من قال حب البنت كذب وسواليـف
وشلون والنيران تشعـل بجوفـي ?

إن كان حبي له هـروج وتخاريـف
ياكيف عاد الحب بأقسى الظروفـي

عيونه سفن ورموشهـن المجاديـف
ماهو غزل يانـا قديـن الحروفـي

وجهه بحر يطري عليْ أقرب السيف
واخاف من موج البحـر مايروفـي

هوْ البحر هوْ البحر سـره مخيـف
يشدنـي لونـه ووسطـه حتوفـي

يمدلـي يمنـاه وآقـول يـا حيـف
مهوب طبعـي يلمسـون الكفوفـي

(بنت البدو والحب عيب وتكاليـف)
والموووت من هرجة عذولٍ نكوفي

غصبٍ عليْ الحب ماهوب بالكيـف
وشلون ابختـار العنـا والحسوفـي

حب الشرف مهوب حبر ومظاريف
مايلحق الشمس العظيمـه كسوفـي

ياناشدٍ عني تـرى حالـي صخيـف
عقب الهوى عرفت نقش الحروفـي

وياللي تبي للحب وصفٍ وتعريـف
تعال شوف الحال تكفـي وصوفـي

وياعزوتي ليه الأسـى والتحاسيـف
ليه انقبـر حيـه وعينـي تشوفـي

دخيلتك ياربـي ابـن آدم ضعيـف
لاقلت حقـي قلتـوا القبـر يوفـي

لاتجبرون الروح غصبٍ وتخويـف
ماشوف غيـره لاتقولـون شوفـي

صديت عن غيره ولي قلبٍ معيـف
لي كيف لوْ تدرون صعبٍ عيوفـي

هذاك طلق حجاج ومكرّم الضيـف
شروى الوجيه الطيبـه ومعروفـي

يسوى كثير أزوال وقلوبهـم زيـف
بنطر خيوله لـوْ يطـوّ ل وقوفـي

إن كانها بالعز فالقلـب لـه ريـف
وإلا الحـرام بعيـد عنّـه طيوفـي

إمـا نهايتهـا دفـوف وغطاريـف
وعلوم الرجال مرقصيـن السيوفـي

وإلا فراقٍ يرفـع الـراس تشريـف
لابـو حيـاةٍ للرذيـلـه تحـوفـي

الشاعرة الهنوف
--- ---- ------ --
لكم مني كل الود

سحايب شوق