للقصايد شجون ولمن قراها ظنون = ومايفك الطلاسم غير كتابها

والقلم لامسكته صار بيدي حنون = والحروف ابجديه ذقت عنابها

من سهى مع حروفي هل دمع العيون = لو يخفي دموعه بان باهدابها

ماني البحتري وماني قيس الجنون = الله الي عطاني وهبته واسخى بها

قبلكم قال ربي عننا هائمون = وكل كلمه كتبناها كذبنا بها

لا عليه اعتراض ولا لدينه بخون = بس نفسي لكم تشرح لما صابها

كل شطرن كتبته جرح لو تعلمون = وكل جسمي جروحن وسمته حرابها

لو لمحتو جروحي كان ماترقدون = والسعاده قفلتو كل درب ابوابها

ما سألتو الحمامه ليه تسجع لحون = ليه فوق الجرايد تبكي احبابها

سامعه عن عذابي وكيف ذقت الطعون = هالها ما سطى بي وهاجرت بسرابها

يالله اني طلبتك يالكريم المنون = ياموافي نفوس الخلق بحسابها

كل شيً بأمرك بين كاف وبين نون = ترحم الي من الفرقا لدغ بنيابها