اتمنى ان تنال من ذوقكم الرفيع...

البارحـة فـي تـالـي اللـيـل محـتـار=مـدري وش أخـذ مـن علـومٍ وأخلـي
مـن كثـر همـي دمعتـي كنـه أنـهـار=بأسبـاب فقـد أمــي دمـوعـي تهـلـي
تـزوج الوالـد وهــو مـكـرم الـجـار=زوجـة جـديـدة قـلـت ذا مـنـوةٍ لــي
لكن علينـا يـا عـرب ضاقـت الـدار=قـامــت تعامـلـنـا بـحـقــدٍ وغــلــي
تعذيبهـا يــا ربعـنـا ســر و جـهـار=عجـزت أبوصـف عــذابٍ حصـلـي
بأسبابها يـا أصحابنـا ذقنـا الأمـرار=الهـم لازمـنـي كـمـا وصــف ظـلـي
يـا خالتـي خافـي تـري فـيـه قـهـار=يـجـازي الـلـي فــي حيـاتـه يـزلـي
يـا خالتـي وش ذنبنـا تونـا صـغـار=وشـلــون تعـذيـبـك علـيـنـا يـحـلـي
الظلـم شـيـنٍ مــا تسـويـه الأبــرار=راعـيـه ضـايـع دايـــمٍ مـــا يـدلــي
ضربك بعد لأختـي تسبـب بالأقـدار=مـن جلـسـة بالبـيـت قـامـت تمـلـي
جتني تصيح ودمعهـا مثـل الأمطـار=تشكي تحسب أن الزمن صافـيٍ لـي
ما في يدي حيله يا ليت الزمـن دار=بـس أصـبـري والله لهـمـك يجـلـي
يـا خالتـي قافيـك قصـاف الأعـمـار=وحسـاب عـادل عـن صغيـرٍ وجلـي
يا ليـت والدنـا عـرف كيـف يختـار=إن كـان نجمـه صـار فـوق متعـلـي
أخذت لي مع نظم الأشعـار مشـوار=لـعـلــه لـقـلــبٍ حــزيــن يـســلــي
شرحت بعض اللي حصلي بالأشعار=من فضل ربي جـاء لـه اليـوم حلـي
شـكـيـت لله ثـــم لـلـوالــد الــبــار=اللي على طول الزمـن مخلـص لـي

الشاعر.
أ. عبد الرحمن العامر