حكم ضميرك ولاتصدق ظنونك
ماني من اللي كل ما اقفيت خانك

اللي حكوا لك فيني ماينفعونك
طبعي الوفا وما اذل نفسي عشانك

دامك تبيهم ودامهم يعجبونك
لاتفوتك الفرصه واغنم زمانك

حسبتني بالقى الوفا في عيونك
وفيض المشاعر يحتويها حنانك

بتعيش دوني وانا باعيش دونك
لكن حسافه من يعوض مكانك

ابو مهند ..

حكم ضميرك انا والله ما خالفت قانونك
شريتك وبس لجل عينك رضيت بكل خلانك
خوالي واعمامي والاخوان عندي ما يسوونك
بكت ابياتي من فرقاك وفراق شعرك واوزانك
اكيد اذنبت يوم غرتني لهفتك واغراني جنونك
وصرخت احبك وكلي لك وصار عنواني عنوانك
امانه ليه يجرحني لسانك وتهينني عيونك
وليه طيفك هجر عيني ونام وتلحف اجفانك
وليه اشوف اليوم تعذيبي واذلالي يسلونك
حسافه لا ما هقيت ان القساوة تفلت عنانك
ومع اني كثير ناجيتك انا ماانساك ومااخونك
امان الله عليك ان كنت نويت تكمل هجرانك
بس قبل لا تفارقني واعيش دنياي من دونك
ان كان لك قلب يا قلبي انساني وانسى احزانك