مجلس الرياض

m3ax · #1

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

اذا كنت في الريــاض ...
الصباح دوامات (زحمة)
الظهر من الدوام الى البيت (زحمة)
العصـر ايضا من الدوام الى البيت و مسيار عصري (زحمة)
المغرب الوقت المسموح للشاحنات و ... (زحمة)
العشــاء الوقت المفضل للأغلبية ( زحمة)

الدوام الساعة 7,5 والخروج من المنزل الساعه 6,5 والمسافة لا تتعدى سو كيلو مترات
بسبب .....( الزحمة)

مــافيه يـوم سمعــنــا في أخبــار الريـــاض ..(لايوجد حوادث)
> اللي تجي عــلى إذاعــة mbc.fm من الرائــد (ابراهيــم أبو شـرارة) كــل صبــاح فـي بـرنامـج (صبـــاح الريـــاض)

في الصيــن ..
الشعب دبل الشعب السعودي ومع هـذا .. لا يوجد زحمة
ليش اذا قالو زحمة على طول يجي ببالك شوراع الريــاض

الشوارع المعروفة بتزاحمها في الرياض
( طريق خريــص) معروف بالازدحام وخاصة عند دوار القاعده وعند كبري الخليج
(الدائري الشــرقي) ..-طريق المطار ذهاب عودة-
(الدائري الجنوبي) .. -طريق مكة المكرمة-
(طريق الملك فهد) - من الجنوب الى الشمال والعكس
(شارع العليـا العــام)
والقائمــة تطــول ....

حبيت آخــذ آرائــكم واقتراحـــاتكم للحلول للتخفيــف من زحمــة الريــاض المزمنـــة

me · 28-03-2008, 08:53 PM

هلا حبيبي

تم نقل الموضوع

ليأخذ حقه في الردود في المجلس المناسب

تقبل تحياتي

دايم ؟ · 28-03-2008, 11:29 PM

اقسم بالله تكره الساعه اللي يجيك فيها مشوار مهم
والاسباب طبعا تتحملها كل القطاعات المعنية
المرور
التعليم العالي
العمل
المالية
.
.
.
الكل مسؤول و اخر همهم المواطن المسكين

صنقور · 29-03-2008, 08:16 AM

أنا برأيي يا جماعة إن كثر الاشارات في الشوارع الفرعية هو الي يخلي الزحمة في الشوارع العامة

أنا عن نفسي أفضل إني أروح للمشوار من الطريق الطويل إلي ما فيه إشارات عن الطريق القصير الي مليان اشارات

وهذا الي يسبب الضغط على الشوارع الرئيسية مثل الملك فهد وخريص

ولا أنتم وش رايكم

عـبدالعزيز · 29-03-2008, 09:03 AM

حياك الله اخوي

ايه والله زحمه

اتوقع من الاسبااب ان اماكن الاعمال في مكان واحد

وايضا من اسباب الزحام انه في بعض المناطق لايوجد مراكز تجاريه وخلافه

تحيتي

m3ax · 29-03-2008, 01:16 PM

هـلا وغـلا

الله يعطيــكم العــافيـــة

أنا ودي إن كـل واحد يجيــب لـنا حــل يشوف إنـه يقـلـل من الزحمة
وراح أبــدأ أنـــا

راح نـضرب مثــال:
طريق خريــص
ليـش ما يكــون اللي رايح ( من الشرق الى الغرب)
واللي راجع ( من الغرب الى الشرق)
يكــون كلّه رايح يعني ( من الشرق الى الغـرب)
يعني يجمعونه في شارع واحــد

ويبنـون واحـد فوق موازي للـشارع بنفـس الحجـم (من الغـرب الى الشـرق)

مافيه شي صعـــب

عصقوله مصقوله · 29-03-2008, 06:18 PM

والله اذا صار المكيف يشتغل ماعندي مشكله لو اقعد ساعتين بالسياره

حزام ابو خالد · 03-04-2008, 10:56 PM

بسم الله الرحمن الرحيم
سبب الزحام هو ام العمال والسواقين اللي عمر الواحد منهم يحلم بسيكل في ديرته ويوم جاء سلموه سياره وهو حتى مامعه رخصه ركوب حمار والبلا من اللي عندنا الواسطه لو يفكونا من السواقين ومن باصات الشركات واللموزينات (وما ادراك من اللموزينات) كان الرياض بخير من الزحمات

candy shop · 04-04-2008, 02:41 PM

آآآآآآآآآآآآآآآه يا الزحمة الرياض

معاناة يوميه بسببهااا

والله حرام

اذا الواحد دوامه 8 ص لازم يطلع 6.30 ولاااا كويس اذا وصل على الوقت

هذا غير اذا انت بتوصل احد لازم تطلع اظن عقب صلاة الفجر الله يعين بس

والله لو يحفرون نفق ارضي من مخرج 11 (عبد الرحمن الغافقي ) الى طريق العروبه

والله لا تخف الزحمه عن طريق خريص

اوووووووووووة موضوع لو بنحكي عنه ما خلصناا

شكرا لك على الموضوع

مريم444 · 04-04-2008, 07:44 PM

السلام عليكم
الله يعينكم على الزحمة تصدقون اني احن للزحمة ياللي تعانون منها تعالو عندنا الشوارع بعد العشاء فاضية تقول مافيه احد بالديرة والجو خياااااااااااااااااااااااال ومشجع للطلعة

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

حيااااااااااااااااااااااااااااكم

مجلس الرياض

خاص بالمواضيع المتعلقة بمدينة الرياض

زحمــة يادنــيـا زحمــة...( آرائـــكـــم)

سقوط امطار على مدينة الرياض خلال هذه الساعات

فعاليات ربيع الرياض ( ممر الزهور )

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق