يابنت شقرا لك عظيم التحايا = ارسلك الاشواق يابنت بالحال
غلاك عندي واصلن للنهايا = غلاك اغلى من غلا النفس والمال
سبحان ربي كملك بالمزايا = طبعن سنوع ورمشك السيف قتال
فيها جمالن بهذل ام الصبايا = والله يبطن ماوصلن حبة الحال
ياكيف ابحكي والحكايا حكايا = اغلى البشر والحق لابد ينقال
لاشفتها كني لمحت السرايا = والرمش قايد والهدب سيد الابطال
لاشفتها ماغير اعض الشفايا = واذا همست يثور بالقلب زلزال
مثل القمر هالبنت ..فوق البرايا = كلن يشوفه بس توصله محال
تسكن بدمي بين هاك الخلايا = مابين قلبي والرئه..حيل تختال
مير انها ياناس داخل الحشايا = مهرة اصيله ماتبي أي خيال
اقداري يادنياي اغلى الهدايا = ياليتني حبيتك بعمر الاطفال
يابنت شوفك صدقيني دوايا = لوفيني همن عجزت تشيله جبال
قربك اماني وابتعادك منايا = ووجودك بجنبي رفع ضغط العذال
ما اسمع ابدن فيك كلمة وشايا = قاموس حبي مابه القيل والقال
ودي اعيشك واسكنك ياهوايا = واشرب هواك العذب في كم فنجال
انتي وبس اللي ابيها معايا = وابي احبك حب ممزوج بهبال
لوجاتني نجوى وديانا ومايا = والله ما يسوون ياعمري ريال