لـيـلى الـحـمـراء

م ـحـمـد · #1

سلام عليكم

اليوم بعرفكم على طليقتي السابقه ليلى

ليلى من مواليد عام 1995م امريكية الاصل من قبيلة فورد

من فخذ موستنج جي تي

الشاهد كانت الوالده تسميها ليلى زوجتك طبعاً من زود الاهتمام فيها ---(:

كل ست شهور نشتري لها فستان جديد <---- تنجيد مراتب يعني

المهم ياجماعة الخير ليلى هذي كانت مجرمه من جد تحب تتحرج بشباب بذات اهل الكوامري والمكسيمات

من يوقف عندها احد من هـ السيارتين تقوم تتحرش فيه تتدعس بنزين وشكمانها يطرطر طررررررررررررررررررررررررررررررر
كان عليها صوت لاعصبت يهز الارض لدرجة وانت راكب فيها بالياله تسمع كلام الي جالس معك

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
خخخخ على الفستان الاحمر
ترى السطوع الي في الصورة من الشمس على بالي مصور محترف <--- ايه طيب

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
<<---- قالبها غرفة نوم الاخ

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

ايام راحت وجات ايام

[عزيزي الزائر يتوجب عليك التسجيل لمشاهدة الرابط للتسجيل اضغط هنا]
ترى ياجماعة الخير والله كنت اجلس على المرتبه ماشوف إلا راس الطبلون

الي يشوفني فيها يقول وش ذا الي سارق سيارة اخوه وكل شوي موقفتني دوريه يقولون وين الرخصه :| اخرتها صرت احد تحتي مخده عشان يطلع راسي بس

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

خلصنا

بقولكم على بعض المواقف الي صارت مع هـ المجرمه

مره الوالد الله يحفظه دخل الجمس للوكاله وقال ابي سيارتك بداوم عليها

الشاهد ان الوالد يلبس نظارات وشوفه ماهو ذاك الزود اول ماطلع فيها انا واقف اطالعه من الباب اول دوار عند بيتنا ردت فيه وجه

اقسم بالله ياجماعة الخير منظر يموت من الضحك الي يشوفه يقول وش هـ الشايب المنسم ونظارات والمرتبه موقفها كنه طالب مصري في حصة علوم الشاهد بعد ثلاثه كيلو دق علي قال تعال خذ سيارتك انا اخذت لموزين يوديني للعمل عاد تخيلوا الدبات فل ماستر خخخخ انواع الازعاج

ليلى حبيبتي ماتخوني

موقف مجرم مره ياجماعة الخير الفرام كان مبزوط معي وكنت رايح لعمتي في غرناطه المهم وانا امشي مع الخط المظلم الي من امتداد شارع الموت لين مخرج تسعه كنت مسرع شوي وجت الفه على اليمين هديت عادي الوضع مشت تمام اول ماخلاص دخلت الفه ويفرط الفرامل

ياولد عدل بدل يمين يسار خخخ صفقة الرصيف الي بين الخطين وكملة لسيد الثاني على جنب وخذت لي كم متر ودرعمت على المحطه ووقفت داخلها

انكسر جنطين بس المهم نزلت منها ولا العجاج والغبره وراي كني في فلم سينمائي ابو الشباب نزل وقفل البيبان وكملها مشي لبيت عمته <<--- كنه ماسوى شي
وسلمت عليهم وتقهويت ورجعت شلتها بسطحه (:

الموقف الاخير وهو مابعد البيع المهم بعدتها بعد ثلاث سنوات من العشره الرائعه والمغامرات والهجوله :>
ومره من المرات بعد سنه تقريباًُ كنت ادوج في معارض انسيم لقيتها واقفه تناظرني خخخ ماصدقت جيتها اركض المهم اخذت المفتاح من صاحب المعرض كني بشتري واساله عندها كني ماعرف شي قالي موستنج جي تي سعوديه !!! قلت عجيب سعوديه؟ قال اي وعلى الشرط خخخخ سيارتي عارفها جايبها تصدير امريكيه لكن على باله بيلعب علي قلت له كم اسم بالاستماره قال واحد بس ونضيفه خخخخ <<--- مايدري المسكين

