هاتي عيوني وإذرفي دمعتـك دم"
"وش عاد حتى لو يطوّل غيابـي

ماكن لي صاحب ولا لي ولد عـم"
"ولا كن لي خلٍ غرامـه عثابـي

وياقلبي اصبر لاتشكّى من الهـم"
"مامن جديد ولو تجـدد صوابـي

قدامك أحزانك تجرع مـن الجـم"
"جم المراير وسط فيضة عذابـي

والى رويت الهم يبقي لـك الغـم"
"للحين توّك ماكمل لـك إنصابـي

خل الزمن يسقيك مع علقمه سـم"
"وانا على هقوتـك والله ماهابـي

متعودٍ حظي عـن الصايبـه زم"
"مرّه يصبّح بـي ومـرّه سرابـي

امشي على كيفه ولا قلت له بـم"
"لكنـه المقـرود مـال وغدابـي

الله خلق دنيـاً تلـم البشـر لـم"
"والله خلق مـوتٍ للأمـه ذهابـي

والظاهر إني ضعت لاكيف لاكـم"
"تناقصت واليوم خلّـص زهابـي

تخمني دنياً تبـي هقوتـي خـم"
"لولاي أجاهد كان وقتـي نحابـي

وأصبحت في يمٍ والأصحاب في يم"
"إنجيت والا رحت ماحـدٍ درابـي

والرفقه اللي مالها بالوفاء ضـم"
"تصّبح سؤالٍ مالقى لـه جوابـي

مانيب قايل هجر الأصحاب ماهـم"
"لاوالله الا هـز حضـرة جنابـي

وإن كان طالت واللقاء غاب ما تم"
"موتي ولا يصّبح حضوري غيابي