ناظري كل الشعوب السابقة تحـت التـراب
غير حزني عند بابي واقف(ن) كنـه صنـم

قوم نوح وقوم موسى بين أنهـار وسحـاب
بس من قسوة عذابـي أشْبَـه لصيحـة إِرَمْ

لو فرعون بغروره قابلـك كـان استجـاب
عاد كيف اشلون قلبي ما يصوّت لك نعم !!

إرحمي زهرة شبابي وارفعـي ذاك العـذاب
أو تمادي في عذابي ينحسـب منـك كـرم

قلت يا حزني كفايـة انفتـح للنـار بـاب
وكل أسباب السعادة ما بهـا موطـئ قـدم

من زمان أبكي حكاية اسمها وهم السـراب
دمعتـي كانـت ضحيـة مَثّلَـتْْ دور الألـم

فوق مسرح من هموم القلب غطّاه الضبـاب
ابتدى المشهد بدمعة وانتهى بضحكـة نـدم

ليه يا دنيا خفوقي بين ناب .. وبيـن نـاب
لو بغيت أرسم شقايا في خيالي مـا ارتسـم

فرحتي (( تمثال ريح )) وسط قصة في كتاب
خالية من كل شي(ن) غير ونـات القلـم !!

يا بداية جرح قلبـي ويـا بدايـات العـذاب
لـو نهاياتـي بيـدك بانتظـر وأقـول تـم

بس قولي إني أحبك لو بهـا نبـرة عتـاب
واحتضر قدام عينك ليـن مـا يبقـى نسـم

آآه لو انك بقربـي لاحضنـك وأقـول ذاب
أو نسيته في عروقي لين بالـدم انسجـم !!

وآآه لو أدري بإنه في عيونك لـي جـواب
لاسألك مليـون مـرة ليـن أفنـى وانعـدم

وآآه لو قلبي بيـدك لاتركـه بيـن الذيـاب
بين أصابيعـك بيلقـى عزتـه كنـه علـم

وآآه لو تدريـن همـي يبتـدي بالإكتئـاب
كان حبك ما تركني ساكـت(ن) كنـي هـرم

وآآه لو للقلب توبة عن هواكي ما استتـاب
واعلن انه قد تمـرد عـن قـرارات الحكـم

وآه لو ادري بقصيدي بينك وبينـه حسـاب
لاتوطاه برجولي .. واعترف انه انهـزم !!



*·~-.¸¸,.-~* جنون قلـم *·~-.¸¸,.-~*