بعد السلام عليكم ..

اترككم مع القصيده..



أبشر أبشر ماعلى هالراس كايــد
من طلع رجم المفارق مادعيتـه

بنت حر والحرار الها عوايـد
منزل الحقران أشوم ولادنيته

ماعلى المقفي من المنقود عايد
من بقى يقفي فيقفي مانهيته

والله ان مايلحقه مني نقايـد
ينتهي ليل المفارق ماسريته

هيه يااللي تحسبن وصلك وقايد
جمر وصلك من عرفتك مادفيته

صدت لكن للاسف ويش انت صايد
دسم الشارب بصيدك لاخذيته

شرهتي ما اسوقها لإنسان نايد
وبرجي العاجي تموت ومارقيته

الردي ماينصا وقت الشدايد
والسنافي مايقفل باب بيته

قلت لك مليون مرة يامزايد
تبطي وجيبي عشانك مافريته

انتبه ! وإن طعتني خلك محايد
الثمر ماهوب لك يااللي رقيته

لاتظنك بالرجاجيل الفرايد
شفت فيك الرجل لكن مارأيته

يكفي إني راس مالك فالقصايد
لجل عيني كل طاروق بنيته

والا انا لبستك الشهرة قلايد
وضوءك اللي تلبسه مني أرتديته

لاتحسب انك غديت الشيخ زايد !
انت عمرك راح دينك ماقضيتـه

آه يالبا الذي يسوي بدايد
شخص واحد بس هو اللي فديتـه

أطو ماضينا مثل طي الجرايـد
وأعتبر ماصار حادث ماقريـته

أسترح والله بتكبير الوسايـد

والّله .. اللّه .. كل من قفى نسيته

الشاعره الراسيه..

تحياتي للجميع..

اقتباس الكاتب : خالد اليزيد السلام عليكم أستاذي الغالي والعزيز على قلبي الفكهي كل عام وأنت بخير والشهر عليك مبارك وأختيار موفق كعادتك وصح لسان قايلتها وتسلم يمين ناقلها وتقبل تحياتي

وعليكم السلام يبو يزيد..

وانت انشالله من اهل الخير ومن صوامينه وقوامينه..وكل عام وانت وغاليك بصحه وعافيه..

مرورك وتواضعك الميمون احرجني..
كيف لا وانت استاذي وقدوتي نحو الرقي..

شكرا استاذي على اطرائك تجاهي..

اخوك الفكهي..