حمام الدوح

في غيبتك ياحمام الدوح = الشوق يعزف على أوتاري
مشتاق له صوتك المبحوح = إليا سمعته طفى ناري
وينك ترى ذا الوله مفضوح = تسأل وتنشد عن أخباري
جوالي يصرخ آلم وينوح = لا من تجيني على طاري
يكفي جفيت العيون تْروح = مبعد وغايب عن أنظاري
هجر وغياب وجفا وجروح = ساد الحزن والعنا داري
تكفى دخيلك عليّ تْفوح = بأحلى الشذى يا أجمل أزهاري
وخل الليال بْسمايا تْضوح = لا من طلعت القمر ساري
لالا تبيع الغلا والروح = إن كان لي بضع مقداري
وكانك تبي بيعها مسموح = عز الله إنّي لها شاري