فنجاااان قهوه...

ااالفــــــرس · 06-04-2007, 09:48 PM

شكـيت ولا شكـيت هـمــوم فـي قـلب ٍ بلـغ حـدّه
وردّ الـمـوج كـم غـيرك يـشيــل الهـم وحدانـي

وصحـت وقـلت لامني رخـيت الحبـل لا تـشـدّه
انا مـاحــدّني لك غـيـر شـــوق ٍ قــام يـحـــدانـي

ملـ البرونز ـكة · 06-04-2007, 09:50 PM

خلنا نفترق

ولا تنسج لي أعذار
ولا أرسم لك أسباب
نقول نصيب
ونكتفي
و ياما
فرق هالنصيب أحباب

النور · 06-04-2007, 09:54 PM

ماسألتك ليه تخطي وإن خطيت
ماسألتك في خطاك البينه
دهشتي كانت لأني ماهقيت
سيفك بدم الجروح تزينه
العزا شلته قصيده وانثنيت
مع طريق(ن)من عرفتك مدمنه

ااالفــــــرس · 06-04-2007, 10:01 PM

صاحبي ما يضحكك بالجرح غير اعذاره ** و انت جرحك لا مموتنـي و لا محيينـي

و مـا يـبـكـي الـقبـر إلا لامشـوا زوّاره ** لا مسـحــت غـبـار آخــر حـفـنـه بكفينـي

ودام ودك تدفـن اللـي بيننـا باسـراره ** ادفـنـه! وإلا أنـا كـيـف أدفـنـه بـيـديـنــي

عـبدالعزيز · 06-04-2007, 10:01 PM

الله غرامه.. بوسـط القلب..قـد صبّه
وش دخّـل الناس لوهـو هـدّّ لي باسي
هذا حبيبي..ربيع العمر..وآحـبه
وأغليه من أسفل اقدامي ليا..راسي

الجادل الاصيله · 06-04-2007, 10:06 PM

اسمحي لي يالغرام العذب يالوجه السمــــوح
ان لزمت الصمت أو حتى لبست الاقنـــــــــعه
اعترف لك ما بقى من عالي الهمه سفــــــوح
انحــــــدر كلي مثل طفل تحـدر مدمـــعــــه
من يبي بالله يفتح لي غلق صدره و ابــــــوح
ضاقت الدنيا بشاعر طيب قلبه ضيـــــــــــــعه
ما قبلنا الحظ قولي وين ابارحل ويــــن اروح
الصبر ياهو يعذب و الاماني موجــــــــــــــعه
اه يا جود الحزن وياي و الفرحه شحـــــــوح
ضايع بهمومي الغبرا بوسط المعمـــــــــــــعه
اشتكي لوسادتي دنياي واسمعها تنـــــــــوح
كنها بعضي وبعضي وين هو من هو مـــــعه
ايه انا و العالم المغرور و الياس اللحــــــوح
خايض حرب الرياح اللي تسوق الاشــــــرعه
مختلط في عبرتي حبر الشقى ودم الجـــروح
ومستوي في نظرتي غرب الوجود و مطــلـعه
عودي المبري بقى به من عطايا الوقت روح
وفصل خامس حاير بين الفصول الاربــــــــعه
وراس مالي ذكريات حلم وأمال و طمــــــوح
لا صديق ولا رفيق ولا طريق واتبــــــــــــــعه
نوب اسافر في سديد الراي ونوب في جنــــوح
مختفي صوت الحقيقه كيف ويش لون اسمعه
سامحيني دام هجري واضح كل الوضــــــوح
واسمحي لي بالرحيل بلا تذاكر وامتــــــــــــعه

عـبدالعزيز · 06-04-2007, 10:08 PM

^
^
^

حلووهـ

ليتك تدور عن حبيبك..وتنصاه
وتضم جرحه..عل جرحه يطيبي
ليتك تحس بلوعته.. يوم تجفاه
كلّ الهموم بغيبتك.. به تغيبي
منك انتظرنا بس لوقلت ..عزاه
يكفي من المحبوب كلمة حبيبي
لو قلتها..ماقلت في غيبتك آه
يكفيني احساسي بحبك.. قريبي

ااالفــــــرس · 06-04-2007, 10:09 PM

كـم شاعـرٍ دارت عليـه الليالـي
يمسي ويصبح بين حزنـه والأفـراح
وانا ليا فكـرت فيمـا جـرى لـي
اشوف كل الكون ف عيوني اشبـاح ..!

عـبدالعزيز · 06-04-2007, 10:14 PM

ان قلت ما احبك فانا صدق كـذاب
عاشق وكم عشاق مثلى غلابه
فعلا يابنت الجود ذا الحب غـلاب
قيس الملوح حـب ليلـى غدابه
ولا تسالينى ليه اناوانتى احباب
لك حب فى قلبي كتبته كتابه

النور · 06-04-2007, 10:20 PM

ياصديقي هاك صدري وإن لقيت
به مكانن يحمل الطعنه إطعنه
من عرفتك من طعونك ماشكيت
سهمك الطايش ارده واحضنه
كل خوفي من طعونن ماتميت
بس تحفر في جروحي المزمنه

فنجاااان قهوه...

جدول مصابقة البلياردو الدور الثالث ( محدث بالنتائج )

لعبة بلوت نت ......

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق