| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
عطر القوافيمجلس خاص للشعر النبطي و الفصيح |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||||
|
||||||
عبدالرحمن بن مساعد (بعض من قصائده)
السلام عليكم ورحمة الله كيف حال الاخوان الصراحة اعجز ان اعبر عن اثنان هما طلال الرشيد رحمه وعبدالرحمن بن مساعد حفظه الله والله هذولا هم اهل الشعر غيرهم لا اعتقد ان الشعر له طعم والصراحه شاعري الاول هو عبدالرحمن بن مساعد لذلك احب اني اكتب لكم بعض من قصائده الاكثر من رائعه واتمنى ان تعجبكم  _______________________________ البرواز قلتيلي انسى ومن يومها وانا كل ليلة..قدامي البرواز حبر العيون ودمع القلم.. في دفتري وصورتك..رغم الألم..ورغم انها خذت من اطباعك كثير وخانت البرواز..اشوفها في خاطري حبيبتي مابيدي حيلة لاصرتي الصورة..وعيوني البرواز وشلون ابنسى اتعبتي الصوره مشاوير وتعبت انا بلقى لغدرك معاذير وصورتك اللي سجنت بروازها طول السنين.. كانت جسد وبروازها الروح ويوم انزعت منها الجسد..تجرحت اطرافها وبجروحها راحت لمين؟ لبروازها الثاني!! مسكين..بيسجنك ويبقى سجين مسكين تشبهلك اقداره..خانته وصورتك يجي يوم وتخونه حبيبتي..أو للأسف حبيبته لاصرتي الصورة..وجفونه البرواز وشلون ينسى حبيبتي لجل أنسى جرحك واستريح..ببكي وبعد البكى ..ببكي وأكيد في لحظة بتجي..وبيجف دمعي وعندها صورتك اللي في عيوني بتموت من ظلم العطش.. بروازها بيصبح نعش وبتمرني الدمعة الأخيرة ...تاخذ معاها صورتك وطيح وكني بالمسافة تطول مابين عيني..ودمعتي..وخدي وكني بقلبي الحاير المسكين نبضه يقول لا تودع الفرقى الدمع مايرقى وعندها لانزلت الدمعة لمثواها الأخير وفارقت وجهي بغمض عيوني..واكسر البرواز وانسى _______________________________ فقير فقير وعندي المال الكثير فقير وملبسي غالي حرير وياصاحبي الحافي الفقير ابنشدك ابسئلك وشهو الحصير وابسئلك وشلون انا امر وانهي واذا حكيت قبل انتهي من كلمتي يقاللي سم ويصير ولاشكيت من غفلتي طول زمنها يقاللي لاتشتكي ماخلقت الشكوى لأمير وابسئلك وشلون انا مع كل ذا !!!اقول عن نفسي فقير؟؟؟ ياصاحبي لاصار لضحكه ثمن وصارو اصحابي كثيربس بثمن والوفاء مابه وفاء الا بثمن ابسئلك ماني فقير ؟؟؟ ولاصارت اقوالي حكم ولاقالها غيري غدت .. حكي قديم ابسئلك ماني فقير؟؟ ولاصرت انا مانيب انا ولاغلطت قالو صحيح وكل شي اعمله يصبح عظيم ابسئلك ياصاحبي ماني فقير؟ وياصاحبي ابنشدك لمن جفتني دنيتي وابتدا الدرب الطويل الى ابد ماينتهي وانتهي العز القديم وماكنت اظنه ينتهي والموت بدد فرحتي .. وحطوني في قبر صغير وحزنو علي وبكو هلي وناس من ربعي قليل وارتاح من وجهي كثير وبقيت وحدي في حيرتي مابه احد لاطال عمرك ولاتحت امرك ماغير انا وخوف ولحد وحساب قدامي عسير وقتها ذكرت اني من زمان يوم انه امهلني الزمان هذا ظلمت هذا جرحت ياما كذبت وذنوبي ماتحصي كثير وقتها الا ندمت ونفسي كرهت عرفت ان الله كبير وان الهلاك اصبح اكيد واني انا مالي رجاء..ولاهروب من الدجاء من الجحيم الا بأمل عندي وحيد ان الله غفار ورحيم ابسئلك ياصاحبي عني في وقتها ماني فقير؟؟؟ ___________________________ احترامي.. للحرامي صاحب المجد العصامي صبر مع حنكة وحيطة وابتدا بسرقة بسيطة وبعدها سرقة بسيطة وبعدها تَعدى محيطه وصار في الصف الأمامي احترامي.. للحرامي احترامي.. للحرامي صاحب المجد العصامي صاحب النفس العفيفة صاحب اليد النظيفة جاب هالثروة المخيفة من معاشه في الوظيفة وصار في الصف الأمامي احترامي.. للحرامي احترامي.. للحرامي صاحب المجد العصامي يولي تطبيق النظام أولوية واهتمام ما يقرب للحرام إلا في جنح الظلام صار في الصف الأمامي احترامي.. للحرامي احترامي.. للحرامي صاحب المجد العصامي يسرق بهمة دؤوبة يكدح ويملي جيوبه يعرق ويرجي المثوبة ما يخاف من العقوبة صار في الصف الأمامي احترامي.. للحرامي احترامي.. للحرامي صاحب المجد العصامي صار يحكي في الفضا عن نزاهة ما مضى وكيف آمن بالقضا وغير حقه ما ارتضى صار في الصف الأمامي احترامي.. للحرامي احترامي للنكوص عن قوانين ونصوص احترامي للفساد وأكل أموال العباد والجشع والازدياد والتحول في البلاد من عمومي للخصوص احترامي للصوص _________________ بهـو فنـدق بهـو فنـدق .. بلد غربـي .. في فصل الصيف .. على ميعـاد أو صـدفـة .. جمـع أجـنـاس مخـتلفه .. ولا فيهـم أحد وافـق .. أحد ثاني على تعريـف للمنطـق .. بهـو فنـدق .. فيـه النـاس مكـتظـّه .. فـخـامـة تكـسـي الجَنبـات .. نـادل يحمـل الطـلبـات .. على أوانـي من فضـه .. هنـا تجـّار يحكـوا أسهـم وسنـدات .. هنـا سمـسـار .. هنـا شـاعـر .. هنـا بنيـّات .. هنـا فلكـي .. هنـا لاعـب كـره بـارع .. هنـا فنـان .. هنـا مـتعهـد السهـرات .. هنـا يحكوا عن الأوضـه .. هنـا يحكوا عن المـوضـه !! .. هنـا يحكـوا عن السـادات .. وبركـنٍ ماهـو للصـفـوة .. بجـنب البـاب .. كرسييـن .. حـوار يدور بين اثنيـن حيـل اصحـاب .. مـلامـحهـم تودي يـم شـرق أوسـط .. وهيئتهـم وحالتهـم .. بسيطـه أو بعد أبسـط شـفّ سـايـح من اليابان .. يداعـب آلة التصوير .. يغـازل آلة التصوير .. سـايـح هذا يـا غلبـان ؟ .. هذا السـايـح البارح .. كانت صورته تحكـي .. في صـدر الصفحـة الأولـى .. يقولوا خـامس أغنـى شخص في العالـم .. وأظـن إنه .. وربـي وحـده العالـم .. جمـع هالمـال والثروة .. من استيـراد أو تصديـر .. نسى الكاميرا على الكرسـي .. لا يـا شيـخ .. مثل هـذول .. ما ينسـوا صدّقنـي نسى الكاميرا على الكرسـي .. لا والله .. رجـع خذهـا ظـنـك وينهـو رايـح ؟ .. أكيـد يـزور لـه متحـف سخيـف .. وهـوايتـه أسخـف .. شـفـه مسـتنـي يـمّ البـاب .. وش ينتظـر ؟ ! ... أظـنـه ينتظـر تكسـي ! .. ركـب تكسـي أقـول عدنان : فاخـر حيـل هـالفنـجـان .. خـذ شـايـك قبـل يبـرد أقـول أحمـد : هـذاك هنـاك .. هـو منهـو؟ أي واحـد ؟ .. هـذاك اللي معه واجـد .. تخطـرف إنت أو عميـان .. هـذاك فـلان .. هـذاك اللي كـلامـه منتـهى الحكمـه .. وجـوده مثل غيـث السـحـب .. هـذاك اللي لأجـله ترخـص أيامـك .. وتقـضـي النـحـب .. هـذاك اللي يهينـك وانت تتلقـى إهـانات بصـدر ٍ رحـب هـذاك اللي شـعـورك نحـوه مبيّـن .. مـزيـج من الـولا والحـب .. هـذاك اللي اذا لا قـدّر الله راح .. يغطـي حـزنـك الدنيـا !!............. وتهـمـس .. راح ابـن الـ كـذا يـا أحمـد .. ؟ - شـايفنـي أنـا منـافـق .. انـا مسـمـع ولا أوافـق تظـن إني بقـلـب أسـود .. كـذا يـا أحمـد ؟ .. لا تزعـل أنـا آسـف .. أنـا آسـف .. تـرى الدعـوه سـوالـف .. شـف هـذا خفيـف دم .. ويعطـونـه ! يعطـونـه .. يعطـونـه .. ويـرجـع باكـر لهذا .. يقـطـّع ذاك .. ويشـرشـح أصـله وفصـله .. بخـفّـة دم ويعطـونـه ؟ .. يعطـونـه .. ويرجـع الأخيـر .. ضـاحـك على هـذا وعلى هـذا ! أقـول أحمـد : ظنـك هـو رصيـده كـم .. دقيـقـة صـمـت .. فرضهـا جيّـة النـادل .. يشـيـل الشـاي .. ويقـول إن العصـير اللي يبـونـه لحظتيـن وجـاي .. شـفّ الشـاعـر .. هـذيك الحـلـوه تضـحـك لـه ..؟أي واحـد .. شـفـه واقـف .. يوقـع دفـتر لطـفـلـه .. تخيّـل يـاخي يقـولـوا .. بإنه يشتـري شـعـره من الشـاعـر !.. اللي الشـاعـر المشهـور يكـتب لـه .. يـا حـظـه .. وسيـم ومشهـور .. يـاليتنـي أكـون مثلـه .. قـوم نتصـور معـه ! نقـوم نتصـور معـه ؟ مـابـاقـي سـوى هـذي .. نكبّـر راس هـالمـغـرور .. خـفيـف انـت .. وغبـي أحمـد .. ودايـم فيـك هـالعـلـّه .. أقـول عدنـان .. ترى صايـر طـويـل لسـان .. أحمـد يـاخـي لا تـزعـل .. ترانـا اخـوان .. تعـوّذ بـس مـن الشيـطـان .. وانـا آسـف .. وتـرى الـدعـوه سـوالـف .. فخـمـه حيـل هـالكـيـسـان .. اشـرب .. لا تـزوّدهـا .. ترى يبـيـن عليـك تعبـان .. شـف مـو هـذي صـاحبتـك ؟ .. هـلا والله .. إلا والله صـاحبتـي .. تـدري ..؟ تـمـوت هـي فينـي .. يـا رجـال .. خـلـّينـي .. خـادعـتـك .. تراهـا والله خـادعـتـك .. أقـول أحمـد : عشـان انسـرقـت فـلـوسـك .. مـن زبـيـدة .. صـرت تشـوف كـل وحـده .. هـي زبـيـدة .. يـا عدنـان .. خـادعـتـك .. أنـا قصـدي لمـصـلحتـك .. شـفهـا تكـلم الـرجـال .. أي رجـال ! .. أخـوهـا ذاك .. يـا عـدنـان .. خـادعـتـك .. أقـولك مـاتبـي غيـري .. يـا عـدنـان .. طـع شـوري .. مشـاعـرهـا .. وهـم .. كـذبـه .. أحمـد .. احتـرم نـفسـك .. أفـا عـدنـان .. تـمـد يـدك علي .. وهـذي السبّـه .. صـفـعـه دوّت بـركـنٍ .. قـريـبٍ مـن هـل الـصـفـوه .. عـراك في بهـو فـنـدق .. جـمـع أجـنـاس مخـتلفـه .. مـافيهـم أحـد وافـق أحـد ثـاني .. عـلى تعريـف للمنطـق خـارج صـالـة الـفنـدق .. شـرطيّيـن .. يقـودوا بالحديـد اثنيـن مـلامحهـم تـودي .. يـم شـرق أوسـط .. وهـيئتهـم .. بسيطـه أو بعـد أبسـط .. كـانـوا أصحـاب .. في داخـل بهـو فنـدق .. بـلـد غربـي .. فـي فصـل الـصيـف ____________________________ كبرية فرقة موسيقية كمنجة بثلاث اوتار..قيتار..ثلاث طبالين اورق ..ناي .. شاي فرقة موسيقية يجون..كل ليلة يجون..ومع أول الصبح يسرون لجل ثاني ليلة يجون هم يعزفون..وما يعزفون في مكان تسمع فيه الناي قانون ازعاج .. صجة .. دجة ايقاع خليجي غالبا مقلوب ايقاع خليجي دائما مطلوب شباب..بنات ترقص..والعطر في اول الرقصة حلو وفي آخر الرقصة هبوب غناء وطرب..عرض وطلب وحد يغني ..بدلته تلمع..يفترض فنان ياليلة دانة لدان قرقعت كيسان..دخان..ما اسعد الشيطان ضوء خافت..كل شي حلو والضوء خافت كل شي كذب والضوء خافت وفي اطرف الصالة..هناك اثنين -واحد يقول "شفت هاذيك الطويلة اللي ترقص -الثاني "وين؟ -"هاذيك اللي مع حسين "واعدتها البارحة وجتني..مالومها حبتني..اعطيتها الفين "مسكينة هي..ماودها تجلس في ملهى..بس انها تساعد اهلها الثاني قال:"كل البنات اللي هنا تساعد اهلها غسان..غسان .. مدير هالصالة ركض غسان .. وصل فلان..وصل المهاب..معاه عشر اشخاص ركض غسان "اهلين وسهلين ..شو هالحلو..يخزي العين الفرقة تنهي الأغنية.. وتعزف بسرعة "حمد الله ع السلامة ..يجاي من السفر أحلى طاولة للمهاب..طاولة على البست لفلان اللي من اسبوع كان لابس البشت اليوم على البست غسان قلقان..مضت ساعة..ومانقط أحد نادى "ياجارسون" وحط يده في جيب البنطلون "خذ هالألفين ..على المغني ارميها..وشاور على فلان ادريس قام "فلان ينقط وانا لا..ياللاهانة..والله لنقط - "يادريس لا..هذي فلوس التذكرة..وشلون نرجع..السفر بكرة ادريس قال "بكره اروح لفلان احلف له (انسرقت فلوسي..الاوتيل غالي..وانا معي عيالي) وارجع انقط جارسون هناك يحكي مع زميله غسان قال "الفواتير ماتنزل الا آخر السهرة الحق معه..بهذا الوقت ..مافيه احد يقرأ جوزيف وين..اليوم فل..ودوه للشرطة..غسان شافه يسرق من النقطة والكل عارف..الثلث للفرقة..والثلث للنمرة..والثلث للصالة وكله لغسان طلعت الشمس..الساعة ثمان الكل سكران..الكل تعبان ماعدا غسان "قفل الصالة ..الوعد بكرة ___________________________ عــجب عــجاب عجب عجاب .. طيبة قلبها أبيض سحاب أخلاقها مامثلها .. أخلاقها أخلاقها تنتظر عشاقها ومايجون ياهي جريحه طيبه .. لكن قبيحه عجب عجاب وسيم أنيق شاب .. كسبه حلال مشروع ماجرب الجوع ناجح مركزه مرموق ورغم هذا الحزن ساكن عيونه ماتت امه .. وحبيبته كانت تــخـــونـــه عجب عجاب كثر الفقر ماله كلاً يبي قربه ورضاه رغباته قوانين وزلاته صواب الناس حوله من شمال ومن يمين يأمر يــطــاع الدول تحسب حسابه والكل يخشاه ويهابه لاكن مريض ياعذابه ممنوع يأكل لو أكل جايز يموت عجب عجاب مرتاح الضمير لاسرق لاظلم لاحسد عنده قليل أصحاب قلبه كبير بيته صغير والمرض عن صحته بعيد عنده ثلاث اطفال أحمد وايمان ويزيد وامهم وكثر السماء يحبهم لاكن فقير مالقاء لصوته مسامع مايملك الا طيبته وملح المدامع ولو مادفع مبلغ حقير ينطرد هو والعيال وامهم في الشوارع عجب عجاب عبقري في الطب ملحد عجب عجاب شاعر عظيم داخله فارغ عجب عجاب أمير كذاب عجب عجاب ملايين البشر تعبد بقر عجب عجاب ماتصلي فرضها وتلبس حجاب ياصاحبي عطني يقينك والظنون ؟..من ودك تكون ________________________ قـــالــــوا تـــرى قالوا ترى مالك امل في قربها لو يوم ابعد وجنب دربها ..هذا هو المقسوم قلت اتركوني واسكتوا..خلو العتب واللوم قدني غرقت في بحرها..ولاعاد يفيد العوم قالوا ترى في حبها ويل ..واسى..واهموم قلت ان قتلني حبها ..حسبي تقول مرحوم قالوا انسى ذكرها..منتب بها ملزوم قلت ابشروا ياعذلين..بنسى لذيذ النوم قالوا بتلقى غيرها..واترك هواها اليوم قلت العفو ياحسدين ..ما ابدل القمر بنجوم قالوا لغيرك حبها..قلت الجواب مفهوم دام انها متهنيه..وشلون اصير محروم بقضي الليالي انتظر..صابر على المقسوم متعلق بطرف الأمل .. يمكن يجيني نوم قالوا ترى مالك امل ..في حبها لو يوم ابعد وجنب دربها..وهذا هو المقسوم _________________________________ النــظره الخجوله مـا سـألتـوا صـاحـب النظـرة الخجـولـة ! .. كيـف يـسـهـرنـي ولـه وجـهٍ صبـوح ! .. كيـف يظـلـمـني وله طـهـر الطـفـولـة .. كيـف يـفـتـنـّي وهـو دايـم يــروح .. وكيـف أنـا ألقـى ربـيـعه فـي فصـولـه .. دام كـذبـه صـادق وصـدقــه مـــزوح .. لـه صـفـاتٍ تـورد العـاشــق ذهـولـه .. مسـتـكـيـن صـامـت وكـلـّه جـمــوح .. أصـعـب الأشـيـاء و أكثـرهـا سهـولـه .. أغـمـض الأشـيـاء و أكثـرهـا وضــوح .. سهـل تـغـرم بـه وصـعـب إنك تنـولـه .. غـامـضٍ طـبعـه وواضـح فـي الجـروح .. أسـعـد بشـوفـه ولكـن مـا أطـولـه .. كنّـي الـوادي وهـو أعـلى السـفـوح .. يـبتـسـم لا مـنهـم عنّـي حكـوا لـه .. ولا حكـوا لـي عنه أعـمـاقي تـنـوح .. لـي بقـلبـه شـيٍ لكـن مـا يقـولـه .. ولـه بـقـلبـي كـلّ و لكـنّـي أبــوح .. كنّـه الغيـمـه و انـا أرجـي هطـولـه .. مـا نـزل غـيثـه ولا بـرقـه يـلــوح !! .. مـا عـرفـتـوا ليـش تسهـرني فعـولـه !! .. وليـه يـسكـنّـي وهـو دايـم يــروح .. هـو يـبـيـني بـسّ أطبـاعـه خجـولـه .. ومـا يـبـيـني أغـفـا وهـو وجهـه صبـوح ____________________________ يــــا كــــاعب يا كاعب الطبع الفريد 000ياللي في صدقك تكذبي يا أقدم الكيد الجديد 000 كيد انسجن منه نبي يا جاريه تملك عبيد 000 يا مقيده تسبي سبي القوه في ضعفك تبيد 000 وسلاحك الدمع اسكبي ما يعجزك قاسي عنيد 000 الكهل يصبك بك صبي ينصاد ويظن انه يصيد 000 ويصدقك هذا الغبي ويظن انه الفذ الوحيد 000 ما يدري انك تلعبي مسكين هالجاهل بليد 000 ظنك بوصله ترغبي ان جاك اقفيني بعيد 000 وان صد عنك تقربي وان شفتي اخلاصه يزيد 000 في حيرتك تتقلبي وان بان لك فجأه سعيد 000 من هالسعاده تغضبي وان قلتي عني لا تحيد 000 وطاوعك تستغربي وان قلتي فراقك أريد 000 وغاب عنك تندبي ياطالب الراي السديد 000 يا حاير بطبع الظبي أقرب من حبال الوريد 000 وابعد من المجد الأبي وأوضح من أنوار تقيد 000 واخفى من النمله دبي الشك فيها الأكيد 000 وغموضها به تختبي شف فعلها يحكي ويعيد 000 الغدر شيمة مذهبي زادي النكد به استزيد 000 والمكر صافي مشربي البعض ينصاني مجيد 000 والبعض يحبيلي حبي ضعفي قوي وذلي عتيد 000 يا ليت اعرف مأربي شف فعلها برجل شديد 000 تلقى طلبك ومطلبي تعطيه بعض اللي يريد 000 وتاخذ جميع اللي تبي أستثني من هذا القصيد 000 كل النساء بكوكبي _____________________________ تـــــعـــــبـــــت تعبـت أنـزف جراحـي حبـر و أدور للألـم أسبـاب .. لجـل أكتـب شـعـر يحكـي بعض أصغـر معاناتـي .. قفـلت من الأسـى بابـي وسجنت الكون خلف البـاب ! .. وعـصـتني دمـعـٍة فيـهـا سـؤال لكـل اجاباتـي .. مـلل أخبـار حسّـادي أحـد صـادق واحـد كـذاب .. و أحـد مـا طـال تـجـريـحي و أحـد عـايش لزلاتـي .. أنـا شـاعـر رغـم أنـف الحسـد والحقـد و الأحبـاب .. و انـا يـا حاسـدي المسكـين بعيـد العيب عن ذاتـي .. أنـا مـا زادنـي شعـري ولا زادتـنـي الألـقـاب .. تجـي دنيـاي أو تدبـر عـزيـز فـ كـل حـالاتـي .. أنـا فـرحـي لمِن حـولي وأيـامي فـدا الأصحـاب .. قـصيـدي بـلسـم المجـروح ونبض النـاس أبياتـي .. كسـرني قـلبـي المكسـور نادت دمعي الأهـداب .. تعبـت أركـض ولا أوصـل ولاتـوصـلني غـاياتـي .. أي ذلٍ يـغطـي الأرض لـك يــا رب يــا وهـاب .. وابـي أحيـا جبـيـني فـوق مـا تمـلكني رغباتـي .. من الدنيـا أنـا مابـي سوى عـفـو العلي التـواب .. ويحسـن خـاتمـة فعـلي ويغـفـر لـي ضـلالاتـي .. " أبمـلا العمر "بالتوبة" و "نوح" و "هود" و"الأحـزاب .. متى كـانت سنيـني عمـر انـا عمري في ركعاتـي ______________________ تحياتي للجميع **لقد تمت أظافة عناوين جديده في الموضوع V I P
آخر تعديل V I P يوم 03-01-2004 في 10:15 PM
|
03-01-2004, 07:16 PM
|
#2 | |
|
كبار الشخصيات
  |
الشاعر عبد الرحمن بن مساعد شاعر له نكهة خاصه غير كل الشعراء وانت تقراء له تحس بسلاسة الكلمات وقربها لاذن السامع خصوصا الجيل الجديد واختيار موفق لروائع الشعر الشعبي للشاعر وخصوصا البرواز
|
|
|
|
03-01-2004, 07:52 PM
|
#3 | |
|
كبار الشخصيات
شعلة مجالس الرياض  |
مشكور على الرد الاكثر من رائع لما يحلمه من كلمات من النوع الخاص وقما قلتي هذا الشاعر والله غير الشعراء الباقين وان لو يجلس ساعه ماينمل من كلامه ومشكور مره ثانية تحياتي لك |
|
|
|
|
03-01-2004, 09:32 PM
|
#4 | |
|
عزيز وغالي
  |
الحقيقه موضوع رائع لشاعر اطرب شعره الجميع قصائد عبدالرحمن بن مساعد اكتسبت جمالها من روح قائلها الذي يحكي من القلب فيصل الى القلب شاعر يتحكم في القصيده كيف يشاء فيضفي جمالا يميز قصائده عن غيرها لاهنت اخي العزيز وموضوع يستحق التثبيت واتمنى اذا وجد لديك الوقت اخي العزيز ان يكون هناك شاعر الاسبوع تختار كل اسبوع شاعر وتنتقي بعض قصائده وسوف يثبت الموضوع حتى ينزل الموضوع الاخر تقبل تحياتي وتقديري على هذا المجهود الرائع
