لــبــيه يانــظـــره بملــــيون ترحاب = لبــيــه ياقلـــبٍ خـفـــــق مـن يشيله

انا اشـهـد اني ضعت ياكل الأسباب = ضيــعــت دربي ياهـــي اكبر فشيله

احوس وارجع من ورى ظهر ذا الباب = ودي بنــــظـــره ثـــانـيـــــه يابخيله

اصبحت صايب في صــويبٍ ومنصاب = اصبحت ضــايع فــــي ضياع الدليله

تكفين ردي واطــربي قلبي إطراب = من بــعــد مادحــــدر على قل حيله

خلـيه يـــرجــع للـــوعي بعد ماغاب = شوفي لحـــالـــه حـــالـــته ينبكيله

ان كـــان ودكِ بسّـــــوالف وتنساب = الروح مـــن كـــــــل السوالف عليله

عندي ســواليفٍ بـــهــا حـب شياب = من عهـد جـــدانـكِ وجــــدي وجيله

ون كـــان ودكِ بالقصـايد ترى طاب = ليلٍ علــــى كــل القـــصــايد جزيله

يابنت ردي يابـــــعــــد كل الأحباب = قولي احبك !!!!!! ادري مـزحه ثقيله

جيـــت اكتتب والله مــــــانيـب لعّاب = جــيت اكتتب مــع ذا الوجيه الفضيله

المعـذره يالراجـحي كـان لي كتاب = اهدوه صـــاحب طــــرف عينٍ كحيله

ابنسحب وش جـــابــنـي للعـنا جاب = ابنسحب تـــراهـــا خـيـــــر الوسيله

حصيلتي قلـــبٍ جــــــريـحٍ ومرتاب = وامــرٍ علـــى قلبـي استدامه قليله

ان كان فيكم خير سـواه ((ينساب)) = ماظـــن خـيـــره يــابشـــــر جابنيله