ليه التشتت يجي بـأول عذاريبـك=
وليه التمني يجي بـأول عذاريبـي

وليه اني اخطي جميع الناس وصيبك=
وليه ان صوابك يصوبهم ويخطيبـي

وليه ان طيبي يعارض دوم الاعيبك=
فيا طيب طيبي وياطيبي وياطيبـي

طبعك يحيـر ومجنونـك يهذريبـك=
وياكـم مـره تمنيتـك تهذريـبـي

اصبحت صوره ارحبـك وهليبـك=
من بعـد منتـه ترحبـي وتهليبـي

لازار طيفك تغنج قـال وشليبـك!!=
الد يمي واقول الحيـن وشليبـي؟؟!

هذاك حالي وسط غربة سراديبـك=
كبوة جـوادي تخسرنـي مراقيبـي

تتبع خطـاي وتصيـده بمكاليبـك=
ماكنت حاسب عليك ضنوني تخيبي

محدن ينزه وخل العطف في جيبـك=
محتاج عطفك ونا بسري على جيبي

مصير ضلمـك تحاسبـه ويثعيبـك=
ومصير حظي يعاندنـي ويثعيبـي