الحرف لشبع جاش كتابته سد=ذاك اللزوم وكل حرف اللزومه

لياكتبت الحرف وصفه كما حد=سيفٍ تصدى لزمان وسمومه

يجيدها بالجزر وان عودت مد=يرهي على الساحل وزادة ردومه

ياطيب خوة طيب الخال والجد=يشفيك لو ان الليالي ظلومه

خله على يمناك لاجيت تارد=خوة شنب في كل جلسه وقومه

يرتاح بالك كل ماتذكره سد=سدا حصين وعاليٍ في طمومه

اللازمك تقول شخصٍ مجند=يفرح ويرفع للوازم كمومه

يحرص على سمعة رفيقه من الهد=يطلع سنود وكل عالي يرومه

هذاك والله رفقته ماتبعد=ولد ولد لاماتردا عزومه

ابي رفيقي مثل ماقلت واجيد=هذا سلومي تنطبق مع سلومه


وســلامتـكم

احرقني القيد

احرقني القيد

صح لسانك

الشطر الاول من البيت الاول ماني عارف معناه

يعطيك العافيه دام تواصلك

القاشط