العيون تخيل برقٍ لاح فيه اعجوبه=كل ماعود ولاح يهز قلب السالي

من ورا بحر العرب فكري يسافر صوبه=يم دارٍ كل لحظه ذكرها في بالي

مشيدٍ له وسط قلبي بيت طوبه طوبه=لو يطول البعد نجد بوسط قلبي عالي

زاد حبه وسط قلبي ساكنه رعبوبه=كل ماينزل قدمها وسط نجد يلالي

اشهد ان الشوق مشاني على مسحوبه=كل ماطلعت حرف يفوح نص دلالي

ولاتذكرت التغنج مع حلاة اسلوبه=فاحت ادلالي جميعاً مرها والحالي

لوتناظر فالجبل يبرك على عرقوبه=وكل ماناظرت يمي ذقت طعم الصالي

رمش عينه لانزل للخد دوبه دوبه=قلت ياويلي وياويلي وياعزالي

لانظرت لخدها والله ماقول التوبه=استغفر الله يمكن اني لارجعت اشوالي

من سبح في بحر عينه ضاع عن مركوبه=شيخةٍ للغيد من وصفك تضيع اعمالي

ان بغيت اقراه شفت الليل يلبس ثوبه=وان تركته في طروق القافيه نادى لي

ثم زهمتك باسمك اللي مانسيته نوبه=وفزت اهجوسي ليا ناديتها طوالي

عاشقك يابنت ربي يغفر اذنوبه=كل ليله في منامي جالسه بقبالي

جبت الاصلي من حروفي واترك المضروبه=واستعيد العصر الاول يوم انا والغالي

واحترقت وذبت مثل الشمعه المشبوبه=كل ماشبيت شلت الليل واحرق حالي

وســلامتـكم




احرقني القيد

احرقني القيد
قصيده رائعة وحضور مميز
يعطيك العافيه

تحياتي / أسير الآآآه