قلت طيب وفتح الجنطه ووريت نحته ناحتها انا على الرفرف الخلفي من جوى الشنطه (: كاتب خواطر حب وخرابيط
خخخ اليماني وقف يطالعني كذا

قلت جيب الاستماره وجابها ووريه رخصتي إلا السماء متطابقه

قلت انا الي بايعها على راعيها لاتنصب مره ثانيه خخخخ المهم عاد خلاني اخذ دوره عليها بعد النصبه خخخ والله اني بغيت اشتريها مره ثانيه بس الوالد الله يخليه حالف (:

طولت عليكم داري بس والله تذكرت ليلى وايامها (؛

أمير الجزيره · 01-04-2005, 08:49 PM

خخخخخخخخ

والله ضحكت لين بغيت أنفجر الله يرجك ياولد العم..

يطول لنا بعمرك يا بعد تسلوتي ولا يحرمنا منك ولا من هالمواضيع

الي تفتح النفس ودمت بصحه وعافيه من محبك الدائم/ سعود..

لمني · 02-04-2005, 01:09 AM

هههههههههههههههه

والله مواقف ...........تسجل

وليلى عن الود اختارت تجافينا .... ياوقت ليليى عفى الله زلاتك

لاهنت يا أسد على صورة ليلى ...((الحلوه)) <<<< لاتغار وانا اخوك

وعلى ماخطه قلمك المبدع باسلوبك المرح واللطيف

وبأنتظار صور ((باسكال )) <<<< السيارة الجديدة

يا الامبرقيني

اجمل تحياتي

معانق الليل · 02-04-2005, 04:36 AM

^
^
^

منألى طري باسكال احييييييييه .. يااخى حنا ناقصين أسماء ستات فى السيارات .. يا كفي أبو عزيز خخخخخخخخخ

سلمت .. ودمت .. بكل خيرررر

$النــal_na3sـــاعــس$ · 02-04-2005, 01:39 PM

يعطيك خيرها ويكفيك شرها

م ـحـمـد · 02-04-2005, 11:22 PM

أبو طريخم
هلابك والله يابن العم
لا عدمنا حظورك يالغالي والله (:

لمني

اقتباس


	وبأنتظار صور ((باسكال )) <<<< السيارة الجديدة يا الامبرقيني

خخخخخخخخخخ والله باسكال موجوده الحين بس ماهي الي في بالك قالبه دبا ولونها اخضر --(: فان شفر كنه باص توصيل خبز :|
لا عدمنا تواجدك الرائع يالغالي

معانق الليل
ومن قال سالم وانا خوك
لا عدمنا هـ التواجد يالغالي

الناعس
هلابك والله
السياره بعناها من ثلاث سنوات (: الله يرزقنا احسن منها ان شاء الله

M S L M · 02-04-2005, 11:50 PM

حبتين يالكاتشب

ماشالله تبارك الله بصراحة ليلى تهبل تفضخ القلب

السيارة حلوة بس انها تذبح الواحد بالنزين

بس اهم شي الرفاهية المفعمه

بالله عكسية ياشكال على موضوعك خلنا نحوس الردود خخخخخخخخخخ

يالله عقبال الهمر ان شالله نشوفه موقف قدام بوابة موقعك

V I P · 03-04-2005, 11:44 AM

ماشاء الله جدا رائعه

الله يعطيك خيرها ويكفيك شرها

تحياتي لك

بنت النور · 04-04-2005, 05:06 AM

خخخخخخخخخخخخخخخخخخخ الله يرجك

من جد هستره

مشكور والله يعطيك العافيه

م ـحـمـد · 08-04-2005, 08:49 PM

T a x i
هههههه
اخاف بعد العكسيه اصدم ونطرد من الاشراف (: خلنا عاقلين
لا عدمنا حظروك يالغالي

V I P
الله يجزاك خير (:
راحت وراح خيرها معنا (:
لا عدمنا حظورك يالغالي

بنت النور
الله يعطيك العافيه يالغاليه (:
لا عدمنا تواجدك الرائع والكريم

لـيـلى الـحـمـراء

الكامري الكوبية

جايبلكم اليوم سياره من منتجات شركة بيجو(غير شكل )

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق