يـارب يارحمـن ياعالـم خفيـات الضميـر=يارافـعٍ سبـع السمـوات الشـداد بلاعـمـد
ياخالـق الدنيـا بقدرتـك العظيمـة ياقـديـر=ياحـي ياقيـوم ياجبـار يالـفـرد الصـمـد
ادعيك بسمائك وسلطانـك تجيـر المستجيـر=وتعيذ نفسي من عذاب الموت وكـروب اللحـد
ومن ساعةٍ يشيب من روعاتها الطفل الغريـر=ومن كثرة ذنوبي وتقصيري ومن قـل الجلـد
وتشمل بعطفك والدي وكـل عبـدٍ لـك فقيـر=انت الغني المعطي الوهـاب يـا واحـد احـد
يارب وان تاهت دروبي بين شر وبيـن خيـر=رحمتك تاسع من طلب عفوك ومن صام وسجد
امشي وخطواتي ورا الدرب المقّدي والضريـر=واقول يانفس الملامة ويـش باقـي لـك بعـد
واقنع بان العمر مهما طالـت ايامـه قصيـر=ولاحدٍ خذا مـن ذمـة الايـام والدنيـا عهـد
ياكثـر ماناديـت للاحيـا وطاولـت المسيـر=واليوم ماباقي ورا صدري مـن الحييـن احـد
وياكثرماقلبي حـداه البعـد واضمـاه الهجيـر=اليـن جنحانـه تهـاوت فالطريـق المجرهـد
ولا عاد باقي للحقيقة وجـه والواقـع مريـر=وقلوب خلق الله ملاها الزور واعماها الحسـد
وياقلبي اللي كل ماطّوح لـك الداعـي نذيـر=تعقد على صدر الجهامة كـل عـرقٍ مانعقـد
المح ركايبـك اول اليمّـة وفالـدرب الاخيـر=واعطيك منـى كلمـةٍ تثبـت وقـولٍ يعتمـد
ابايعك بالـود والمعـروف واعـدك شويـر=واجنبك عـن شرهـةٍ تقصـر وعيـنٍ ماتلـد
وابقى معك للحزن وافي وانت لدموعي خشيـر=والدمع لولاالحزن ماجاله على صـدري سنـد
واكتبك سيرة هاجسٍ تاتيبه الضيقـة اعصيـر=عجزت اغض الطرف دونه واتناسـا وابتعـد
الهم يـارد معـه ميـراد الضوامـي للغديـر=واهيم في غبة بحوره بين جـزر وبيـن مـد
اجي على صوت الوعد منه وفي نفس المصير=وانا احسب انى كنت في صدره على ذاك الوعد
واليوم لو سامحتنـى مـرة وسامحتـك كثيـر=ماقلت لى ليه الجروح قصاص ؟؟ وطعونى مدد
والعبرة اللي كـل ماحلـت طواريهـا تحيـر=أصد ,,, ماكنى براعيها ولا عنهـا ,,,مصـد