الله اعلم وين دنيانا تودي
والله اعلم وين تاليها يصير
فترة مريت فيها ما تندي
زرعي الصبار وفراشي حصير
الف اهني الغافل اللي ما يبدي
زفرة الهم المعشش بالضمير
واهني اللي عن الدنيا يصدي
مايهمه جوهر بصرة حرير
عفيه نفوس تعيش وما تجدي
همها تشبع في يوم وثير
لو تهب الريح من شرق يشدي
مع هواها ساهي عن ما يصير
يازمان فل عنا ما يردي
لو تشوف ازكاننا سيفه شطير
كم تمنيت الشباب وباح سدي
وبأماني خافقي شي كثير
إيييه واجر التناهيد وابدي
من هموم الروح والدنيا زفير
مل عدي من كثر ما انا اعدي
بس متى او وين يرتاح المسير
كل ما قابلت وضعي عنه اصدي
واتمنى إن لي ريشٍ واطير
احسد الطير الذي علا وهدي
ما يضيق بشوفة الوضع المرير
وين ما وجّه مع النسناس مدي
ووين ما وقع لقى عشٍ وفير