سلام يامجلس هل الطيب والجود= اغلا قصيدي جاك مني هديه

وثني سلام"عطره المسك والعود= لهل الوفاءوالطيب واهل الحميه

يامجمع اللي بالوفا دايم تزود= مالك شبيه ولابه اليوم زيه

شموخ معه ابداع ماهوب محدود= جملة مواضيعك بها جاذبيه

جميع مانبغاه بالفعل موجود= زوارك تمرك صباح وعشيه

قلته وهذا اللى اشوفه ومشهود= ويشهد على ماقول رب البريه

وختامها مع الغلا باقة ورود= اهدي جميع اعضاك بغلا هديه

يامشعل أرحب عد ماذعذع النود ******ترحيبة تذعر بها الشاذليّــــــه

لابهرت مابين رايــــــــح ومردود ****** تطرب لها روس عليها شفيّه

في مجلس للعز مبني ومقصود ****** مدهل هل العلياء رجــــال وفيّه

ترحيبة منهم جماعات ووفود ******* من كل عضو انقل لك ازكى تحيّه

نيابة عنهم يحييـــــــكم العود******* اهلا هلا باهل اليدين النديّــــــــــه

لعتيبه الهيلا مصاديــر وورود ****** قوم على الوعرات تسنا المطيّـــــه

يوم القشر والزند بندق وبارود ******* تستافي الميزان في كل هيّـــه

في جيتك يالقرم للمنتدى فود ******* نفخر بشرواكم ويا أعز جيّــــه

ابجديات تختلف عن باقي الابجديات

مشعل العتيبي

منبع من الابداع لاينضب

جسر ينقلنا الى حيث يقطن البوح

هنيئا لك أيها المبدع على كل سطر نقشته

وهنيئا لمجلسنا ان احتضن مبدعا كمشعل العتيبي

الف تحية اوجهها لمن عشق الحرف ...!!

الف تحية اوجهها لمن ابدع وسطر اعذب الكلام!!

الف تحية اوجهها لمن اسرنا بابياته التي في منتهى الجمال...

الف تحية اوجهها لمن حلق في سماء مجالس الرياض فنثر اجمل مايقال ..!

لك شكري وودي واحترامي اخي العزيز