وش تبي شي ثاني

وش تبي ... شي ثاني


بس أنت قـلي وش تـبي شـي ثاني= وش الذي تبـــغاه يازين بوضـــــوح

يكـفيني اللي مـنك يازين جــــاني= ورغم الذي ســويت يازين مسمــوح

هـدمتني بلحـظات يمــــكن ثواني = وأنا الذي بالقلب باني لك صروح

أهــــيم حــسره يوم طيفك غشاني = مدري ندامه أو هوى عشق مـمـلوح

حاولت هجرك بس قـلبي نهـاني = فكرت وقلت الهجر ما منه مصلوح

ياما وصلتك وانت هجرك طغاني = ويا كثر ما قلت الخطأ منك مدمـوح

خلاص أنا قررت أطـلـق عـــناني = وأبـدّل صـراخي معك بالشـعر بوح

واليوم أنا عاصيك دام تعـــــصاني = خــل الفراق يفــل مابي من جمـوح

رح وانسحب بالـــود وأنا بمــكاني = ودام أنت رايح لا تحرّك بي جروح

لاتصير في عـشق المواليف جاني = ماهي عـداله تطعـن القـلب وتـروح

عش في زمانك وأنا أعيش بزماني = وكلن عسى الله يسعده وين مايروح