مساء الشعر ..


ابيات بسيطه نقلتها لكم تزامناً مع قرار " حقوق المرأه السياسيه "

عسى الله يرجع اميرنا سالم معافـى بإذن الله تعالى ( قولوا آآمين ) ..

"

"

"



مشتــاق صـــدرك للفــرح يابـــلادي
البنـت بنتــك ! افرحــــي واحضـنـيهـــا


ايــه وغـلاك ! اليوم ماكان عـادي
للحـق حـق ! وهــذا حقـك عليهـا


الكـــل يـخضــع للقـــرار الإرادي
" جابـر " حسمهــا " وابو ناصـر " يبيـهـا


اخــت الرجــال " تنـول مركــز قيـادي "
هــي قــدّهـا بنت البلـد .. وشعليهــــا..؟


اثنين \ اغسطـــس يالحضـــر والبــوادي
شاهد على بنــت الرجــال وحكيهـــــا


خاضــت بطــولات النصـــر ..... والأعــادي
طاحوا وذاقـوا سِـمّـهــا من يـديهــا


يشهــد لها التاريــخ طيـب الأيــادي
من ساحــة الميــدان للمجــد فيهــا


صالــت وجالــت في ربوعــك بــلادي
لجلــك ! و تحقيـق الأمـل في عـِـنيهــــا


كم حقـقت لك من نجـــاح انفـرادي !؟
بكــل المجـالات اعتمدتـــي عليهـــا


في الهندســه .. في الطـــب .. والاّ النوادي
في المعرفـه ..في العلــم يبرز وعيهـــــا


تــاج الأدب يزهـى بهــا بازديــادي
روعــة أكاليـل الشعــِــر تحـتفـيـهــــا


لو فـكْرهـــا ماهـام فـي كـل وادي
( يصعــب على من مثلهــم ان يـَعيــهـــا )


مثقــّـفـه .. تطمــح بـدور الريــادي
شمـــوخهـا ايضــاً إضافـــه إليهــــا


واليوم مركـــز للسياســـه قيــادي
مــُحنــّكـــــه بنت البلد وشعليهاااااا


يامجلـس النواب صوتـــك ينــادي
للحــق حـق وحقـّها يعتليهــــــا


جابـر " حسمهــا " جعل عمـره مـدادي
يرجع لنا سالم عسـاه ويجـيهـــا


و " أبو فهــد " هو عزنــا والسنـادي
لا ماخلــت هالــدار عهــد لـوليهـــا


في ظــل " ابو ناصـر " تعلــّت أيـادي
يسمـو سـُمــوّه للعـُــلا يرتقيهـــــا


مشتــاق قلبك للفــرح ياودادي
بنتــك بلادي ! افرحــي واحضـنـيهـــا


ايــه وغـلاك ! اليوم ماكان عـادي
الحـق حـق ! وهـذا حقـك عليهـا


ربـي يارب الكـون تحـْـفـظ بـلادي
تـشفــي " ابو مبارك " ويرجع إليهـــا


للشاعره : خلود البراري