رعاه الولي كفخ بالجناح وطار=عليه العيون بعز فرقاه هماله
يقولون باسل راح ماكمل المشوار=وانا اقول وين الصبر من عقب ترحاله
رجيته يرد وراح ماكن عمره صار=خذاه العظيم ولا اعترض حكمة افعاله
غدر به حديد الموتر بنزعة الإطار=عكس يمته والموت بالدرب وافاله
حسيبي على درب الخطر والشفر غدار=عسى الله يلومه ليه ماشافه و جاله
سكبنا الدموع ومن افراقه بكينا امرار=ولاظنتي كثر البكى يرجع اوصاله
انا ماذبحني غير ذكراه والتذكار=اليا طرالي بالزمن حالتي حاله
صغير بسنه بس له بيننا مقدار=جعل في عيون الناس حبه وتمثاله
ياصعب الفراق وموتة الغالي المغوار=ويامكثر غلاه اللي ذبحني بترحاله
انا أستغفر الله ما اعترض حكة الاقدار=ولا أجزع من اللي يامر الخلق بأقواله
حصل ماحصل والنفس تقنع مع الإصرار=وهذا طريق كلبــــــــــــــونا خلقنا له
عسى الله يغفر له وينعم مع الابرار=وشوف النعيم وجنة الخلد منزاله
عسى باسل يشوف الفرح في نعيم الدار=مع الصالحين وصفوة الخلد في جاله
يعيش برغد وتشع في قبره الأنوار=ويشوف البشاير من عزيز سجدنا له
بإذن واحد يعلم خفي الغيب والأجهار=اليا من دعينا كلبونا لجينا له