سـلام الله عليكـم كلكـم تحيـة الاســلام
بـدار يحـس العانـي انـه مهـوب عانـي
بعد مااخذت لي قسط من الراحه والاستجمـام
قريت الحمد والكرسي وقمت بثانـي اركانـي
وخليت ام عبـدالله اتطيـب غتـرة البسـام
تدعيلـي بـان الله يحلـل عقـدة لسـانـي
وجيت بكـل ماوتيـت مـن شعـرا والمـام
قصيدا لو نسيته يمكـن الجمهـور يقرانـي
وانا لو حطني المشرف عضو مع فرقة الاحلام
اقول الشعر واثق كل محـد جالـس اوزانـي
ماقول اني انامبدع الشعـر ومحطـم الارقـام
ومو انـي اقولـه بينكـم ياحسبـة اخوانـي
وانا لو شافني بالصدفـه المانـي بامرستـدام
عرف اني سعـودي وانـي مانيـب المانـي
وعرف دمي وعروقي وانتمائي وديني الاسلام
وعرف اني موالـي للقيـم مانيـب علمانـي
وعرف اني من الشرقيه ولي بيـت بالدمـام
ماباقي الا يطلـق ان ابـوي فـلان الفلانـي
وعرف اني احب اهل الجنوب واعشقك يايـام
واحس بقمة التشريف مع كل يامي وهمدانـي
اذا وصفتهم بالطيب قلت الطيب معنـى عـام
ابي شي يخـص ومايعـم القاصـي والدانـي
ابي شـي لا منـي كتبتـه تحلـف الاقـلام
بانه من كتـب فـي مدحكـم شـي تعلانـي
مع ان ماصارلي في داركم جالس ثلاث ايـام
لاني احسب ان هـذا البلـد داري وعنوانـي