يــا سـامـعٍ مـنـي وصـيــة نـاصــح=أظـن بعـض النـاس مـا دريـو بـهـا
الأولـــه صـــر مـجـهــدٍ بـالـطـاعـه=تفـرح إلــى جــا حــد وزن ذنوبـهـا
والثانيـه هـدي الرسـول اعمـل بــه=تسـتـر نفـسـك فــي لـقـا محبوبـهـا
والثالـثـه احــذر اجـــروح لـسـانـك=تــرا جـروحـه مــا تـسـر طبـوبـهـا
الرابـعـه احــذرك عـــرض الـغـافـل=واعرض على نفسك جميع اعيوبها
والخامـسـه لـيــاك تـــوذي جـــارك=ولا تــوقــف لـلـنـســاء بـدروبــهــا
الـسـادسـه لـيــاك تـجـفـى ضـيـفـك=أعـط الرجـال حقوقهـا ومـا جوبهـا
السابعـه احـلـم عـلـى الـلـي جـاهـل=ولا تـكـثــر لـلـصـديــق اعـيـوبـهــا
الثامـنـه صــر للـقـريـب مـتـواضـع=صر له ذلولٍ عن اطبـوع اصعوبهـا
التاسـعـه احـــذر جـاهــل او عـالــم=إلا إلـــى وردت عـلـيـك اخـطـوبـهـا
الـعـاشـره صـــر لـلـرجـال امـــلازم =يبيـن لــك مــن مــا تــرا تجروبـهـا
هــذي وصـاتـي للـرجـال احفـظـهـا= واسمع اوصات البيض يا مثيوبهـا