حرقة الم ترسم بريشة زماني = وتبروز اللوحه بقسوه وطغيان
محتار مدري وش جرا وش دهاني = مدري نسيت اني على طول حيران
ضامي وردت الماء وماحدً سقاني = وسقيت غيري منه ثم مت ضميان
اطرد سرابن مقفين محتراني = كنه يقول ان مت ماني بخسران
فتحت صدري له وحدب المحاني = وجزاي منه الصد يتبعه نكران
ياحيلة الله ما ملكني مكاني = مثل الغريب الي شكى بعد الاوطان
مابي اطيع الوقت دامه عصاني = ماني ورى طرد المقفين كسبان
ببقى عزيز النفس دامه نساني = واعيش لا حسبه ولا نار هجران
ودرب الحزن لفت عليه السواني = ماضي وقلنا عنه هذا خبر كان