انا وانتي تغربنا =بدون اسباب ما ندري

تعذبنا وتعذبنا=نشيل همومنا ونسري

حمول القلب تتعبنا=واخفف آه من صدري

اظنك قلتي قربنا=يعين الله بعدعمري

سراب الحلم يعجبنا=وحلم البارحه مغري

حرام الحظ يغلبنا=عقب ذاك الشقا وصبري

على العشرين شيبنا=سرقنا الوقت من بدري

للوفا للطيـب للغـدر الشحيـح=للظروف اللي على الكيف لعبت
للظما للشمس للطيـر الجريـح=للسيوف وخيل ربعي لاهذبـت
كنها عندي لها عدي وضبيـح=وطيها بقلبي وبعروقـي دبـت
للعيـون الكاسـره ماتستريـح=من غدير الموت تجدل وشربت
للدخيل اللي رمى عقاله يصيـح=شوف عيني لو عيوني كذبـت
للقصايد يوم سامعهـا طريـح=طيبها يمنـاه بالسيـف كتبـت
ومن فهمني قالت عيونه صحيح=والسوالف قبل ما ماتت حبـت
والجبل ماهزتـه هبـات ريـح=لوتحاول هبـت الريـح تعبـت
انشد العراف عنهـم يانصيـح=تعرف اللي صار من وقت وثبت

معـذور أحـبـك..لا تقولـيـن غلـطـان=وشلـون مـا أحبـك وشوقـي ذبحـنـي
من قبل أعرفك كنت سالي لي أزمان= إيليـن شفتـك فــز قلـبـي وفضحـنـي
قولـي لهـم هـو حبنـي يـووه بجنـان = وقولي أحبه مـوت لـو هـو جرحنـي
لكـن حـرام أجـرح شعـورك علشـان= أرضـي غـرور اللـي بدربـي لمحنـي
وأقول أحبك وألمـح البعـض زعـلان=يزعـل ولا يرضـى ولـو هـو مدحنـي
ولو ردنـي مـن ردنـي فيـك خسـران=ماهـمـنـي لـــو هــمــي مانـطـحـنـي
من أول أنصح كـل عاشـق وولهـان=واليـوم أحـارب كـل منهـو نصحنـي
مجنـون أحبك..لـو تقوليـن غلـطـان=والقلـب قلبـي لــو غـرامـك ذبحـنـي

جواهـر كنـهـا غـادة..وغـادة مـثـل سلطـانـه=نقول الخالق الناطق إذا شفنـا مهـا مـع مـي

بنـات النـاس تعجبكـم وأنـا تعجبـنـي فـلانـه=شبيهتهـا مرايتهـا وهـي أحـلـى بـعـد شــوي

ومـن قالـت تشابهنـي أقـول..أقـول غلطـانـه=ولاتشبه..ولافيها من اشبـاه البنـي ذي شـي

وتكتـب شعـر بلسانـي أو امـر عيـن خدرانـه=قصيد لاروى يضمـا وتتعـب مـن وراه إيـدي

تنطحـت الغـرام اللـي لفحنـي بــرد هجـرانـه=وشبيت الخفوق وطاح من طوله على رجلي

طلبني ولا رمى عقالـه وصـاح بسلـم جدانـه=دخيـلـك لاتخليـنـي وإذا جيـتـك بعـدهـا عــي

رفعـت القلـب لضلـوعـي وخاويـتـه لخـلانـه = لقيت الفرحه بشوفي تساوي كل منهـو حـي

وتعجبكـم بنـات النـاس وأنـا تذبحنـي فلانـه= شبيهتهـا مرايتهـا وأكيـد احلـى بـعـد شــوي