ليه القمر لو هو مولع ومشغوف =
ما يصخي النظرت كود بكلوفه
هذا دلع والا من الناس مكسوف =
والا البها والزين مابه مروفه
ما يدري ان القلب هايم ومشعوف =
والروح في غبة هواه محذوفه
والطرف عن غيره من الناس مكفوف =
وش عاد لو هو يانعات قطوفه
لولا الغلا والحب ما ني بمكلوف =
اصبر على تعليل نفسٍ عيوفه
متى يحن ويرحم الحال ويروف =
خلٍ عليه العين دايم شفوفه
يا بهجة الخاطر ويا مضغة الجوف =
ليش القسا مادام روحك عطوفه
خل الزمل والشك والريب والخوف =
ترى عفاف الحب اسمى وصوفه
ريح الزهر يغني عن اللمس بكفوف =
ونور البدر يكفي عن اللمس شوفه