ضايع من كان همه في حياته
كيف يشبع رغبته بأية وسيله

ماتهمه ليه والا كيف جاته
ماتهمه مخطيه والا دليله

المهم يعيش لحظه لشهواته
لو من الحسنات ماعنده حصيله

في طريق الشر ياسرع انفلاته
وان عرض له خير ما ياخذ سبيله

ما يريد الخير في كل حركاته
مامشت رجله على درب الفضيله

عايش بدنياه ماهمه مماته
مادرى وش تالية عمره يجيله

غرته دنياه مع كثر امنياته
يحسب انه بالهنى راعي طويله

راح عمره مابقى الاذكرياته
لاتذكر ما ذكر غير الفشيله

ما ذكر ربه ولا صلى صلاته
ضيع اوقاته على درب الرذيله

حافظ ماله ولا يدفع زكاته
مادرى انه يحفظه للي يشيله

ما حفظ دينه ولا دور نجاته
مثل هذا بالسعد وش ترتجيله

لازم ابن ادم يفكر في حياته
كيف يرضي خالقه باية وسيله


اعجبني فنقلته