وش تنصحوني فيه ياجماعة الربع

اقتباس الكاتب : Bandar 8 8 8 ما جربته انا بس جايزن لي شكله مجرب Ltz حق اخوي ومع احترامي باااايخ ومزعجه سواقته واصوات وحاله ومن طلعه من الوكاله وهو كذا على 120 شوي بتنفقع مكينته وبعدها عادي بس احس ال Ss غير بصراحه <<<<<<< احساسه ما يخيب <<<<<<<<< مهوب عاقل الواثق هع

الحين بايخ ومزعج طيب اذا جيت تتلحوس تبي المفتاح افلقني اذا شميته

شف يالغالي هو من 110 الى 120 يطلع صوت قوي طبعا اذا دعست له

المشكلة ما ادري وش فيه ركبت كابرس عمي 2002 كابرس ولد عمي 2004

كابرس زوج عمتي 2004 كابرس ولد عمي معه كابرس 2006

طبعا العائلة الكريمة كلها كوابرس

كلها مافيها ذا الصوت مافيه الى كابرسي

بس انه مثل ماقلت مايكمل ثانية الى ويتخفي

اما الصوت الاخر انا كنت طالع مع راعي اوبل المهم ويجيك مطب واكله على سرعه 190 تقريبا

المهم عقبها طلع يطلع صوت اثناء التشغيل يعني اذا شغلته يجلس بالظبط دقيقه او اقل بشوي

طبعا كل يوم بودية كمل حول 6 شهور ولا وديته لان الصوت ما ازعجني يعني دقيقه ويختفي تمام

وثانيا انت تعرف الجامعه مايمر يوم ما اطمر فيه رصيف وحوسه وتدعيس وتجارب خبيثه

طبعا انا منيب جالس اقول لك قصة حياتي انشاء الله بنزل موضوع عنه كامل

بس اخوي العزيز مكبر السالفة شوي واظاهر اني من كثر ما اشطفه قرر على اس اس

والسبب الي في السياره كله مني ومن خرابيطي قومات وغيرها - اهمال وعدم محاظفة -

على الاموم اذا كنت حق سرعه وتبي تحقر مواتر غالية مالك الى كابرس خصوصا اس اس

والكابرس شكله من الخارج جدا رائع وفخم ومن الداخل وسيع بالحيل ورزه ويطيح ......

يعني الكابرس انا اروح به لشرقيه اوصل ويصير فيه الثلث التانكي وهو 8 سلندر

واذا كنت داعس بين 180 - 200 توصل وباقي فيه ثلاث شخوط

اخوي 6 سلندر ويعبي مرتين ويقول احتياط

وطبعا يالغالي اي سياره بتخرب واذا ما سويت لها صيانه خصوصا يعني عندك اخوي لكزس اي اس طلعه البر افك خرطوش الهواء برك في محلة ؟.؟؟؟

طبعا انت عارف لكزس مايدخل البر حده زفلت

وداها الوكالة ويدخل ويطلع لين سلك غير الي قبل << بينفرش


وثانيا السيارتين الي انت حددتهم كل وحده لها صفات والكابرس اكثر صفات من نواحي كثيره

طبعا الي يقول لك استرالي ومن هذا الكلام الحين اغلب المواتر تصنع خارج بلادها

والكابرس اثبت نفسه وحقق مبيعات خيالية وانت تشوف انتشاره خصوصا الجديد

ثانيا فيه مواصفات افضل من غيره ايرباكات - 330 حصان - نظام الصوت رائع جدا - الكميوتر حديث جدا جدا

وفي مميزات لاتجدها في سياره سعرها اعلى


بالنسبه للنصائح على المدى الطويل صدقني ما يحتاج اعطيك نصايح , لان بمجرد انك تشريها و تجلس معك

فتره صدقني تبي تطيح في حبها وبتصير تخاف عليها صدقني الكابرس ينحب يعني انت من نفسك تبي

تعرف وش الي يصلح للسياره و وش الي بيضرها .

" كل شي تحسون اني استفيد منه " ... قبل ما تاخذ السياره

اطلب من الوكاله انهم يورونك السياره نفسها واشيك عليها انت من جوا وشيك على البودي ... واخر شي

انصحك بالثمانيه سلندر ... صدقني تستاهل وفرقها عن ال6 في الصرفيه شي بسيط .. وبعدين ياخي اذا

جاك راعي لكزس جي اس ولا اي اس ولا حتى انفنتي و 430 رافع خشمه عليك عطه بس دعست بنزيم

وصدقني يبي يحترم نفسه بعدها ولا تهون الفياقرا 500 والمقاطع وانا اخوك واجده << هذا الكلام للي يحب المهايط


عموما انا بتكلم لك عن الكابرس الي هو موتري بشكل تفصيلي

السياره عموما من خلال سعرها طبعا 8 سلندر دفعي خلفي ( الامامي انحش عنه )

اعتبرها افضل الموجود

الموتر الي يقول حق سنتين صدقني هذا ماقدر جرب الكابرس او يقول هذا الكلام وهو مايقدر عليه

الموتر يتحمل اجوائنا ويتحمل الكرف - بأنواع المتعدده



الموتر فخم من الداخل وفيه رحابه ومريح بشكل رائع

الموتر من الخارج رسمي وشبابي ولكن يميل الى الرسمي اكثر خصوصا LTZ عكس اس اس يميل لشبابية

الموتر اقتصادي داخل البلد صرفيته مو لذاك الزود ولكن في الخطوط الطويلة موتر رائع جدا جدا

خصوصا في الصرفيه

المكيف افضل مافي السياره ولله الحمد وهو الاهم

المخمل يتميز بأنه مناسب لاجوائنا خصوصا من الكراسي او الطاره اما الجلد حار جدا بس فخم

السياره تتحمل سرعات عاليه - استجابتها رائعه جدا جدا - في مواقف وازمات صدقني انك تحمد ربك ان معك كابرس

موتر يرفع راسك للي بيجي يهايط

موتر ينفع قبل وبعد الزواج

الاسود الكحلي الابيض هم الافضل

صدقني مرغوب حتى بعد البيع ورح اسئل اصحاب المعارض

اضائة لمباته في الخط جدا رائعه ومتوازنه وتعطيك مساحه لرؤية كبيره

السياره بتكمل 50 الف - ماغيرت لافحمات ولا اي شي ومادخل الموتر ولا مره للفحص ولله الحمد

سافرت عليه اكثر من مره - طبعا كل السفرات مبرقع السياره والحراره ولله الحمد ثابته

مميزات الكمبيوتر خصوصا الموديلات الجديده رائعه جدا

انصحك ب8 سلندر موتر على كبر مكينته ياناس والله مايصرف وانا متأكد الي جرب يحس بشي هذا

وياخي اكبر دليل على الخط اطلع بكامري اتوماتيك اربعه سلندر وطلع بكابرس وشف اكثر صرفيه

داخل المدينة شوي بس يختلف عن الاول

السياره جدا راسية على المنعطفات وغير المنعطفات بس بوجود التركشن

وكذلك كفراتها تفرش ووجهيتها تنزل على السرعات العالية لتقليل الاحتكاك بالهواء


مساحة الشنطه انا اجزم انها اكبر من مساحة شنطة الجيوب واليوكون





سلبياته :-

بين 110 الى 120 تسمع صوت شديد علما اني ركبت كوابرس كثيره مافيها هذا الصوت وهذا الي مضيق صدري على الاموم انا مطلع الموتر في اول اسبوع نزل فيه الموتر في الرياض من الجميح - كحلي

بعد 150 - 170 العزل شوي لك عليه بس انا العزل يعجبني جدا جدا الى مابعد 180 لان ما ارتاح الى وصوت المسجل عالي جدا سوا لاي سيدي واشوف ان هذا امر طبيعي انت معك موتر قيمته 94 الف وليس 200 او 300 الف

السماعات شوي ضعيفه اذا استلمت الموتر ( الوكالة ما ادري ليه ماتسويها )
هناك طريقة تسويها بالكمبيوتر وهي طريقه سهله جدا بس طلع صوت قوي لسماعات



مابين السلبيه والايجابية :-

الديكور الداخلي الي يميز الكابرس ان الديكور والكراسي كلها كبس يعني مافيه مسامير تنحل وطلع اصوات لا كله كبس


اخير يالغالي اشتر عن قناعه وصدقني ماعليك من الي يذم الكابرس وانشارها دليل على سمعتها

هناك سيارات في نفس السعر لها حول 8 شهور نازله مازالت تنعد على الاصابع

اخيرا مميزات بكل امانه تغطي سلبياته واي موتر له سلبيات وايجابيات

انصحك الحق على عروض رمضان للكابرس 2006 ( 2005 مخلص من حول 3 شهور )

والميركوري2005 ايضا عليه عروض حلوه

انصحك تشوف العيسى عروض اجمل وافضل خصوصا ان الصيانه مفتوحه الكيلوات او 4 اسنين

وكانك قادر على الاس اس مع احترامي للميركوري ولكزس اي اس مايصفون جبه

اسئل مجرب ولا تسائل دختور

انت كانك صبور عطني الى الاسبوع الجاي بتكون عندك جميع المواصفات لكلا السيارتين مدعمه بالصور

كانك بتصبر كانك منتاب صابر عطيتك نبذه عن الكابرس

والقراند ماركيز فخم ونظره ورائع جدا بس مملنا من شكله يمكن لانه ماتغير
ولا موتر له وزنه في المجتمع












اخير نزل المقطع وماراح تندم

[عزيزي الزائر يتوجب عليك التسجيل لمشاهدة الرابط للتسجيل اضغط هنا] [عزيزي الزائر يتوجب عليك التسجيل لمشاهدة الرابط للتسجيل اضغط هنا]

[عزيزي الزائر يتوجب عليك التسجيل لمشاهدة الرابط للتسجيل اضغط هنا]


تحياتي لك