ياحبيبي ليش قلبك في الهوى صاير بخيل =
الروح عانت من جفاك ومن صدود يعتريك
غابت ليالينا الملاح وما عدت ألقى لي سبيل =
أرمي به همومي الثقال وقلبي تعب وهو يرتجيك
آه ياخلي أحبك وانت تدري بي عليل =
والدوا وصلك وقربك وروحي ملتاعه تبيك
ودمعتي بعيني يتيمه ونظرتي دايم تخيل =
منظر عيونك وبسمة خاطرك ولمسة يديك
أحرقتني قسوة الأيام وجروحي الدليل =
ودمعة المشتاق وأوجاعي بصدري تنتخيك
ولهفتي بقلبي عنيدة وليلها أصبح طويل =
وجرح روحي يزيد يكبر وقلبي صابر يحتريك