضررهم اكثر من نفعهم ؟ صح ادري انك ما عممت .. لكن مب الاغلب هم اللي يضرون بلدك .. حلوووووووووو طبعا كلام الدكتورة مااراح اعلق عليه .. لاني انا اقل من اني اناقش دكتورة لكن خلنا نطبق هالكلام على وضعنا اذا تبي تتزوج .. لازم تشتغل .. واذاا تبي تشتغل .. لازم تدرس في جامعه اقل شي في وقتنا الحاضر واذا تبي تدرس في جامعه .. لازم نسبتك تكون جيده غير نسبة اختبار القياس اللي بياخذون عليك 100 ريال للاختبار الواحد طيب خلنا نقول مثال بسيط ... ربي وفقني ودخلت الجامعه .. وتخرجت .. ونسبتي يعني مب مرة .. يعني خلنا نقووووول على سبيل المثال جيد حلو ؟؟ وتوظفت وراتبي 4000 ريال .. مثلن باتزوج الحين خلاااص الحين وقت الاستقرار على قولتهم المهر وشبكة وخرابيطها ؟؟؟ شهر عسل ؟؟؟؟ وين بتسكن ؟؟ واذا حسبتهم كلهم .. لا تنسى تحسب حساب .. غلاء اسعار الرز والعقار وكل شي وعلمني وقتها اذا الزواج سهل ولا لا .. عشان نقدر ننقص نسبة العزوبية في الرياض .. اذا لم تكن جزء من الحل .. فأنت جزء من المشكلة ..

^
^
^
كبييير يا بن عمي

قسمن بالله كفيت ووفيت

ولا ازيد عليك ولا حرف

مشكور على هالطرح يا واو الجماعه

تقبل تحياتي...

واو الجماعة · 19-01-2008, 02:29 PM

* مرحبا بك أخي الفاضل نواف ..
فرصة سعيدة نتعرف عليك وعلى مستوى تفكيرك ووعيك ..
حقيقة أجدك شخص متقبل للحوار وتمتلك نفس طويل وروح رياضية عالية في تعاملك مع الرأي الآخر لكن يظهر جليا انتقائيتك في الحوار وأخذك لماترغب وإبعادك لمالاتحب ..

*مثلا تعليقك على بغضي للشباب بقولي إبعادهم وتغييبهم بينما لم تستشهد بحبي لهم ومودتي لهم بقولي بأهمية تطويرهم ؟؟
أرجوك يانواف عيب عليك كذا تتهمني !!
خلك واقعي ومنطقي فقط لاأريدك معي ولايهمني أن تكون ضدي تعلم أن تكون واقعي وصادق بعيدا عن التزييف فأنت صاحب خبرة طويلة في المنتديات ..

* أنا لايهمني أن يكون الشخص صديقي أو أخي أو ابني حينما يكون شريرا فلاتعضني بذلك سنهجره بلاتردد ونهرب منه بلاهواده ..

* أعتقد أني ذركت بعض الأسباب وطلبت منكم المساعدة فقرأ المقال مرة ثانية حتى يظهر لك ماخفي فيه ..

* بعد ذلك يبدوا أنك اقتنعت من كلامي فبدأت تطرق حلولا لهؤلاء الشباب أشكرك عليها ..

* أعتقد أني جزء من الحل من خلال ماكتبته في هذا المقال من دعوة للتوعية أو تغييب لهم في أماكن السجون ومآوي المزعجين ..

أرجوكم إفهموني نريد أن نعيش عيشة آمنة مطمئنة بعيدة عن أفلام الرعب والحركات البهلوانية نريد أن نعيش بحرية صادقة ليست حرية مهددة نريد أن نعيش بوعي وثقافة ونضج وليس بفوضى وضياع وهجوله ..
أتمنى تكون فهمتوني ياأستاذي نواف أكرر شكري لك على وجودك وحوارك ..محبك / واو الجماعة

واو الجماعة · 19-01-2008, 02:35 PM

الأخت توته ربما لم تري مارأيت لذلك معذورة ..

ثانيا نواف داخل ويحمل فكراراقي أهنئه على ذلك

الغالي مليت تشرفت بمرورك وتحليلك
والله يعين ويستر من القادم ..

الصديق المجهول :
ترى إحنا هنا بمكان حوار ونادي ثقافي ماحنا بشاعر المليون أو مزاين الإبل ابن عمي ابن خالي ..
أتمنى أن ننزع في حواراتنا عصبيتنا القبيلية وتقوقعنا على ذواتنا ..
باستطاعتي أن اخبركم من أنا ومن أي قبيلة حتى أصل لقلوب كثير منكم ولكني فقط أريد من يقتنع بي ليس لنسبي وإنما لفكري

NAWAF · 19-01-2008, 04:52 PM

هلاا وغلاا فييك اخوي الغالي واااو الجماعه

اول شي احب ابين اني جدا سعيد بهالحوار الرائع .. لان اللي يحاورني في قمة الادب والاحترام ..

وهذا الشي خلاني ما اتردد وارجع لهالموضوع وارد ثانية ..

اخوي الغالي .. خلنا نرجع لكلامك شوي ..

اقتباس


	*مثلا تعليقك على بغضي للشباب بقولي إبعادهم وتغييبهم بينما لم تستشهد بحبي لهم ومودتي لهم بقولي بأهمية تطويرهم ؟؟ أرجوك يانواف عيب عليك كذا تتهمني !!

اخوي واو .. يمكن انك ما فهمت نقطتي زين .. لما قلت ان المفروض الواحد لما يبغى يحل مشكلة للشباب ..

يحط بعين الاعتبار ان هالشاب .. ممكن يكون اخوه او صاحبه .. او على الاقل .. يعتبره اخوه

وش قصدي باخوه او صاحبه ..

اقصد بانه يحبه ويبي له الخير ..

وانت لما قلت حلول الله يجزاك خير ..

مب كلها تصب في مصلحة هالشاب ..

قلت

اقتباس


	أرجوا من المسؤلين البحث عن طريقة لتوعيتهم وتطويرهم أو إبعادهم وتغييبهم عن المجتمع ؟

يعني الخيار الاول مقبول .. ما نقول فيه شي .. لكن الخيار الثاني .. مااتوقع انك راح تغيب اخوك عشانه ما قدر يتطور ..

او انه سبب مشاك

مجلس الرياض

خاص بالمواضيع المتعلقة بمدينة الرياض

قراءة جريئة في نفسية شباب الرياض

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور