ماجيت انا يوم اكتبك لأجل أجاملك=
مثلي ترى ماهو بحاجة... يجامل
مادمت في حكم الهوى..ماخذ الملك=
لولا مخافة ربنا... ..قلت ....كامل!!
مانيب اجامل يوم انا قلت: مااجملك=
ينبت من الصفحة خفوق ..وأنامل
الشعر..والطاري.. وانا..ما نتحملك=
صعبه نجيك ومابنا شخص..ثامل
والليل ..شافك..وارتمى عند مخملك=
وخلا نجومه بالسماوات ارامل!!
حول معاه الغيم..من شان.... يحملك=
والأرض (عيّت)لكن الغيم...صامل
دام الدلع من صغر سنك........مزاملك=
عز الله... انه عارف..... من يزامل
انا اشهد ان الزين....ماهوب شاملك=
انت الذي ..للزين..(بالزين)..شامل
يامدرسه.. بالحب ....ماأطهر تعاملك=
خل الحبايب يدرسون.. التعامل
لاتحسب اني يومك اقفيت ...مهملك=
الكون كله يومك اقفيت....خامل
وان جيت انا لاجل اوصفك ليه اجاملك=
عامل مثل ماتحب غيرك.. يعامل
كل الوجود بشوفتك..قال : ما اجملك=
(معقول يعني كل الاشياءتجامل؟)