اسعد الله مساكم هذي قصيده لنمر بن صنت من قلب القصيد لانها ماخذوة من حلاوة الكلمه البدويه المعروفه بقوة معناها وصدق جاذبيتها مااطول عليكم اخليكم مع القصيده

يانجمة الصبح كبدي منك مرهوقه

ليا شع نورك علينا لا تغيبيني

ستاير القلب من فرقاك مفتوقه

اصبر من العام لين انك ذبحتيني

لبيك ياللي تتل القلب وعروقه

كله على شان يوم انك تلبيني

ياقلبي اللي من الغالي دنا عوقه

يا ناس اشيروا عليها لا تقاضيني

وان كان قلبي تليش عنه صندوقه

شدوه لين اتجود فيه بيديني

قالوا معاليق قلبك منه مسروقه

انا بلاي من الحيا وادري على ديني

الود لو نتركه عنا وطاروقه

اظني ارتاح وانتي تستريحيني

يالله يا خالق الدنيا لمخلوقه

تقدر على الموت تذبحني وتحييني

تلم شملي لابد الروح مرفوقه

بأربع هناديس في قبري تخاويني