غرامي إرحمي عاشق ضحك له وقته وخانه
زمانه لوصفى يـومٍ حزينـه باقـي سنينـه
هدا لك قلبه وروحـه ونفـسٍ دوم ولهانـه
مناه إنك تلاقينـه وعيونـك تنظـر لعينـه
حلف لك وأقسم بربه يصون لحبـك وصانـه
وبـدل دمـه بحـبٍ تعلـق فـي شرايينـه
يجي لك بأصدق أشواقه وأحاسيسه ووجدانه
ويحس إنه ملك كونه يومن إنتـي تضمينـه
يغنـي جمـرة آهاتـه ويلحنهـا بألحـانـه
ويعض إشفاه بالحسرة يقول صويحبي وينـه
ويترجم عبرة عيونـه وتعذيبـه وحرمانـه
في وسط أبيات من شعره عساك اليوم تقرينه
ألا ياوجد من باعـه زمانـه وكـل خلانـه
تعب قلبه وهو صابر يبيـك اليـوم تشرينـه
غرامي إرحمي عاشق غريق بموج أحزانـه
جفاك وطبعـك القاسـي أمانـه لاتزيدينـه
غرامي إرحمي عأشق عجز ينساك نسيانـه
دخيلـك لا تناسينـه وإذا أخطـى تعذرينـه
قبل لاتسمـع بموتـي قتيـل بسبـة فلانـه
وقتل النفس عندالله حـرام بشرعـه ودينـه