ياوجودي وجد من يبدا حياتـه بانعـدام = وش يقول وكيف يبدا في زمان الأنكسـار

عايشٍ ميت حياته نورهـا كنـه ظـلام = لو يطاوعني زماني مارفضـت الأنتحـار

انشدوني عن دموعي في عيوني كم تضام = وانشدوني عن جروحي كل ماتبرى تثـار

وانشدو نبرات صوتي خالطت عذب الكلام = وانشدو حلو الليالي وابتسامـات النهـار

وانشدو ابيات شعري حزنها فيه المـلام = وانشدو باقي بقاياا في حياتي بختصـار

العذاب الا العـذاب اللـي يزيـده انتقـام = وانتقـام القلـب زاده انحـدار الأنحـدار

ويل حالي كل منساهـا تجينـي فالمنـام = طالبك يالله ياللي كـم تجيـر ولا تُجـار

ترحم قلوبٍ رهيفه ماتعـرف الا السـلام = ليت بس العقل يكبر والقلوب تبقى صغار

وليت عيني ماتشوف الا طريق الأحتـرام = وليت قلبي مايدوسك يالخطا فيك الدمـار

احترامـي والتحيـه يادمـوع الأنهـزام = كان تخفين الصراحه يوم فيك الوقت جار