ياحسافه ماتت أحلامي خساره = ياحسافه كل شي ضاع بثواني
عشت انا مولد حبيبي واندثاره = بعد ما عشت السعاده صرت اعاني
روعة الدنيا تلاشت بانهياره = مدري في قبره ذكرني او نساني !!
يا ضيا الكون الكبير ويا نهاره = يا حبيبي شف فراقك وين رماني !!
صرت مثل اللي بظلامه شب ناره = وعاندت هالنار تضوي لي ظلامي!!
أمك المسكينة تبكيك بحراره = تقول راح اللي وهبته كل حناني
دمعها الغالي تهطل في غزاره = وحلفت ما تغمض الجفن المعاني
تدري عزمي من قبل مثل الحجاره = والصخر بعدك تفتت وابتلاني !!
بسمة المشتاق تظهر بي اشاره = لا لمحت طيفك واذا ذكرك غزاني
رحمة الله عاللي فارقنا مساره = وجمّع المرحوم مع اهله بجنان ِ ..