|
|
|
|
|
03-01-2004, 09:45 PM
|
#5 | |
|
المراقب العام
 |
 أهلاً بالحضور الذي أنار مجلس الشعر والخواطر V I P فعلا من أجمل ما قرأت اليوم كلمات في منتهى الروعة تجسد الجمال بين معانيها وهذا ليس بغريب على شاعرنا المبدع عبدالرحمن بن مساعد سلمت يداك ياغالي على ما اختارت لنا من كلمات رائعه كروعة تواجدك هنا لك تحياتي ومزيداً من تقديري الذي يملؤه ودي واحترامي اخوك واحد حلو
|
|
|
|
|
03-01-2004, 10:21 PM
|
#6 | |
|
كبار الشخصيات
شعلة مجالس الرياض |
عوج بن عنق بداية ابدا من اخر ماكتبت في ردك وهو شكري على تثبيتك للموضوع وهذي ليس بغريبه عليك وايضا الموضوع يتكلم عن شخصيه والله تحبها الاطفال والشباب والكبار رجال ونساء والله يقدرني على هذه الثقه التي منحت لي واني اطرح في الاسبوع القادم حلقه عن شاعر اخر والله اني افتخر بهذه المهمه لانه طلب من واحد عزيز وغالي ______........_____......______ اخي الكريم واحد حلو كلماتك اشلت اناملي عن الكتابه ووزعت افكاري وجعلتا مبعثره ولايقدر لي الا ان اشكرك على هذا الرد الاكثر من رائع فشكر لك اخي الكريم تحياتي لك V I P |
|
|
|
|
03-01-2004, 11:14 PM
|
#7 | |
|
عضو مؤسس
 |
 أقل ما يقال في مثل هذي الحاله روعة تسلم يمينك على كتابة الموضوع يا غالي ... فعلا عبدالرحمن بن مساعد شاعر مختلف عن الباقين قصائده فيها شيء من الفكاهه يحس بالجميع يوصف الفقير كانه قد جرب الفقر ... تسلم على الموضوع الرائع يا غالي ...
|
|
|
|
|
03-01-2004, 11:47 PM
|
#8 | |
|
كبار الشخصيات
شعلة مجالس الرياض |
مجنونها كلمات الاروع لوصف هذا الشاعر كلمات الجميله التي لها صدى طويل مشكور على المرور وصدقت في كل كلمة تحياتي لك V I P |
|
|
|
|
04-01-2004, 02:51 AM
|
#9 | |
|
كبار الشخصيات
|
يعطيك العافيه شكرا لك
|
|
|
|
|
04-01-2004, 02:54 AM
|
#10 | |
|
كبار الشخصيات
شعلة مجالس الرياض |
بنت النور مشكوره على المررو وانشاء الله ان القصايد اعجبتك تحياتي لك |
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| رابطة زعيم آسيا نادي الهلال السعودي | هلالي ودمي ازرق | عالم الرياضة | 1689 | 15-11-2007 07:13 PM |
| ][®][^][®][ كيف توزن قصيده مع بعض النصائح للمبتدئين ][®][^][®][ | ܓ.¸turki¸.ܓ | عطر القوافي | 19 | 02-03-2007 07:55 AM |
| هل من مساعدة؟؟ارجوكم ..:'-':.. | ضحية حب | خارج السرب | 1 | 05-02-2007 12:02 AM |
| ((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===)) | المجهول | عالم الرياضة | 57 | 31-01-2007 09:05 AM |
| تغطيه للأخضر في دورة الخليج | رومنصي مشاكص | عالم الرياضة | 68 | 27-01-2007 06:56 AM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
يكفي حضوري
